Bonsai Plants: పొట్టి మొక్కలతో పుట్టెడు ఆదాయం.. అతని చిన్నప్పటి హాబీ.. సిరులు కురిపిస్తోంది..
గత కొన్నేళ్లుగా బోన్సాయ్ మొక్క ట్రెండ్..క్రేజ్ పెరిగింది. పెద్ద నగరాలతో పాటు చిన్న పట్టణాల్లోనూ బోన్సాయ్ మొక్కలను ఇంటి పైకప్పుపై బాల్కనీల్లో పెట్టుకుంటున్నారు. ఇప్పుడు గ్రామాల్లో కూడా ప్రజలు తమ ఇంటి అందం కోసం బోన్సాయ్‌లను ఉపయోగిస్తున్నారు.
Bonsai Plants: గత కొన్నేళ్లుగా బోన్సాయ్ మొక్క ట్రెండ్..క్రేజ్ పెరిగింది. పెద్ద నగరాలతో పాటు చిన్న పట్టణాల్లోనూ బోన్సాయ్ మొక్కలను ఇంటి పైకప్పుపై బాల్కనీల్లో పెట్టుకుంటున్నారు. ఇప్పుడు గ్రామాల్లో కూడా ప్రజలు తమ ఇంటి అందం కోసం బోన్సాయ్‌లను ఉపయోగిస్తున్నారు. పెళ్లిళ్లైనా, ఏదైనా పెద్ద ఫంక్షన్‌ అయినా బోన్సాయ్‌ని బహుమతిగా ఇచ్చే ట్రెండ్ కూడా ఇప్పుడు బాగా పెరిగింది. అందుకే ఇప్పుడు చాలా మంది ప్రొఫెషనల్ స్థాయిలో బోన్సాయ్ మొక్కల నర్సరీని ఏర్పాటు చేసి మార్కెటింగ్ చేస్తున్నారు.
ఢిల్లీ నివాసి సౌమిక్ దాస్ ఈ అవకాశాన్ని అందిపుచ్చుకున్నారు. దీంతో ఆయన లక్షలాది రూపాయల ఆదాయాన్ని పొందడమే కాకుండా.. చాలామందికి ఉపాధిని కూడా కల్పిస్తున్నారు. సౌమిక్ దాస్ నోయిడాలో బోన్సాయ్ మొక్కల నర్సరీని సిద్ధం చేశారు. వివిధ రకాల మొక్కలు సుమారు 3 వేల ఉన్నాయి. వారు దీనిని దేశవ్యాప్తంగా ఆఫ్‌లైన్..ఆన్‌లైన్ స్థాయిలో మార్కెట్ చేస్తారు. దీంతో ఏటా రూ.20-25 లక్షల వరకు వ్యాపారం చేస్తున్నారు. అయితే, ఈయన ఈ పని వృత్తిగా కంటే కూడా ఇష్టంగా చేస్తున్నారు.
వాస్తవానికి 52 ఏళ్ల సౌమిక్ కుటుంబం కోల్‌కతాకు చెందినవారు. అయితే, ఆయన విద్యాభ్యాసం ఢిల్లీలో జరిగింది. మాస్టర్స్ పూర్తి చేసిన తరువాత, ఆయన ప్రింటింగ్ వ్యాపారంలో చేరారు. ఆయన తన స్వంత వ్యాపారాన్ని చేసుకుంటూ సౌకర్యంగా జీవిస్తున్నారు. తన ఇష్టాన్ని వ్యాపారంవైపు మళ్ళించారు. అదే బోన్సాయ్ మొక్కల వ్యాపారం. అదిప్పుడు ఆయనకు పేరుతో పాటు బోలెడు డబ్బు తెచ్చిపెడుతోంది.
బోన్సాయ్ ఆలోచన ఎలా వచ్చింది?
