రికార్డులు కొల్లగొట్టేస్తున్న బన్నీ

గతేడాది ‘నా పేరు సూర్య- నా ఇల్లు ఇండియా’ తరువాత ఇంతవరకు మరే సినిమాతో ప్రేక్షకులను పలకరించలేదు బన్నీ. అయితే వరుసపెట్టి రికార్డులు మాత్రం క్రియేట్ చేస్తున్నాడు. అదేంటి సినిమాలు ఏమీ లేకుండా ఆయన రికార్డులు కొల్లగొట్టేయడమేంటి? అనుకుంటున్నారా..!

టాలీవుడ్ సినిమాలకు ఉన్న క్రేజ్‌ను దృష్టిలో పెట్టుకొని మన సినిమాలను హిందీలో డబ్ చేస్తూ యూట్యూబ్‌లో పెడుతున్న విషయం తెలిసిందే. ఇక ఆ సినిమాలకు అక్కడ ఫుల్ డిమాండ్ ఉంది. ముఖ్యంగా యాక్షన్ సినిమాలను యూట్యూబ్‌లో దూసుకుపోతున్నాయి. ఈ క్రమంలో బన్నీ నటించిన సరైనోడు, డీజే సినిమాలు రికార్డ్ వ్యూస్‌తో దూసుకుపోతున్నాయి. కానీ ఈ సినిమాలను ఇటీవల యూట్యూబ్ క్యాన్సిల్ చేయగా.. సరైనోడు డిజిటల్ హక్కులను పొందిన గోల్డ్ టైం టెలిఫిలింస్ మళ్లీ ఆ సినిమాను రీలోడ్ చేశారు. దీంతో రెండో సారి కూడా ఈ రెండు మూవీలను యూట్యూబ్‌లో మంచి ఆదరణ దక్కింది. సరైనోడు మూవీ 200మిలియన్ వ్యూస్ రాబట్టగా.. డీజే 152మిలియన్ వ్యూస్‌ను రాబట్టి రికార్డు క్రియేట్ చేసింది. ఈ విషయాన్ని సోషల్ మీడియాలో వెల్లడించిన బన్నీ తన ఆనందాన్ని వ్యక్తపరిచాడు. ఇదిలా ఉంటే బన్నీ సినిమాలు థియేటర్లలోనే కాదు యూట్యూబ్‌లోనూ రికార్డులు సృష్టిస్తున్నాయంటూ అతడి ఫ్యాన్స్ సంతోషిస్తున్నారు.