కేవలం సినిమా మాత్రమే కాదు.. నా జీవితంలోనే గుర్తుండిపోయే ఙ్ఞాపకం..!

దర్శకధీరుడు రాజమౌళి తెరకెక్కించిన అద్భుత దృశ్యకావ్యం బాహుబలి. రెండు భాగాలుగా ప్రేక్షకుల ముందుకు వచ్చిన ఈ చిత్రం ప్రపంచవ్యాప్తంగా ఘన విజయం సాధించింది. అంతేకాదు తెలుగు చిత్ర పరిశ్రమ స్థాయిని ప్రపంచస్థాయికి తీసుకెళ్లింది. ఇక రెండో భాగం వచ్చి ఈ రోజుకు మూడు సంవత్సరాలు పూర్తి అయ్యింది. ఈ సందర్భంగా ప్రభాస్‌ సోషల్ మీడియాలో తన అనుభవాలను పంచుకున్నారు. నా జీవితంలో అతిపెద్ద సినిమా, ఎప్పటికీ గుర్తుండిపోయే మధుర ఙ్ఞాపకమని ప్రభాస్ పేర్కొన్నారు.

”దేశవ్యాప్తంగా అందరూ ఇష్టపడిన బాహుబలి 2 కేవలం చిత్రమే కాదు.. నా జీవితంలో అతిపెద్ద సినిమా. నాకు గుర్తుండిపోయే ఙ్ఞాపకాన్ని ఇచ్చిన దర్శకుడు రాజమౌళి, టీమ్‌, నా అభిమానులకు నేను ఎప్పుడు రుణపడి ఉంటా. బాహుబలి 3 ప్రేక్షకుల ముందుకు వచ్చి మూడు సంవత్సరాలు పూర్తి అవుతోంది. ఈ మూవీలో నటించడం అదృష్టంగా భావిస్తున్నా. మీ అందరి ప్రేమలకు కృతఙ్ఞుడిని” అని కామెంట్ చేశారు. ఈ సందర్భంగా బాహుబలి షూటింగ్ సమయంలో రానా, రాజమౌళితో తీసుకున్న ఓ ఫొటోను షేర్ చేశారు.

కాగా బాహుబలిలో ప్రభాస్‌, రానా, అనుష్క, రమ్యకృష్ణ, నాజర్, తమన్నా, సత్యరాజ్‌ తదితరులు కీలక పాత్రల్లో నటించారు. ఆర్కా మీడియా పతాకంపై శోభు యార్లగడ్డ, ప్రసాద్ దేవినేని నిర్మించిన ఈ చిత్రానికి కీరవాణి సంగీతం అందించారు.

Read This Story Also: తెలుగు సినిమాకు ఓకే చెప్పిన సిద్ధార్థ్.. ఆ హీరోతో మల్టీస్టారర్..!

https://www.instagram.com/p/B_g7ioAHRPr/?utm_source=ig_embed