Jabardasth : నువ్వా .. మా పక్కన కూర్చోకు.. చాలా అవమానించారు.. జబర్దస్త్ నటుడి ఆవేదన..

జబర్దస్త్ వేదికగా ఎంతో మంది జీవితాలు మారిపోయాయి. ఎలాంటి బ్యాగ్రౌండ్ లేకుండానే స్మాల్ స్క్రీన్ పై ఎంట్రీ ఇచ్చి ఇప్పుడు సినిమాల్లో బిజీ ఆర్టిస్టులుగా మారిపోయారు. అయితే లేడీ గెటప్‌ల కారణంగా తాను ఎదుర్కొన్న అవమానాలను వెల్లడించారు ఓ జబర్దస్త్ కమెడియన్. సాటి కళాకారుల నుండే పక్కన కూర్చోవద్దని, ఫ్రేమ్‌లో ఉండవద్దని సూచించిన ఘటనలు తనను బాధించాయని తెలిపారు. తన ఎదుగుదలకు ఈ అవమానాలే కారణమన్న దృఢ సంకల్పంతో ముందుకు సాగుతున్నట్లు పేర్కొన్నారు.

Shanthi Swaroop

Rajitha Chanti |
Updated on: Sep 08, 2026 | 10:40 AM

ప్రముఖ కమెడియన్ జబర్దస్త్ శాంతి స్వరూప్ తన జీవితంలో ఎదుర్కొన్న తీవ్రమైన అవమానాలను, బాధాకరమైన అనుభవాలను ఓ ఇంటర్వ్యూలో పంచుకున్నారు. ప్రధానంగా లేడీ గెటప్‌ల కారణంగా సాటి కళాకారుల నుంచే తాను ఎలా కించపరచబడ్డాడో ఆయన వివరించారు. ఈ సంభాషణ టెలివిజన్ పరిశ్రమలో కళాకారులు ఎదుర్కొనే అంతర్గత సవాళ్లను వెలుగులోకి తెచ్చింది. శాంతి స్వరూప్ మాటల్లో, “ఏయ్, మీరు లేడీ గెటప్ పక్కన కూర్చోకండి,” “మాతో ఫోటోలు దిక్కండి” వంటి మాటలు తనను ఎంతగానో బాధించాయని తెలిపారు. కొన్ని సందర్భాల్లో, షూటింగ్ జరుగుతున్నప్పుడు ఒకే ఫ్రేమ్‌లో తాను ఉన్నందుకు, “కొంచెం పక్కకి జరగమని చెప్పండి” అని డైరెక్షన్ డిపార్ట్‌మెంట్‌కు చెప్పి, తనను ఫ్రేమ్ నుండి జరిపించిన రోజులు కూడా ఉన్నాయని ఆయన ఆవేదనగా గుర్తుచేసుకున్నారు. ఇటువంటి సంఘటనలు తన ఆత్మవిశ్వాసాన్ని దెబ్బతీశాయని, మానసికంగా తీవ్ర క్షోభకు గురిచేశాయని పేర్కొన్నారు.

ఎక్కువమంది చదివినవి : Actor: ఒకప్పుడు కెమిస్ట్‌గా, వాచ్‌మన్‌గా పనిచేసి.. ఇప్పుడు తోపు నటుడు.. 200 కోట్లకు అధిపతి..

ఒక కళాకారుడిగా చిన్నప్పటి నుండి ఎన్నో కష్టాలు పడి, ఎన్నో అవమానాలను భరించి, పడి లేచి ఈ స్థాయికి వచ్చినా, ఇక్కడ కూడా ఇలాంటి వివక్ష, కించపరచడం ఎదుర్కోవాల్సి వస్తుందా అని ఆయన వాపోయారు. ఆడ వేషాలు వేయడానికి తాము ఎంతో శ్రమిస్తామని, జుట్టు పెంచుకొని, హెయిర్ డ్రస్సర్‌లను మెయింటెయిన్ చేసుకుంటూ తమ పాత్రలకు న్యాయం చేయడానికి కృషి చేస్తామని వివరించారు. “మీరైనా ఒరిజినల్ ఆడవాళ్ళు. మేము ఇంకా లేడీ గెటప్స్‌తో కష్టపడుతున్నాం. ఇంకా మీరు మీ సపోర్టివ్‌గా ఉండాలి గానీ మమ్మల్ని మీరు కించపరుస్తూ, మా పక్కన మేము నిల్చుంటే మీకేదో అవమానం జరిగినట్టుగా ఉంటే, మీరే అలా అంటే బయటోళ్లు అనడంలో ఏముంది?” అని సాటి కళాకారుల వైఖరి పట్ల తన నిరాశను వ్యక్తం చేశారు.

ఎక్కువమంది చదివినవి : Arjun Sarja : ఆ హీరోయిన్‏ను చాలా మిస్సవుతున్నా.. ఆమె దూరమయ్యాకే అర్థం చేసుకున్న.. అర్జున్ సర్జా..

అయితే, ఈ చేదు అనుభవాలను శాంతి స్వరూప్ తన ఎదుగుదలకు సోపానాలుగా మార్చుకున్నారు. “నీ ఏడుపే నా ఎదుగుదల, నువ్వు ఎంత ఏడుస్తావో నేను అంత ఇది అవుదునుకుంటా” అనే తన జీవిత సూత్రాన్ని వెల్లడించారు. ఈ అవమానాలను స్ఫూర్తిగా తీసుకొని మరింత ధైర్యంగా, కృతనిశ్చయంతో ముందుకు సాగుతున్నానని తెలిపారు. తనను అవమానించిన వారి పక్కన ఇప్పుడు తాను కూర్చోనని, నిలబడనని స్పష్టం చేశారు. వారి పట్ల గౌరవం కోల్పోయినందున, వారికి దూరంగా ఉండటమే శ్రేయస్కరమని భావించినట్లు చెప్పుకొచ్చారు. కష్టాలను, అవమానాలను తట్టుకొని నిలబడిన వారే చివరికి విజయం సాధిస్తారని, ఉన్నత శిఖరాలను అధిరోహిస్తారని శాంతి స్వరూప్ సందేశం ఇచ్చారు.

ఎక్కువమంది చదివినవి : Cinema : ఆద్యంతం సస్పెన్స్.. దుమ్మురేపుతున్న కోర్ట్ డ్రామా.. 7 సంవత్సరాలుగా ఓటీటీలో ట్రెండింగ్..