Allari Naresh : ఆ సీన్ కోసం చాలా ఇబ్బంది పడ్డా..’నాంది’మూవీ గురించి ఆసక్తికర విషయం చెప్పిన నరేష్

Allari Naresh : అల్లరి నరేష్ ప్రస్తుతం రెండు సినిమాలతో ప్రేక్షకుల ముందుకు రాబోతున్నాడు.  బంగారు బుల్లోడు సినిమాతో పాటు నాంది అనే సినిమాలో కూడా నటిస్తున్నాడు నరేష్. విజయ్ దర్శకత్వంలో రూపొందిన ఈ సినిమా విభిన్నమైన కథతో ప్రేక్షకుల ముందుకు రానుంది. సినిమాలో అల్లరి నరేష్ చాలా విభిన్నంగా కనిపించడంతో పాటు టీజర్ తో సినిమాపై అంచనాలు భారీగా పెరిగాయి. అంచనాలకు తగ్గట్లుగా ఈ సినిమా ఉంటుందని చిత్రయూనిట్ కూడా ధీమా వ్యక్తం చేస్తున్నారు.

కాగా ఇటీవల ఓ ఇంటర్వ్యూలో అల్లరి నరేష్ మాట్లాడుతూ.. ఈ సినిమాలో ఒక సన్నివేశంలో నేను న్యూడ్ గా కనిపించవలసి ఉంటుందని దర్శకుడు ముందే చెప్పాడు. కథ అంతా బాగానే ఉంది గానీ ఆ ఒక్క సీన్ గురించే ఆలోచిస్తూ ఉండేవాడిని. ఆ సీన్ షూటింగ్ లో నేను న్యూడ్ గా ఒక గోడవైపుకు తిరిగి కూర్చున్నాను. విజయ్ టేక్ ఓకే చేసేవరకూ చాలా ఇబ్బందిపడిపోయాను. కానీ ఆ సీన్ సినిమాకు ఎంత అవసరం అనేది సినిమా చూస్తే అర్ధమవుతుంది. అని చెప్పుకొచ్చాడు నరేష్.ఇక ఈ సినిమాలో వరలక్ష్మీ శరత్ కుమార్ కీలక పాత్రలో కనిపించనున్నారు. కాగా ‘నాంది’ సినిమా అన్ని హక్కులను ప్రముఖ ఓటీటీ సంస్థ దక్కించుకుందని తెలుస్తుంది. ఈ సినిమాకు సంబంధించిన అన్ని రైట్స్ ను జీ సంస్థ దాదాపుగా రూ.10 కోట్లకు దక్కించుకున్నట్టు తెలుస్తుంది. శాటిలైట్ మరియు ఓటీటీ రైట్స్ విషయంలో నిర్మాతల నుండి పూర్తి హక్కులను జీ సంస్థ కొనుగోలు చేసినట్లుగా సమాచారం అందుతోంది.

మరిన్ని ఇక్కడ చదవండి :

Krack Movie : కలెక్షన్ల వర్షం కురిపిస్తున్న ‘క్రాక్’.. పదిరోజులు దాటినా తగ్గని మాస్ రాజా సినిమా జోరు