Telangana: పెళ్లి చూపుల్లో అబ్బాయి న‌చ్చ‌లేద‌ని చెప్పిన యువతి… అతడు చేసిన ప‌ని క‌నీసం మీరు ఊహించ‌లేరు
ఓ యువతికి పెళ్లి సంబంధాలు చూస్తున్నారు. ఈ క్రమంలో మంచి కుటుంబానికి బిడ్డ‌ని పంపించాల‌ని ఆశ‌ప‌డ్డారు.
ఓ యువతికి పెళ్లి సంబంధాలు చూస్తున్నారు. ఈ క్రమంలో మంచి కుటుంబానికి బిడ్డ‌ని పంపించాల‌ని యువతి త‌ల్లిదండ్రులు ఆశ‌ప‌డ్డారు. ఈ క్రమంలో ఓ మ్యాచ్ చూడ‌గా.. అబ్బాయి న‌చ్చ‌లేద‌ని యువతి చెప్పింది. మాములుగా అయితే ఇక్క‌డితో మేట‌ర్ ఎండ్ అవుతుంది. అయితే స‌ద‌రు యువతి పెళ్లి చూపుల్లో తాను న‌చ్చ‌లేద‌ని చెప్ప‌డంతో అతడు హ‌ర్ట‌య్యాడు. కోపంతో ర‌గిలిపోయాడు. ఫేస్‌బుక్ ద్వారా వేధింపులకు పాల్పడ్డాడు. తాజాగా ఆ కేటుగాడిని హైదరాబాద్ మేడిపల్లి పోలీసులు అరెస్ట్ చేశారు. వివ‌రాల్లోకి వెళ్ల‌గా.. బోడుప్పల్‌కు చెందిన ఓ యువతి నగరంలో సాఫ్ట్వేర్ ఇంజినీర్‌గా వ‌ర్క్ చేస్తోంది. తన వివాహం కోసం మ్యాట్రిమోని సైట్‌లో నేమ్ రిజిస్ట‌ర్ చేసుకుంది. సాఫ్ట్వేర్ జాబ్ చేస్తూ పెళ్లి చేసుకోవాల‌ని భావిస్తోన్న ఏపీలోని నెల్లూరు నగరానికి చెందిన సువనం సాయి కుమార్ (29) ఆమెను సంప్రదించాడు.
యువతి కుటుంబసభ్యుల పిలుపు మేరకు నెల రోజుల క్రితం పెళ్లి చూపుల కోసమని ఫ్యామిలీతో కలిసి బోడుప్పల్‌లోని యువతి ఇంటికొచ్చాడు. అయితే సాయికుమార్ యువతి కుటుంబ సభ్యులకు నచ్చకపోవడంతో సంబంధం వ‌ద్ద‌ని చెప్పారు. దీంతో యువతిపై క‌క్ష పెంచుకున్న అతడు ఫేస్‌బుక్ ఫేక్ ఖాతా తెరిచి యువతికి అసభ్య మెసేజ్‌లు పంపుతూ వేధింపులకు గురిచేస్తున్నాడు. దీంతో బాధితురాలు మేడిపల్లి పోలీసులకు కంప్లైంట్ చేయగా వారు సాంకేతిక‌త సాయంతో సాయికుమార్‌ని పట్టుకుని బుధవారం రిమాండ్‌కు తరలించారు.
Also Read: Telangana: సీజేఐ ఎన్వీ రమణకు థ్యాంక్స్‌ చెప్పిన సజ్జనార్‌.. ఎందుకంటే..
