Andhra Pradesh: ఏపీ ప్రభుత్వాసుపత్రుల్లో ఉద్యోగాల భర్తీకి నోటిఫికేషన్.. నేరుగా ఇంటర్వ్యూ ద్వారా ఎంపిక.
ఆంధ్రప్రదేశ్లో ఉన్న పలు పలు ప్రభుత్వాసుపత్రుల్లో ఖాళీల భర్తీకి వైద్య శాఖ నోటిఫికేషన్ జారీ చేసింది. ఇందులో భాగంగా ఆంధ్రప్రదేశ్ సివిల్ అసిస్టెంట్ సర్జన్స్, స్పెషలిస్టు పోస్టులను భర్తీ చేయనున్నారు. ఈ ఖాళీలను వైద్య విధాన పరిషత్..
ఆంధ్రప్రదేశ్లో ఉన్న పలు పలు ప్రభుత్వాసుపత్రుల్లో ఖాళీల భర్తీకి వైద్య శాఖ నోటిఫికేషన్ జారీ చేసింది. ఇందులో భాగంగా ఆంధ్రప్రదేశ్ సివిల్ అసిస్టెంట్ సర్జన్స్, స్పెషలిస్టు పోస్టులను భర్తీ చేయనున్నారు. ఈ ఖాళీలను వైద్య విధాన పరిషత్ కాంట్రాక్ట్, పర్మినెంట్ ప్రాతిపదికన భర్తీ చేయనుంది. ఆసక్తి, అర్హత ఉన్న అభ్యర్థులు నేరుగా ఇంటర్వ్యూకి హాజరుకావాలని అధికారులు సూచించారు.
ఈ నెల 23 నుంచి 27 వరకు వాక్ ఇన్ ఇంటర్వ్యూలు నిర్వహించనున్నట్లు తెలిపారు. ఇంటర్వ్యూలను విజయవాడలోని పాత ప్రభుత్వాసుపత్రిలో నిర్వహించనున్నారు. డీఎంఈ కార్యాలయంలో 5 రోజుల పాటు ఇంటర్వ్యూ ప్రక్రియ కొనసాగుతుందని వైద్య విధాన పరిషత్ కమిషనర్ డాక్టర్ వినోద్ కుమార్ సోమవారం మీడియాకు విడుదల చేసిన ఒక ప్రకటనలో తెలిపారు. పూర్తి వివరాల కోసం వైద్య ఆరోగ్య శాఖ వెబ్సైట్ను సందర్శించాలని సూచించారు.
ఇదిలా ఉంటే ఇంటర్వ్యూలో భాగంగా ఈ నెల 23న జనరల్ మెడిసిన్, జనరల్ సర్జరీ, మైక్రో బయాలజీ , ఫోరెన్సిక్ మెడిసిన్, డెర్మటాలజీ, ఈఎన్టి, గైనకాలజీ, రేడియాలజీ, సైక్రియాటిక్ , ఆర్థో పెడిక్, అన స్ధిషియా, పాథాలజీ స్పెషలిస్టు పోస్టుల భర్తీకి వాక్ – ఇన్ ఇంటర్వ్యూలు నిర్వహిస్తున్నారు. ఆసక్తి, అర్హత ఉన్న అభ్యర్థులు సంబంధిత సర్టిఫికెట్లతో నేరుగా ఇంటర్వ్యూలకు హాజరుకావాలని అధికారులు తెలిపారు.
మరిన్ని విద్య, ఉద్యోగ వార్తల కోసం క్లిక్ చేయండి..