Akshara Movie: థియేటర్లలోకి రాబోతున్న నందిత శ్వేత ‘అక్షర’.. విడుదల తేదీని ప్రకటించిన చిత్రయూనిట్..

హీరోయిన్ నందిత శ్వేత ప్రధాన పాత్రలో నటిస్తున్న సినిమా ‘అక్షర’. ఈ చిత్రాన్ని బి. చిన్ని కృష్ణ దర్శకత్వం వహిస్తున్నారు. సినిమా హాల్ ఎంటర్ టైన్మెంట్స్ బ్యానర్ పై సురేష్ వర్మ అల్లూరి, అహితేజ బెల్లంకొండ నిర్మించారు. గతంలో ఈ సినిమాను ఓటీటీలో విడుదల చేయనున్నట్లుగా వార్తలు వచ్చాయి. తాజా సమాచారం ప్రకారం ఈ సినిమాను థియేటర్లలోకి విడుదల చేసేందుకు సిద్ధమవుతున్నారు మూవీ మేకర్స్.

అక్షర సినిమాను ఫిబ్రవరి 26న విడుదల చేయబోతున్నారు చిత్రయూనిట్. ఇటీవలే విడుదలైన ఈ మూవీ ట్రైలర్‏కు విశేషస్పందన వచ్చింది. సోషల్ మెసేజ్‏తో కూడిన కామెడీ థ్రిల్లర్‏గా అక్షర మూవూ తెరకెక్కింది. కరోనా ప్రభావంతో ఈ సినిమా విడుదల వాయిదా పడింది. ఇప్పటికే ఈ సినిమాకు ఓటీటీ నుంచి ఆఫర్లు వచ్చాయి. కానీ థియేటర్లలోనే విడుదల చేయాలని చూస్తున్నాం. అన్ని వర్గాల ప్రేక్షకులను బాగా అలరిస్తుందని చిత్ర నిర్మాతలు తెలిపారు. ఇందులో సత్య, మధునందన్, షకలక శంకర్, శ్రీతేజ కీలకపాత్రల్లో నటించారు. ఈ సినిమాకు సురేష్ బొబ్బిలి సంగీతం అందించారు.

Also Read:

వరుస సినిమాలను పట్టాలెక్కిస్తున్న యంగ్ హీరో.. కొత్త సినిమాలో 60 ఏళ్ల వృద్దుడిగా కనిపించనున్న నితిన్