వంటలక్క కూతురికి బంపరాఫర్.. ఏకంగా…

స్టార్ మా ఛానెల్‌లో వచ్చే ‘కార్తీక దీపం’ సీరియల్ గురించి ప్రత్యేకంగా చెప్పాల్సిన అవసరం లేదు. ఇందులో వంటలక్కగా కేరళకు చెందిన ప్రేమి విశ్వనాథ్ తెలుగు వారి అభిమానాన్ని చూరగొంది. ఇక ఇప్పుడున్న అన్ని ఛానెల్‌లోని సీరియల్స్ కంటే ఇదే టాప్‌లో ఉండటం కూడా విశేషం. అంతేకాదు ఈ సీరియల్ వచ్చినప్పుడు.. ఎవరి ఇంట్లోనైనా ఆ ఛానెల్ మారిస్తే చిన్నపాటి యుద్ధాలు కూడా జరుగుతాయని నెట్టింట కామెంట్లు వినిపిస్తుంటాయి. ఇదిలా ఉంటే.. ఈ సీరియల్‌లో వంటలక్క కుమార్తెలలో […]

వంటలక్క కూతురికి బంపరాఫర్.. ఏకంగా...
TV9 Telugu Digital Desk

| Edited By:

Nov 10, 2019 | 11:06 AM

స్టార్ మా ఛానెల్‌లో వచ్చే ‘కార్తీక దీపం’ సీరియల్ గురించి ప్రత్యేకంగా చెప్పాల్సిన అవసరం లేదు. ఇందులో వంటలక్కగా కేరళకు చెందిన ప్రేమి విశ్వనాథ్ తెలుగు వారి అభిమానాన్ని చూరగొంది. ఇక ఇప్పుడున్న అన్ని ఛానెల్‌లోని సీరియల్స్ కంటే ఇదే టాప్‌లో ఉండటం కూడా విశేషం. అంతేకాదు ఈ సీరియల్ వచ్చినప్పుడు.. ఎవరి ఇంట్లోనైనా ఆ ఛానెల్ మారిస్తే చిన్నపాటి యుద్ధాలు కూడా జరుగుతాయని నెట్టింట కామెంట్లు వినిపిస్తుంటాయి. ఇదిలా ఉంటే.. ఈ సీరియల్‌లో వంటలక్క కుమార్తెలలో ఒకరైన సౌర్య పాత్రలో బేబి క్రితిక నటిస్తోంది. తన తండ్రి కోసం ఆరాటపడే కుమార్తె పాత్రలో అద్భుతంగా నటిస్తూ ఆ చిన్నారి అందరినీ ఆకట్టుకుంటోంది. దీనికంటే ముందు కొన్ని సీరియల్స్, సినిమాల్లో క్రితిక కనిపించినప్పటికీ.. వాటన్నింటికంటే ‘కార్తీకదీపం’తోనే ఆమెకు మంచి పేరు వచ్చింది. కాగా ఈ చిన్నారికి ఇప్పుడు బంపరాఫర్ వచ్చింది.

ఏకంగా సూపర్‌స్టార్ మహేష్ బాబు నటిస్తోన్న చిత్రంలో ఓ పాత్రలో నటిస్తోంది. మహేష్ బాబు ప్రస్తుతం అనిల్ రావిపూడి దర్శకత్వంలో సరిలేరు నీకెవ్వరులో నటిస్తుండగా.. తాజాగా ఈ మూవీ యూనిట్ కేరళకు వెళ్లింది. అక్కడ టీమ్ తీసుకున్న గ్రూఫ్ ఫొటోలో క్రితిక కూడా ఉంది. ఆమెతో పాటు రాజేంద్రప్రసాద్ మనవరాలు(చిన్నప్పటి మహానటి) కూడా ఈ మూవీలో ఒక పాత్రలో కనిపిస్తోంది. ఈ చిత్రంలో ఆ చిన్నారి పాత్ర ఎంత ఉన్నా.. మహేష్ సినిమాలో ఛాన్స్ కొట్టడం అంటే ఒక రకంగా అది క్రితిక కెరీర్‌కు కొంతైనా ఉపయోగపడుతుందనడంలో ఎలాంటి సందేహం ఉండదు. మరి ఈ లెక్కన క్రితికకు కూడా భవిష్యత్‌లో మంచి ఆఫర్లు వస్తాయేమో చూడాలి.

లేటెస్ట్ న్యూస్ హైలెట్స్ చూడండి

Follow us on

Most Read Stories

Click on your DTH Provider to Add TV9 Telugu