Sonakshi Sinha: పెళ్లిపీటలెక్కనున్న స్టార్ హీరోయిన్ .. ఆ ప్రముఖ నటుడితో సోనాక్షి ఏడడుగులు.. వేదిక ఎక్కడంటే?

Actress Sonakshi Sinha

బాలీవుడ్ ప్రముఖ నటి సోనాక్షి సిన్హా త్వరలో బ్యాచిలర్ లైఫ్ కు బై బై చెప్పనుంది. అదే హిందీ చిత్ర పరిశ్రమకు చెందిన ప్రముఖ నటుడితో కలిసి వైవాహిక బంధంలోకి అడుగు పెట్టనుంది. జూన్ 23న ఈ ప్రేమ పక్షుల వివాహం జరగనుంది. ముంబై వేదికగా  జరిగే ఈ పెళ్లికి ఇరు కుటుంబ సభ్యులు, సన్నిహితులు, స్నేహితులు, బంధువులు మాత్రమే  హాజరవుతారని తెలుస్తోంది. అయితే తమ పెళ్లి విషయంపై ప్రేమ పక్షులు ఇంకా అధికారిక ప్రకటన ఇవ్వాల్సి ఉంది. సోనాక్షి, నటుడు జహీర్ ఇక్బాల్ చాలా ఏళ్లుగా డేటింగ్ చేస్తున్నారు. అయితే తమ ప్రేమ విషయంలో ఎంతో గోప్యత పాటించాలి లవ్ బర్డ్స్. ఇటీవలే వీరి నిశ్చితార్థం జరిగినట్లు కూడా తెలుస్తోంది. ఇప్పుడు పెద్దల సమక్షంలో పెళ్లి కూడా చేసుకోవాలని నిర్ణయించుకున్నట్లు తెలుస్తోంది. ఈ పెళ్లిలో కొద్దిమంది సన్నిహితులు, కుటుంబ సభ్యులు మాత్రమే పాల్గొంటారు. ఆమె వివాహ ఆహ్వాన పత్రికను మ్యాగజైన్‌లా తయారు చేసినట్లు కనిపిస్తోంది. ‘వార్త నిజమే’ అని ఆహ్వాన పత్రికలో రాసి ఉంది.

ముంబైలోని బాస్టియన్‌లో సోనాక్షి సిన్హా, ఇక్బాల్ ల పెళ్లి వేడుక జరగనుంది. వివాహానికి హాజరయ్యే అతిథులు సంప్రదాయ దుస్తులు ధరించాలని సూచించారు. పెళ్లిళ్లలో మొబైల్ ఫోన్ల వాడకాన్ని నిషేధించాలని ఈ జంట ఆలోచిస్తోంది. దీని ద్వారా పెళ్లి ఫోటోలు, వీడియోలు బయటకు రాకుండా జాగ్రత్త పడుతున్నట్లు తెలుస్తోంది. తాజాగా సోనాక్షి సిన్హా ‘ది కపిల్ శర్మ షో’కి హాజరైంది. ఇందులో తన పెళ్లి ప్లాన్ గురించి అడగ్గా ఆసక్తికర కామెంట్స్ చేసింది.

కాగా సల్మాన్ ఖాన్ ద్వారా సోనాక్షి జహీర్‌ను కలుసుకుంది. సల్లూ, జహీర్ స్నేహితులు. ఈ భేటీ తర్వాత సోనాక్షి, జహీర్ మధ్య స్నేహం పెరిగింది. ఆ తర్వాత అది ప్రేమగా మారింది. వీరిద్దరూ కలిసి ‘డబుల్ ఎక్స్‌ఎల్‌’ చిత్రంలో నటించారు. జహీర్ 2019లో చిత్ర పరిశ్రమలోకి అడుగుపెట్టాడు. అతను ఇంతకుముందు కూడా కొంత మంది హీరోయిన్లతో డేటింగ్ చేశాడు.

మరిన్ని సినిమా వార్తల కోసం ఇక్కడ క్లిక్ చేయండి.