World’s Powerful Passport 2025: ప్రపంచంలోని అత్యంత శక్తివంతమైన పాస్‌పోర్ట్‌ జాబితాలో భారత్‌ ఏ స్థానం..

World’s Powerful Passport 2025: విదేశాలకు వెళ్లాలంటే పాస్‌పోర్ట్ ఉండటం తప్పనిసరి. పాస్‌పోర్ట్ లేకపోతే విదేశాలకు వెళ్లలేరు. ప్రతి దేశానికి వేర్వేరు పాస్‌పోర్ట్‌లు ఉంటాయి. ఇండెక్స్ హెన్లీ & పార్టనర్స్ ప్రపంచవ్యాప్తంగా ఉన్న దేశాల పాస్‌పోర్ట్‌లను ర్యాంక్ చేసే నివేదికను విడుదల చేసింది. ప్రపంచంలో అత్యంత శక్తివంతమైన పాస్‌పోర్ట్ ఏ దేశానికి చెందినది? ఈ జాబితాలో భారత పాస్‌పోర్ట్ స్థానం ఏమిటి అనే దాని గురించి పూర్తి సమాచారం ఇక్కడ ఉంది.

ప్రపంచ ప్రభుత్వ కన్సల్టెన్సీ సంస్థ హెన్లీ అండ్‌ పార్టనర్స్, ప్రపంచంలోని 199 పాస్‌పోర్ట్‌లను అవి చేరుకోగల ప్రదేశాల సంఖ్య ఆధారంగా ర్యాంక్ చేసింది. మొత్తం 227 దేశాలలో 193 దేశాలకు వీసా లేకుండా ప్రవేశించడానికి వీలు కల్పిస్తూ సింగపూర్ పాస్‌పోర్ట్ మొదటి స్థానంలో నిలిచింది. రెండవ స్థానంలో జపాన్, దక్షిణ కొరియా పాస్‌పోర్ట్‌లు ఉన్నాయి.

ఈ పాస్‌పోర్ట్‌లు 190 దేశాలకు వీసా రహిత ప్రవేశాన్ని అనుమతిస్తాయి. డెన్మార్క్, ఫిన్లాండ్, ఫ్రాన్స్, జర్మనీ, ఐర్లాండ్, ఇటలీ, స్పెయిన్ సహా మొత్తం ఏడు దేశాలు ఈ జాబితాలో మూడవ స్థానంలో ఉన్నాయి. ఈ పాస్‌పోర్ట్‌లు 189 దేశాలకు వీసా రహిత ప్రవేశాన్ని అనుమతిస్తాయి.

30 దేశాలకు పాస్‌పోర్ట్‌లతో పాకిస్తాన్ 96వ స్థానంలో, ఇరాక్ 97వ స్థానంలో ఉన్నాయి. 27 దేశాలకు వీసా రహిత ప్రవేశంతో సిరియా 98వ స్థానంలో, 25 దేశాలకు మాత్రమే వీసా రహిత ప్రవేశంతో ఆఫ్ఘనిస్తాన్ 99వ స్థానంలో నిలిచాయి. జాబితాలో అట్టడుగున పడిపోయాయి.

భారతదేశం ర్యాంక్ ఎంత?

హెన్లీ ఇండెక్స్ నివేదిక ప్రకారం.. ఈ సంవత్సరం భారతదేశం 80వ స్థానంలో ఉంది. 56 దేశాలకు వీసా లేకుండా ప్రవేశించడానికి వీలు కల్పిస్తుంది. మిగిలిన దేశాలు తజికిస్తాన్, అల్జీరియా, ఈక్వటోరియల్ గినియాతో ఈ స్థానాన్ని పంచుకుంటాయి.

మరిన్ని బిజినెస్ వార్తల కోసం ఇక్కడ క్లిక్ చేయండి