Joker Robbery: హాలీవుడ్ తరహాలో ఏటీఏం చోరీకి యత్నం.. పోలీసులకు ఛాలెంజ్ విసిరిన జోకర్ దొంగ.. వీడియో వైరల్..

Atm

Joker Robber Mask: దొంగలు ఇటీవల కాలంలో రెచ్చిపోతున్నారు. దొంగతానానికి పాల్పడి.. దొరకకుండా ఉండేందుకు.. ఎన్నో ప్లాన్‌లు వేస్తున్నారు. తాజాగా ఓ దొంగ హాలీవుడ్ సినిమా తరహాలో దొంగతానికి ప్రయత్నించాడు. ఏటీఏంలోకి జోకర్ బొమ్మతో వచ్చి దోపిడికి యత్నించాడు. ఎన్ని ప్రయత్నాలు చేసినా ప్లాన్ ఫలించకపోవడంతో చివరకు వెనుదిరిగాడు. ఈ సంఘటన తమిళనాడులోని కన్యాకుమారి జిల్లాలో చోటుచేసుకుంది. జిల్లాలోని రెండు ఏటీఎంలల్లో గురువారం తెల్లవారుజామున ఇలాంటి ఘటనే జరిగింది. ప్రస్తుతం ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది.

కురుంపనాయి ఇండియన్ బ్యాంక్ ఏటీఎంలోకి ఓ వ్యక్తి హాలీవుడ్ తరహాలో.. జోకర్ బోమ్మ ముఖానికి తగిలించుకొని.. డ్రెస్ వేసుకుని వచ్చాడు. చేతులకు గ్లౌజులు తగిలించుకొని చేతిలో ఒక రాడ్‌ను తీసుకొని వచ్చాడు. ఆ తర్వాత రాడ్ తీసుకొని.. ఏటీఎంలో నగదు కోసం విశ్వప్రయత్నాలు చేశాడు. మిషన్‌ను పగులకొట్టేందుకు ప్రయత్నించాడు. కానీ చివరకు దొంగతనం విఫలయత్నం కావడంతో వెనుదిరిగాడు.

వీడియో.. 

https://images.tv9telugu.com/wp-content/uploads/2021/08/whatsapp-video-2021-08-13-at-085124.mp4?_=2

కాగా.. ఏటీఏం మిషన్ ను దొంగ తన్నడంతో అలారం మోగింది. దీంతో బ్యాంకు మేనేజర్, సిబ్బంది అక్కడికి వెళ్లి చూశారు. అనంతరం పోలీసులకు ఫిర్యాదు చేశారు. సీసీటీవీ ఫుటేజ్‌ను పరిశీలించగా.. ఈ విషయం మొత్తం వెలుగులోకి వచ్చింది. అయితే.. అదే వ్యక్తి మరో మరో 15 కిలోమీటర్ల దూరంలోని ఓ ఏటీఏంలో దొంగతనానికి యత్నించాడని కరుంగల్ పోలీసులు తెలిపారు. కాగా ఈ ఘటనపై కేసు నమోదు చేసి దర్యాప్తు చేస్తున్నట్లు పోలీసులు వెల్లడించారు. కాగా.. ఈ దొంగతనానికి సంబంధించిన వీడియో సోషల్ మీడియాలో వైరల్ అవుతోంది.

Also Read:

Honor killing: యువతిని దారుణంగా చంపిన కుటుంబసభ్యులు.. మరో వర్గానికి చెందిన యువకుడితో..

Mass Shooting: ఇంగ్లాండ్‌‌లో కాల్పుల మోత.. దుండగుడితో సహా ఆరుగురు మృతి..