తొలిసారిగా ద్విపాత్రాభినయం చేయబోతున్న యంగ్ హీరో.. ’18 పేజెస్’ సినిమాలో నిఖిల్ అలా కనిపించబోతున్నాడట..

యంగ్ హీరో నిఖిల్ విభిన్నమైన కథలను ఎంచుకుంటూ.. దూసుకుపోతున్నాడు. ప్రస్తుతం తన కెరియర్ లో మంచి విజయాన్ని సొంతచేసుకున్న ‘కార్తీకేయ’ సినిమా సీక్వెల్ ‘కార్తికేయ 2′ ను చేస్తున్నాడు. చందు మొండేటి దర్శకత్వంలో తెరకెక్కుస్తున్న ఈ సినిమా ప్రస్తుతం షూటింగ్ దశలో ఉంది. ఈ మూవీతో పాటు ’18 పేజెస్’ అనే సినిమా చేస్తున్నాడు. పల్నాటి సూర్య ప్రతాప్ ఈ సినిమాకు దర్శకత్వం వహిస్తున్నారు. అల్లు అరవింద్ సమర్పణలో గీతా ఆర్ట్స్ 2 బ్యానర్ పై రానున్న ఈ చిత్రాన్ని బన్నీ వాసు నిర్మిస్తున్నారు. ఈ సినిమాకు స్టార్ డైరెక్టర్ సుకుమార్ స్టోరీ, స్క్రీన్ ప్లే అందిస్తున్నాడు. ఈ సినిమాలోఅనుపమ పరమేశ్వరన్ హీరోయిన్ గా నటిస్తుంది. డిఫరెంట్ స్టోరీతో తెరకెక్కనున్న ఈ సినిమా కోసం సుకుమార్ విలక్షణమైన పాత్రలను సృష్టిస్తున్నాడట. నిఖిల్ కోసం అలంటి పాత్రనే సృష్టించాడట సుకుమార్. ఈ సినిమాలో నిఖిల్ డ్యూయల్ రోల్ లో కనిపించనున్నాడని తెలుస్తుంది. ఈ సినిమాతో కెరియర్ లో మొదటిసారి ద్విపాత్రాభినయం చేయబోతున్నాడు నిఖిల్. అందులో ఒకపాత్ర గతం మరిచిపోయే నేపథ్యంలో సాగుతుందని ప్రచారం జరుగుతుంది. మరి ఈ వార్తల్లో వాస్తవం ఎంత అన్నది తెలియాల్సి ఉంది. ఇక ఈ సినిమాతో పాటు మరో సినిమాను కూడా చేయబోతున్నాడట నిఖిల్. సోనాలి నారంగ్ సమర్పణలో నారాయణదాస్ కె నారంగ్ మరియు పుష్కర్ రామ్ ఎమ్ రావ్ తో కలసి చేయబోతున్నఆ సినిమాకు సంబంధించిన అప్డేట్ త్వరలోనే వస్తుందని అంటున్నారు.