JEE Main 2027 రిజిస్ట్రేషన్‌పై వీడని ఉత్కంఠ.. అక్టోబరు చివరి వారంలో ప్రారంభమయ్యే అవకాశం..!
జేఈఈ మెయిన్ 2027 మొదటి సెషన్ పరీక్షలు జనవరి 22 నుంచి 30 వరకు జరగనున్నాయి. ఎన్‌టీఏ ఇంకా రిజిస్ట్రేషన్ తేదీని ప్రకటించలేదు. గత సంవత్సరాల ట్రెండ్ ప్రకారం అక్టోబరు చివరి వారంలో దరఖాస్తుల ప్రక్రియ ప్రారంభమయ్యే అవకాశం ఉంది. అభ్యర్థులు తాజా అప్‌డేట్ల కోసం అధికారిక వెబ్‌సైట్‌ను పరిశీలిస్తూ, అవసరమైన పత్రాలను సిద్ధం చేసుకోవాలి..
హైదరాబాద్‌, అక్టోబర్ 20: దేశవ్యాప్తంగా ప్రముఖ ఇంజినీరింగ్ కళాశాలల్లో ప్రవేశాలు పొందాలనుకునే విద్యార్థులకు జేఈఈ మెయిన్ (JEE Main) కీలకమైన పరీక్ష. 2027 విద్యా సంవత్సరానికి సంబంధించి మొదటి సెషన్ పరీక్షల తేదీలపై ప్రకటన వెలువడిన నేపథ్యంలో, ఇప్పుడు అభ్యర్థులు ఆన్‌లైన్ దరఖాస్తుల ప్రారంభ తేదీ కోసం ఎదురుచూస్తున్నారు. నేషనల్ టెస్టింగ్ ఏజెన్సీ (NTA) ప్రకటించిన షెడ్యూల్ ప్రకారం, జేఈఈ మెయిన్ 2027 మొదటి సెషన్ పరీక్షలు జనవరి 22 నుంచి 30 వరకు జరగనున్నాయి. జేఈఈ మెయిన్ 2027 సెషన్-1 ఆన్‌లైన్ దరఖాస్తుల ప్రారంభ తేదీపై ఎన్‌టీఏ ఇంకా అధికారిక ప్రకటన చేయలేదు. అయితే గత సంవత్సరాల్లో రిజిస్ట్రేషన్లు ప్రారంభమైన తేదీలను పరిశీలిస్తే, ఈసారి కూడా అక్టోబరు చివరి వారంలో దరఖాస్తుల ప్రక్రియ ప్రారంభమయ్యే అవకాశం ఉందని అంచనా వేస్తున్నారు. అభ్యర్థులు ఈ విషయాన్ని దృష్టిలో ఉంచుకుని అధికారిక ప్రకటన కోసం ఎదురుచూడాలి. రిజిస్ట్రేషన్ తేదీపై వచ్చే అంచనాలను అధికారిక ప్రకటనగా భావించకూడదు.
జేఈఈ మెయిన్ 2027 ఆన్‌లైన్ రిజిస్ట్రేషన్ కోసం ఇక్కడ క్లిక్ చేయండి.
గత సంవత్సరాల్లో ఎప్పుడు ప్రారంభమయ్యాయి?
గత సంవత్సరాల రిజిస్ట్రేషన్ తేదీలను పరిశీలిస్తే అక్టోబరు చివరి వారంలో దరఖాస్తుల ప్రక్రియ ప్రారంభమైనట్లు తెలుస్తోంది.
- JEE Main 2026: అక్టోబరు 31న రిజిస్ట్రేషన్లు ప్రారంభమయ్యాయి.
- JEE Main 2025: అక్టోబరు 28న దరఖాస్తుల స్వీకరణ మొదలైంది.
ఈ నేపథ్యంలో జేఈఈ మెయిన్ 2027 దరఖాస్తుల ప్రక్రియ కూడా అక్టోబరు చివరి వారంలో ప్రారంభమయ్యే అవకాశం ఉందని భావిస్తున్నారు. అయితే ఖచ్చితమైన తేదీని ఎన్‌టీఏ అధికారికంగా ప్రకటించిన తర్వాతే నిర్ధారించుకోవాలి. దరఖాస్తుల ప్రక్రియ ప్రారంభమైన తర్వాత చివరి నిమిషంలో ఇబ్బందులు ఎదురుకాకుండా విద్యార్థులు ముందుగానే అవసరమైన వివరాలను సిద్ధం చేసుకోవడం మంచిది. ఆధార్ కార్డు లేదా సూచించిన గుర్తింపు పత్రాలు, పదో తరగతి, ఇంటర్మీడియట్ విద్యార్హతలకు సంబంధించిన వివరాలు, చెల్లుబాటులో ఉన్న మొబైల్ నంబర్, ఈ-మెయిల్ ఐడీ, అవసరమైన ఫొటో, సంతకం, ఇతర డిజిటల్ పత్రాలు, ఆన్‌లైన్ ఫీజు చెల్లింపునకు అవసరమైన ఏర్పాట్లు, దరఖాస్తు సమయంలో ఎన్‌టీఏ జారీ చేసే అధికారిక నోటిఫికేషన్‌లో పేర్కొన్న సూచనలు, ఫొటో పరిమాణం, పత్రాల ఫార్మాట్, అర్హత ప్రమాణాలను తప్పనిసరిగా పరిశీలించాలి.
జేఈఈ మెయిన్ 2027 రిజిస్ట్రేషన్ తేదీ, దరఖాస్తు విధానం, అర్హతలు, పరీక్షకు సంబంధించిన ఇతర వివరాల కోసం అభ్యర్థులు ఎన్‌టీఏ అధికారిక వెబ్‌సైట్‌ను క్రమం తప్పకుండా పరిశీలించాలి. జేఈఈ మెయిన్ 2027 మొదటి సెషన్ పరీక్షలు జనవరి 22 నుంచి 30 వరకు జరగనున్న నేపథ్యంలో అభ్యర్థులు ఇప్పటి నుంచే పరీక్షా సన్నద్ధతతో పాటు దరఖాస్తుకు అవసరమైన పత్రాలను సిద్ధం చేసుకోవాలి. రిజిస్ట్రేషన్ల ప్రారంభ తేదీపై అధికారిక ప్రకటన వెలువడిన వెంటనే వెబ్‌సైట్‌లో వివరాలు అందుబాటులోకి వచ్చే అవకాశం ఉంది.
జేఈఈ మెయిన్ 2027 ఆన్‌లైన్ రిజిస్ట్రేషన్ కోసం ఇక్కడ క్లిక్ చేయండి.