ఈ ప్రశ్నకు సౌమిక్ ఇలా సమాధానం చెప్పారు..” నాకు చిన్నప్పటి నుంచి మొక్కలు పెంచడం అంటే ఇష్టం. ఇంట్లో వారందరికీ తోటపని కూడా ఒక హాబీ. మేము చాలా చిన్న, పెద్ద మొక్కలు నాటాము. బోన్సాయ్ విషయానికొస్తే, నేను 11-12వ తరగతిలో ఉన్నపుడు..ఢిల్లీలోని తల్కతోరా స్టేడియంలో ఎగ్జిబిషన్ జరిగింది. స్నేహితులతో కలిసి వాకింగ్ కోసం అక్కడికి వెళ్లాను. అక్కడ చాలా విషయాలు చూశాను. అందులో బోన్సాయ్ మొక్కలు కూడా ఉన్నాయి. అప్పటికి నాకు బోన్సాయ్ గురించి తెలియదు, ఆ పేరు కూడా వినలేదు. ఎగ్జిబిషన్‌లోని ఒక ప్రదేశంలో ఒక వ్యక్తి కొన్ని అందమైన, ప్రత్యేకమైన మొక్కల స్టాల్‌ను అలంకరిస్తున్నాడని అక్కడి వారు చెప్పారు. ఆ మొక్కలను చూడగానే చలించిపోయాను. నేను ఇంతకు ముందు ఇలాంటి మొక్కలను చూడలేదు. నాకు ఆసక్తి కలిగింది. మొక్కను తాకడం ప్రారంభించాను. దీంతో ఆ వ్యక్తికి కాస్త కోపం వచ్చి ఇవి బోన్సాయ్ మొక్కలు చాలా ఖరీదైనవి అని చెప్పాడు. ఆ తర్వాత మరుసటి రోజు మళ్లీ ఆ ఎగ్జిబిషన్‌కి వెళ్లి, ఆ స్టాల్‌కి వెళ్లి బోన్సాయ్ గురించి సమాచారం సేకరించడం మొదలుపెట్టాను. ఈ విధంగా బోన్సాయ్‌పై నాకు ఆసక్తి పెరిగింది. అయితే, ఆ తర్వాత నేను నా చదువులో పడిపోయాను.”
బోన్సాయ్‌ల గురించి పుస్తకాల్లో చదివి..
హాబీగా బోన్సాయ్‌లకు సంబంధించిన సమాచారాన్ని వివిధ ప్రాంతాల నుంచి సేకరిస్తానని సౌమిక్ చెప్పారు. దీని గురించి చాలా పుస్తకాలు చదివానని చెప్పారు. చాలా నర్సరీలకు కూడా వెళ్లి తిరిగి చూశారు సౌమిక్. ఆ కాలంలో బోన్సాయ్ గురించి చాలా తక్కువ మందికి తెలుసు. ”నేను చదువుతున్నప్పుడు.. ప్రింటింగ్ వ్యాపారంలో కూడా నాకు బోన్సాయ్ అంటే పిచ్చి. ఎక్కడ బోన్సాయ్ మొక్క దొరికినా ఇంటికి తెచ్చేవాడిని. ఈ విధంగా కొన్నేళ్ల తర్వాత దాదాపు 200 బోన్సాయ్ మొక్కలు నా దగ్గర ఉన్నాయి.” అని తన హాబీ గురించి వివరించారు సౌమిక్.
సౌమిక్ ఇంటిలో ఉన్న ఈ బోన్సాయ్ మొక్కలను చూసిన ఇరుగూ..పొరుగూ.. స్నేహితులు ఈ హాబీని కొనసాగించాలని సలహా ఇచ్చారు. ఆ తరువాత సౌమిక్ ఢిల్లీలోని ఓ చిన్న ప్రదేశంలో కొన్ని మొక్కలతో ఎగ్జిబిషన్ పెట్టారు. అప్పుడు అక్కడికి వచ్చి ఇది చూసిన ప్రజల స్పందన చాలా బాగుంది. దీనిని చాలా మంది మెచ్చుకున్నారు. చాలా మంది బోన్సాయ్ మొక్కలు తమకూ కావలని డిమాండ్ చేశారు, ముఖ్యంగా పిల్లలు. అయితే, అప్పుడు సౌమిక్ దీన్ని వాణిజ్య స్థాయిలో ప్రారంభించాలని అనుకోలేదు. దీంతో, విక్రయించడానికి నిరాకరించారు. ఆ తరువాత సౌమిక్ తన కుటుంబ సభ్యులతో కలిసి వివిధ చోట్ల ఎగ్జిబిషన్లు నిర్వహించడం మొదలుపెట్టారు. అక్కడ కూడా ప్రజలు వీటిని చూసి ఆకర్షితమయ్యారు. అప్పుడు సౌమిక్ దీనిని వ్యాపారంగా చేస్తే ఇటువంటి హాబీ ఇష్టం ఉన్నవారికి సహాయంగా ఉంటుదనిపించింది సౌమిక్ కు .
