The Family Man2 Teaser: ‘ది ఫ్యామిలీ మ్యాన్ 2’ టీజర్ వచ్చేసింది.. లాస్ట్‌లో సామ్ ట్విస్ట్ అదిరింది..

The Family Man2 Teaser: అమెజాన్ ప్రైమ్ వీడియో వేదికగా విడుదలైన ‘ది ఫ్యామిలీ మ్యాన్’ వెబ్ సిరీస్ ఎంతటి ప్రేక్షకాదరణ పొందిందో ప్రత్యేకంగా చెప్పనక్కర్లేదు. రాజ్ నిడమోరు, కృష్ణ డీకే సంయుక్తంగా తెరకెక్కించిన ఈ వెబ్ స్ట్రీమింగ్‌లో మనోజ్ బాజ్‌పాయి, ప్రియమణి జంటగా నటించారు. ఇదిలా ఉంటే తాజాగా ఈ సిరీస్‌కు కొనసాగింపుగా ది ఫ్యామిలీ మ్యాన్2 తెరకెక్కుతోన్న విషయం తెలిసిందే. ఇందులో టాలీవుడ్ స్టార్ హీరోయిన్ అక్కినేని సమంత కీలక పాత్ర పోషిస్తోంది.

సంక్రాంతి కానుకగా ఈ సిరీస్‌కు సంబంధించిన టీజర్‌ను మేకర్స్ విడుదల చేశారు. ”శ్రీ ఎక్కడున్నావ్.. నా ఫోన్ ఎందుకు లిఫ్ట్ చేయట్లేదు.” అంటూ ప్రియమణి డైలాగులతో మొదలయ్యే ఈ టీజర్ చివర్లో సమంత క్యారెక్టర్‌తో ఎండ్ అవుతోంది. ఆమె గెటప్ కొంచెం కొత్తగా ఉండటంతో.. ఈ సిరీస్‌లో ఆమె ఉగ్రవాదిగా కనిపిస్తున్నట్లు తెలుస్తోంది. కాగా, ఈ ‘ది ఫ్యామిలీ మ్యాన్ 2’ ట్రైలర్ జనవరి 19న విడుదల చేయనున్నట్లు చిత్ర బృందం ప్రకటించింది.