TGCAB Bank Jobs 2025: డిగ్రీ అర్హతతో తెలంగాణ సహాకార బ్యాంకుల్లో ఉద్యోగాలు.. ఎంపికైతే కళ్లు చెదిరే జీతం మీ సొంతం

TSCAB Staff Assistant Jobs

తెలంగాణ స్టేట్ కోఆపరేటివ్ అపెక్స్‌ బ్యాంక్‌ లిమిటెడ్ (TGCAB).. రాష్ట్ర వ్యాప్తంగా ఉన్న అన్ని జిల్లాల్లోని కో-ఆపరేటీవ్‌ బ్యాంకు బ్రాంచుల్లో స్టాఫ్‌ అసిస్టెంట్‌ పోస్టుల భర్తీకి అర్హులైన అభ్యర్ధుల నుంచి దరఖాస్తులను కోరుతూ నోటిఫికేషన్‌ విడుదల చేసింది. ఈ నోటిఫికేషన్‌ కింద మొత్తం 225 ఉద్యోగాలను భర్తీ చేయనుంది. తెలుగు భాషలో ప్రావీణ్యం ఉండి, ఇంగ్లిష్‌ పరిజ్ఞానం ఉన్న డిగ్రీ అర్హత కలిగిన అభ్యర్థులు ఎవరైనా ఈ పోస్టులకు దరఖాస్తు చేసుకోవచ్చు. ఆసక్తి కలిగిన వారు ఆన్‌లైన్‌ విధానంలో దరఖాస్తు చేసుకోవచ్చు. ఇతర వివరాలు ఈ కింద చెక్‌ చేసుకోండి..

జిల్లాల వారీగా ఖాళీల వివరాలు ఇలా..

• స్టాఫ్‌ అసిస్టెంట్‌ (హైదరాబాద్‌) పోస్టుల సంఖ్య: 32
• స్టాఫ్‌ అసిస్టెంట్‌ (కరీంనగర్‌) పోస్టుల సంఖ్య: 43
• స్టాఫ్‌ అసిస్టెంట్‌ (ఖమ్మం) పోస్టుల సంఖ్య: 99
• స్టాఫ్‌ అసిస్టెంట్‌ (మహబూబ్‌నగర్‌) పోస్టుల సంఖ్య: 09
• స్టాఫ్‌ అసిస్టెంట్‌ (మెదక్‌) పోస్టుల సంఖ్య: 21
• స్టాఫ్‌ అసిస్టెంట్‌ (వరంగల్‌) పోస్టుల సంఖ్య: 21

ఈ పోస్టులకు దరఖాస్తు చేసుకునే అభ్యర్ధులు ఏదైనా డిగ్రీలో ఉత్తీర్ణత పొంది ఉండాలి. అలాగే తెలుగు భాషలో ప్రావీణ్యం ఉండాలి. ఇంగ్లిష్ భాష పరిజ్ఞానం కూడా తప్పనిసరిగా ఉండాలి. తెలంగాణ రాష్ట్ర స్థానికులకు మాత్రమే దరఖాస్తు చేసుకునేందుకు అవకాశం ఉంటుంది. అభ్యర్ధుల వయోపరిమితి అక్టోబర్‌ 1,2025 నాటికి 18 నుంచి 30 ఏళ్ల మధ్య ఉండాలి. ఎస్సీ/ఎస్టీ/బీసీ/ఈడబ్ల్యూఎస్‌ అభ్యర్థులకు ఐదేళ్లు, దివ్యాంగ అభ్యర్థులకు 10 నుంచి 15 ఏళ్ల వరకు వయోపరిమితిలో సడలింపు ఉంటుంది. ఈ అర్హతలు ఉన్నవారు ఎవరైనా ఆన్‌లైన్ విధానంలో నవంబర్‌ 6, 2025వ తేదీలోపు దరఖాస్తు చేసుకోవచ్చు. దరఖాస్తు పీజు కింద జనరల్‌, బీసీ, ఈడబ్ల్యూఎస్‌ అభ్యర్థులు రూ.750, ఎస్సీ, ఎస్టీ, దివ్యాంగ అభ్యర్థులు రూ.250 చొప్పున చెల్లించవల్సి ఉంటుంది. ఆన్‌లైన్ రాత పరీక్ష, ధ్రువపత్రాల పరిశీలన తదితరాల ఆధారంగా తుది ఎంపిక ఉంటుంది. ఎంపికైన వారికి నెలకు రూ.24,050 నుంచి రూ.64,480 వరకు జీతంతో పాటు ఇతర అలవెన్సులు అందిస్తారు.

తెలంగాణ స్టేట్ కోఆపరేటివ్ అపెక్స్‌ బ్యాంక్‌ లిమిటెడ్ ఉద్యోగాల నోటిఫికేషన్‌, అప్లికేషన్‌ కోసం ఇక్కడ క్లిక్‌ చేయండి.

మరిన్ని విద్యా, ఉద్యోగ వార్తల కోసం క్లిక్‌ చేయండి.