ఢిల్లీలో శిక్షణ తీసుకుని..
తాను సొంతంగా పనిచేస్తున్నప్పుడు బోన్సాయ్ గురించి చాలా నేర్చుకున్నానని, అయితే ప్రొఫెషనల్ స్థాయిలో పనిచేసే ముందు మెరుగైన శిక్షణ అవసరమని భావించానని సౌమిక్ చెప్పాడు. ఇందుకోసం ఢిల్లీలోని ఇండియన్ బోన్సాయ్ అసోసియేషన్ (ఐబీఏ)కి వెళ్లారు. అక్కడ బోన్సాయ్‌లను తయారు చేయడంలో ఒకటి కంటే ఎక్కువ మంది కళాకారులు కలిశారు. రకరకాల వెరైటీలు కనిపించాయి. అప్పుడు ఆయన అక్కడ కొత్త డిజైనింగ్ నేర్చుకున్నారు. అంటే, ఆ తర్వాతే తాను పూర్తి ప్రొఫెషనల్ బోన్సాయ్ కళాకారుడిని కాగలిగానని ఆయన చెప్పారు.
నర్సరీ ఏర్పాటు..
ఆ తర్వాత 2014-15లో నోయిడాలో నర్సరీని ఏర్పాటు చేశారు సౌమిక్. వివిధ ప్రాంతాల నుంచి వివిధ రకాల మొక్కలను తీసుకురావడం ప్రారంభించారు. కొన్ని సంవత్సరాలలో, సౌమిక్ బోన్సాయ్ మొక్కల పెద్ద సేకరణను సాధించారు. తర్వాత ఎగ్జిబిషన్ పెట్టి మార్కెటింగ్ చేయడం మొదలుపెట్టారు. ఆ తర్వాత ‘గ్రో గ్రీన్ బోన్సాయ్’ పేరుతో కంపెనీని రిజిస్టర్ చేశాం. సోషల్ మీడియా, వెబ్‌సైట్ ద్వారా దాని ప్రచారాన్ని ప్రారంభించారు.
ప్రస్తుతం సౌమిక్ తన సంస్థ ద్వారా దేశవ్యాప్తంగా బోన్సాయ్ మొక్కలను సరఫరా చేస్తున్నారు. అయితే, సౌమికి బోన్సాయ్ మొక్కలను కావాలనుకునే వారు నర్సరీకి వచ్చి నచ్చిన మొక్కలను కొనుగోలు చేయాలని కోరుతున్నారు. ఎందుకంటే మొక్కను ఇతర నగరాలకు పంపే సమయంలో ఒక్కోసారి బ్రేక్ డౌన్ అయ్యే ప్రమాదం ఉంది. సౌమిక్ వద్ద ప్రస్తుతం 3 వేలకు పైగా మొక్కలు ఉన్నాయి. వాటిలో అన్ని రకాల మొక్కలు ఉన్నాయి. ఈ మొక్కలు పరిమాణం, రంగు, రకం, సీజన్ ద్వారా మారుతూ ఉంటాయి. దీనితో పాటు బోన్సాయ్ ప్లాంటింగ్ కోసం శిక్షణ కూడా ఇస్తారు. ఇప్పటి వరకు 200 మందికి పైగా శిక్షణ పొందారు. ఈ పని ద్వారా, ఆయన చాలా మందికి ఉపాధితో కనెక్ట్ అయ్యాడు.
బోన్సాయ్ మొక్కను ఎలా సిద్ధం చేయాలి?
ప్లాంటేషన్..గార్డెనింగ్ కంటే బోన్సాయ్ మొక్కను అభివృద్ధి చేయడం ఒక కళాత్మకమైన పని. దీనికి సమయం..సహనం రెండూ అవసరం. ఒక మొక్కను సిద్ధం చేయడానికి కనీసం 3 నుండి 4 సంవత్సరాలు పడుతుంది. చాలా మొక్కలు 7 సంవత్సరాలకు గానీ సిద్ధం కావు. దాని అభివృద్ధికి ఆరోగ్యకరమైన మొక్క మొదట అవసరం. ఆ తరువాత, మొక్క టాప్ రూట్ అంటే మందపాటి పెద్ద వేర్లు కత్తిరించేస్తారు. అప్పుడు దాని చిన్న వేరు మార్గాన్ని అభివృద్ధి చేయడం ప్రారంభిస్తారు. ఆ తర్వాత ఆ మొక్క ప్రాధమిక, ద్వితీయ శాఖలను అభివృద్ధి చేస్తారు.
దీని తరువాత, మొక్క అభివృద్ధి చెందడానికి ఒకటి నుండి రెండు సంవత్సరాల వరకు కుండీలో ఉంచుతారు. దాని కొమ్మలను కత్తిరించడం చేస్తారు. ఈ మధ్యలో కొన్ని రోజుల వ్యవధిలో జరుగుతుంది. మొక్కను కావలసిన ఆకారంలో మౌల్డ్ చేయడానికి దాని శాఖలో వైరింగ్ జరుగుతుంది. ఇది మొత్తం 3-4 సంవత్సరాలు పడుతుంది. అందువల్ల, దాని సాధారణ పర్యవేక్షణ అవసరం. మొక్క మూలాలు పెరుగుతున్నట్లయితే, దానిని కుండీ నుంచి తీసివేస్తారు. మళ్లీ కత్తిరిస్తారు.
బోన్సాయ్ కోసం కుండీని జాగ్రత్తగా ఎంచుకోండి. కుండీలు బలంగా అందంగా ఉండాలి. ఎక్కువ లోతుగా ఉండకూడదు. ఇది దిగువన అనేక చిన్న రంధ్రాలను కలిగి ఉండాలి. తద్వారా అదనపు నీరు బయటకు పోతుంది వెళ్ళు గాలిని పొందడానికి అవకాశం ఉంటుంది. ఈ రంధ్రాలపై ఫైన్ నెట్టింగ్ చేస్తారు. దీనివలన కుండీలోకి చీమలు, చిన్న కీటకాలు ప్రవేశించవు.
బోన్సాయ్ ప్లాంట్ వ్యాపారం..
బోన్సాయ్ మొక్కకు చాలా డిమాండ్ ఉంది. పెద్ద నగరాలతోపాటు చిన్న పట్టణాల్లోనూ దీనికి డిమాండ్ ఉంది. చాలా మంది తమ బాల్కనీ లేదా గార్డెన్‌లో అలంకరణ కోసం బోన్సాయ్‌లను ఉపయోగిస్తారు. బంధువులు లేదా తెలిసిన వారికి బహుమతులు ఇచ్చే ధోరణి కూడా వేగంగా పెరిగింది. బోన్సాయ్ మొక్కను పెళ్లిళ్లలో లేదా ఏదైనా చిన్న లేదా పెద్ద వేడుకలో ప్రజలకు బహుమతిగా అందజేస్తారు. ప్రస్తుతం పాఠశాలలు, కళాశాలలు, ఆసుపత్రులు, హోటళ్లు వంటి చోట్ల అలంకరణకు వినియోగిస్తున్నారు. కాబట్టి దాని వ్యాపారం చాలా లాభదాయకంగా ఉంటుంది.
గత కొన్ని సంవత్సరాలుగా, చాలా మంది దీనికి సంబంధించి నర్సరీని కూడా ప్రారంభించారు. చాలా మంది దీనిని ఆన్‌లైన్ ప్లాట్‌ఫారమ్‌ల ద్వారా కూడా మార్కెటింగ్ చేస్తున్నారు. ఎవరైనా ఈ తరహా స్టార్టప్‌ ప్లాన్‌ చేస్తుంటే ముందుగా శిక్షణ తీసుకోవాలి. దీని కోసం సమీపంలోని కృషి విజ్ఞాన కేంద్రం నుండి సహాయం తీసుకోవచ్చు. దీని శిక్షణను ఢిల్లీకి చెందిన ఇండియన్ బోన్సాయ్ అసోసియేషన్ (IBA) అలాగే ఆన్‌లైన్ ద్వారా తీసుకోవచ్చు. బడ్జెట్ విషయానికొస్తే, 15 నుండి 20 వేల రూపాయలలో చిన్న స్థాయిలో ప్రారంభించవచ్చు. పెద్ద ఎత్తున పని చేయాలంటే 2 నుంచి 3 లక్షల రూపాయలు కావాలి. అనేక ప్రభుత్వాలు దీనికి మద్దతు ఇస్తున్నాయి.
ఇవి కూడా చదవండి: Debt Management: కరోనా కాలంలో అప్పుల ఊబిలో చిక్కుకున్నారా.. రుణాల చిక్కుముడిని విప్పుకోండి ఇలా!