సేతుపతి కుమార్తెకు అత్యాచార బెదిరింపు: క్షమాపణలు కోరిన నిందితుడు
విజయ్ సేతుపతి కుమార్తెను అత్యాచారం చేయాలంటూ రిత్విక్ రాజ్ అనే ఓ నెటిజన్ ఇటీవల సోషల్ మీడియాలో కామెంట్ పెట్టిన విషయం తెలిసిందే
Updated on: Oct 26, 2020 | 2:54 PM
Vijay Sethupathi Daughter: విజయ్ సేతుపతి కుమార్తెను అత్యాచారం చేయాలంటూ రిత్విక్ రాజ్ అనే ఓ నెటిజన్ ఇటీవల సోషల్ మీడియాలో కామెంట్ పెట్టిన విషయం తెలిసిందే. దీనిపై విమర్శలు వెల్లువెత్తాయి. ఆ కామెంట్ పెట్టిన వ్యక్తిని అరెస్ట్ చేయాలంటూ సామాన్యులు మొదలు సినీ, రాజకీయ ప్రముఖులు కూడా డిమాండ్ చేశాడు. దీంతో కేసు నమోదు చేసుకున్న పోలీసులు అతడిని అడ్రస్ని ట్రేస్ చేశారు. ప్రస్తుతం అతడు శ్రీలంకలో ఉండగా.. అరెస్ట్ చేసేందుకు ఇంటర్పోల్ సహకారాన్ని కోరారు.
ఈ నేపథ్యంలో రిత్విక్ ఓ వీడియోను విడుదల చేశాడు. అలాంటి కామెంట్లు చేయడం తన తప్పేనని, అందుకు క్షమాపణలు కోరుతున్నానని పేర్కొన్నారు. కరోనా లాక్డౌన్లో తన ఉద్యోగం పోయిందని, ఆ ఫ్రస్టేషన్లో తాను ఉన్నానని.. ఇక శ్రీలంకలో తమిళుల ద్రోహీగా భావించే ముత్తయ్య మురళీధరన్ బయోపిక్లో విజయ్ సేతుపతి నటిస్తున్నాడని తెలియడంతో ఆ కోపాన్ని భరించలేకనే ఆ ట్వీట్ చేశానని అన్నాడు. ఇక ఈ వీడియోలో అతడి తల్లి కూడా మాట్లాడింది. తన కుమారుడు చేసిన చర్య తప్పేనని.. తమిళులు తమను క్షమించాలని కోరారు.
కాగా శ్రీలంక మాజీ క్రికెటర్ ముత్తయ్య మురళీధరన్ బయోపిక్ 800లో నటించేందుకు విజయ్ సేతుపతి ఒప్పుకోగా.. అందులో నుంచి సేతుపతి తప్పుకోవాలంటూ కొంతమంది నుంచి పెద్ద ఎత్తున నిరసనలు వెల్లువెత్తాయి. ఈ క్రమంలో సేతుపతిని ఇబ్బంది పెట్టకూడదని భావించిన మురళీధరన్, తన బయోపిక్ నుంచి తప్పుకోవాలంటూ కోరారు. దీంతో 800 నుంచి విజయ్ తప్పుకున్నారు. అయినప్పటికీ కొంతమంది నిరసనలను ఆపలేదు. ఈ క్రమంలోనే అతడి కుమార్తెను అత్యాచారం చేస్తే గానీ విజయ్కి ఆ బాధ తెలీదంటూ రిత్విక్ సోషల్ మీడియాలో కామెంట్ పెట్టాడు.
Read More:
