సంజయ్‌ దత్‌ ఇంట దీపావళి వేడుకలు.. పాల్గొన్న సూపర్‌స్టార్ మోహన్‌లాల్‌

Sanjay Dutt Mohanlal: కరోనా నిబంధనలను పాటిస్తూనే దేశవ్యాప్తంగా దీపావళి ఉత్సవాలు శనివారం ఘనంగా జరిగాయి. అందరూ తమ తమ ఇళ్లలోనే దీపావళిని జరుపుకున్నారు. ఇక సెలబ్రిటీలు కూడా దీపావళి వేడుకలు జరుపుకోగా.. వారి సెలబ్రేషన్ ఫొటోలను సోషల్ మీడియాలో షేర్ చేసుకున్నారు. ఈ క్రమంలో మలయాళ సూపర్‌స్టార్ మోహన్ లాల్‌, బాలీవుడ్‌ ఖల్ నాయక్‌ సంజయ్‌దత్‌ ఇంట్లో జరిగిన దీపావళి వేడుకల్లో పాల్గొన్నారు. ఈ ఫొటోలను మోహన్ లాల్ తన సోషల్ మీడియాలో షేర్ చేసుకున్నారు. ఈ దీపావళి ఫ్రెండ్స్‌తో జరుపుకున్నానని ఆయన కామెంట్ పెట్టారు. ప్రస్తుతం ఆ ఫొటోలు సోషల్ మీడియాలో వైరల్‌గా వైరల్‌గా మారగా.. ఇద్దరు అభిమానులను ఆకట్టుకుంటున్నాయి.

కాగా క్యాన్సర్ బారిన పడిన సంజయ్‌.. ఇటీవల ఆ మహమ్మారిని జయించారు. మళ్లీ ఇప్పుడు షూటింగ్‌లకు రెడీ అవుతున్నారు. ప్రస్తుతం ఈ నటుడు యశ్ హీరోగా తెరకెక్కుతున్న కేజీఎఫ్‌ 3లో అధీర అనే విలన్‌ పాత్రలో కనిపించనున్నారు. ఇక మరోవైపు మోహన్ లాల్‌ దృశ్యం 2లో నటిస్తున్నారు. ఈ మూవీ షూటింగ్ శరవేగంగా జరుగుతుండగా.. వచ్చే ఏడాది జనవరిలో ప్రేక్షకుల ముందుకు తీసుకురావాలనుకుంటున్నారు.

https://www.instagram.com/p/CHkdczVHfGr/?utm_source=ig_embed