Cash Deposit Limit: మీ బ్యాంకు ఖాతాలో పరిమితికి మించి డిపాజిట్‌ చేస్తే ఏమవుతుంది? ఇవి తప్పకుండా తెలుసుకోండి

నేటి కాలంలో ప్రతి ఒక్కరికీ బ్యాంకులో పొదుపు ఖాతా అవసరం. ప్రభుత్వ పథకాలన్నీ సద్వినియోగం చేసుకోవాలంటే బ్యాంకు ఖాతా తప్పనిసరి. అయితే అది లేకుండా డిజిటల్ లావాదేవీలు జరగవు. భారతదేశంలో బ్యాంకు ఖాతా తెరవడానికి ఎటువంటి పరిమితి లేదు. దీని కారణంగా ప్రతి వ్యక్తికి రెండు లేదా అంతకంటే ఎక్కువ బ్యాంకు ఖాతాలు ఉంటాయి. పొదుపు ఖాతాలో మీ డబ్బు కూడా సురక్షితంగా ఉంటుంది. ఎప్పటికప్పుడు బ్యాంకు ఈ డిపాజిట్ చేసిన మొత్తానికి వడ్డీని కూడా ఇస్తుంది. నిబంధనల ప్రకారం.. జీరో బ్యాలెన్స్ ఖాతా మినహా అన్ని ఖాతాలలో మినిమమ్ బ్యాలెన్స్ ఉంచడం అవసరం. లేకపోతే బ్యాంక్ మీకు పెనాల్టీని వసూలు చేస్తుంది. అయితే ఈ మధ్య కాలంలో కొన్ని బ్యాంకులు నిబంధనలు మార్చాయి. ఎలాంటి మినిమమ్‌ బ్యాలెన్స్‌ లేకున్నా ఎలాంటి పెనాల్టీ వేయడం లేదు.

మీరు ఖాతాలో ఎంత డబ్బు ఉంచవచ్చో తెలుసా?

నిబంధనల ప్రకారం, మీరు మీ సేవింగ్స్ ఖాతాలో ఎంత డబ్బునైనా ఉంచుకోవచ్చు. దీనికి పరిమితి లేదు. అయితే మీ ఖాతాలో జమ చేసిన మొత్తం ఎక్కువై అది ఆదాయపు పన్ను పరిధిలోకి వస్తే, ఆ ఆదాయ మూలాన్ని మీరు చెప్పాల్సి ఉంటుంది. ఇది కాకుండా, బ్యాంకు శాఖకు వెళ్లి నగదు డిపాజిట్ చేయడానికి, నగదు ఉపసంహరించుకోవడానికి పరిమితి ఉంది. కానీ చెక్కు లేదా ఆన్‌లైన్ మాధ్యమం ద్వారా మీరు సేవింగ్స్ ఖాతాలో రూ. 1 నుండి వేల, లక్షలు, కోట్ల వరకు ఎంత మొత్తాన్ని అయినా డిపాజిట్ చేయవచ్చు.

నగదు డిపాజిట్ చేయడానికి ఇవీ నిబంధనలు

రూ.50,000 లేదా అంతకంటే ఎక్కువ నగదును బ్యాంకులో డిపాజిట్ చేస్తే, దానితో పాటు మీ పాన్ నంబర్‌ను కూడా అందించాలని నిబంధన చెబుతోంది. మీరు ఒక రోజులో రూ. 1 లక్ష వరకు నగదు డిపాజిట్ చేయవచ్చు. అలాగే, మీరు మీ ఖాతాలో క్రమం తప్పకుండా నగదు జమ చేయకపోతే ఈ పరిమితి రూ. 2.50 లక్షల వరకు ఉంటుంది. ఇది కాకుండా ఒక వ్యక్తి తన ఖాతాలో ఒక ఆర్థిక సంవత్సరంలో గరిష్టంగా రూ.10 లక్షల నగదు జమ చేయవచ్చు. ఈ పరిమితి మొత్తం ఒకటి లేదా అంతకంటే ఎక్కువ ఖాతాలతో పన్ను చెల్లింపుదారులకు వర్తిస్తుంది.

ఇది కూడా చదవండి: August New Rules: వినియోగదారులకు అలర్ట్‌.. ఆగస్ట్‌ 1 నుంచి ఏయే నియమాలు మారనున్నాయో తెలుసా?

10 లక్షలకు పైగా డిపాజిట్లపై ఐటీ శాఖ నిఘా

ఒక వ్యక్తి ఆర్థిక సంవత్సరంలో రూ. 10 లక్షల కంటే ఎక్కువ నగదు డిపాజిట్ చేస్తే, ఆ విషయాన్ని బ్యాంకు ఆదాయపు పన్ను శాఖకు తెలియజేయాలి. అటువంటి పరిస్థితిలో వ్యక్తి ఈ ఆదాయ మూలాన్ని చెప్పాల్సి ఉంటుంది. వ్యక్తి ఆదాయపు పన్ను రిటర్న్‌లో మూలం గురించి సంతృప్తికరమైన సమాచారాన్ని ఇవ్వలేకపోతే అతను ఆదాయపు పన్ను శాఖ రాడార్ కిందకు రావచ్చు. అలాగే అతనిపై విచారణ నిర్వహించవచ్చు. పట్టుబడితే భారీ జరిమానా విధించవచ్చు. వ్యక్తి ఆదాయ వివరాలు వెల్లడించకపోతే డిపాజిట్ చేసిన మొత్తంపై 60 శాతం పన్ను, 25 శాతం సర్‌ఛార్జ్, 4 శాతం సెస్ విధించవచ్చు. ఇందులో నిబంధనలు కూడా మారవచ్చు. దాన్ని బట్టి మీకు ఛార్జీలు ఉంటాయని గుర్తించుకోండి.

ఇది కూడా చదవండి: Gold Price Today: మహిళలకు శుభవార్త.. దిగి వస్తున్న బంగారం ధరలు.. తెలుగు రాష్ట్రాల్లో ఎంతంటే..

అయితే, మీరు రూ. 10 లక్షల కంటే ఎక్కువ నగదు లావాదేవీలు చేయలేరని దీని అర్థం కాదు. మీ వద్ద ఈ ఆదాయానికి సంబంధించిన రుజువు ఉంటే, మీరు చింతించకుండా నగదు డిపాజిట్ చేయవచ్చు. ప్రయోజనం దృష్ట్యా, మీ పొదుపు ఖాతాలో ఎక్కువ డబ్బును ఉంచే బదులు ఆ మొత్తాన్ని ఫిక్స్‌డ్‌ డిపాజిట్‌గా మార్చడం లేదా మీరు మంచి రాబడిని పొందగలిగే ఇతర చోట పెట్టుబడి పెట్టడం మంచిది.

ఇది కూడా చదవండి: Post Office: సామాన్యులకు ఇది కదా కావాల్సింది.. రోజుకు 2 రూపాయలే.. రూ.10 లక్షల బీమా.. బెస్ట్ ఇన్ఫర్మేషన్

మరిన్ని బిజినెస్ వార్తల కోసం ఇక్కడ క్లిక్ చేయండి