RRR Movie Update: దర్శకధీరుడి ప్లాన్ అదుర్స్.. ‘ఆర్ఆర్ఆర్’ మూవీలో ఇంగ్లీష్ సాంగ్ ?

దర్శకధీరుడు రాజమౌళి పాన్ ఇండియా లెవల్లో రూపొందిస్తున్న సినిమా 'ఆర్ఆర్ఆర్'. ఇందులో యంగ్ టైగర్ ఎన్టీఆర్, రాంచరణ్‏లు

Rajitha Chanti |
Updated on: Jan 25, 2021 | 10:21 AM

దర్శకధీరుడు రాజమౌళి పాన్ ఇండియా లెవల్లో రూపొందిస్తున్న సినిమా ‘ఆర్ఆర్ఆర్’. ఇందులో యంగ్ టైగర్ ఎన్టీఆర్, రాంచరణ్‏లు హీరోలుగా నటిస్తున్న సంగతి తెలిసిందే. ఇందులో బాలీవుడ్ నటి అలియాభట్, హాలీవుడ్ నటి ఓలీవియా మోరీన్ హీరోయిన్లుగా నటిస్తున్నారు. ఇక ఈ మూవీ క్లైమాక్స్ షూటింగ్ కూడా స్టార్ట్ అయ్యింది. ఈ సినిమాలో బాలీవుడ్ నటులతోపాటు, హాలీవుడ్ నటులు కూడా కొన్ని కీలక పాత్రలలో నటిస్తున్నారు. ఈ క్రమంలోనే ఆర్ఆర్ఆర్ మూవీలో నటిస్తున్న ఐరిష్ నటి అలిసన్ డూడీ ఇటీవలే ఈ మూవీ విడుదల తేదీని ప్రకటించి చిత్రయూనిట్‏కు షాక్ ఇచ్చింది. తాజాగా ఈ సినిమాకు సంబంధించిన మరో వార్త సోషల్ మీడియాలో హల్ చల్ చేస్తోంది.

తాజా సమాచారం ప్రకారం ‘ఆర్ఆర్ఆర్’ సినిమాలో ఓ ఇంగ్లీష్ సాంగ్ ఉండబోతుందట. ఇందులో భాగంగానే.. ఎన్టీఆర్ పై ఆసక్తిగ ఉన్న ఒలీవియా మొర్రిస్ పాత్రకు సంబంధించి ఈ పాట ఉండనున్నట్లుగా తెలుస్తోంది. ఈ పాటలో నేషనల్ లెవల్లోనే కాకుండా ఇంటర్నేషనల్ లెవల్లో కూడా ఆర్ఆర్ఆర్ మూవీ ట్రెండ్ క్రియేట్ చేయడానికి జక్కన్న ప్లాన్ చేస్తున్నాడని టాక్. అయితే ఈ వార్తలపై ఇప్పటి వరకు ఎలాంటి ప్రకటన రాలేదు. నిజంగానే ఈ సినిమాలో ఇంగ్లీష్ ఉందా ? లేదా ? అనేది తెలియాలంటే ఇంకా కొన్ని రోజులు వేచి చూడాల్సిందే.