Central Government: కేంద్ర ప్రభుత్వం కొత్త పథకం.. విద్యార్థుల అకౌంట్లోకి నేరుగా రూ.16 లక్షలు.. అప్లై చేసుకుంటే..

విద్యార్థుల కోసం కేంద్ర ప్రభుత్వం అనేక పథకాలు అమలు చేస్తోంది. అందులో పీఎం విద్యాక్ష్మి పథకం ఒకటి. ఈ పథకం ద్వారా విద్యార్థులు తమ చదువుల కోసం రూ.16 లక్షల వరకు రుణం పొందవచ్చు. దీని కోసం ఎలా దరఖాస్తు చేసుకోవాలి. ప్రాసెస్ ఏంటి అనే వివరాలు చూద్దాం.

students

Venkatrao Lella |
Updated on: Mar 29, 2026 | 2:48 PM

కొంతమందికి ఉన్నత చదువులు చదవాలని ఉన్నా కుటుంబ ఆర్ధిక పరిస్థితుల వల్ల వెనక్కి తగ్గుతారు. చదువుకోవడానికి డబ్బుల్లేక సతమతమవుతుంటారు. ఇలాంటివారికి ఆర్ధిక చేయూత అందించేందుకు కేంద్ర, రాష్ట్ర ప్రభుత్వాలు అనేక పథకాలు ప్రవేశపెడుతున్నాయి. అందులో భాగంగా కేంద్ర ప్రభుత్వం విద్యాలక్ష్మి అనే పథకాన్ని ప్రవేశపెట్టింది. ఈ స్కీమ్ ద్వారా పైచదువులు చదుకుకోవాలనుకునే విద్యార్థులు ప్రభుత్వం ద్వారా రుణం పొందవచ్చు. ఇక వడ్డీ కూడా ప్రభుత్వమే చెల్లిస్తుంది. ఈ పథకానికి ఎలా దరఖాస్తు చేసుకోవాలి..? అర్హతలు ఏంటి? అనే వివరాలు తెలుసుకుందాం.

2024లో ప్రారంభం

2024 బడ్జెట్‌లో విద్యాలక్ష్మి పథకాన్ని కేంద్ర ప్రభుత్వం ప్రారంభించింది. ఇక 2024 నవంబర్ 6న కేబినెట్ ఈ స్కీమ్‌కు ఆమోదం తెలపగా.. ఆ తర్వాత నుంచి అమల్లోకి తెచ్చారు. ఈ పథకం ద్వారా హాయ్యర్ చదువుల కోసం విద్యార్థులకు రూ.16 లక్షల వరకు రుణ సౌకర్యం అందిస్తారు. రూ.10 లక్షల లోన్‌కు కేవలం రూ.3 శాతం వడ్డీ ఉంటుంది. ఇది తిరిగి చెల్లించడానికి 15 ఏళ్ల టైమ్ ఉంటుంది. ఇక వడ్డీపై కేంద్రం సబ్సిడీ కూడా ఇస్తోంది. కోర్సు పూర్తయిన తర్వాత ఏడాది వరకు వడ్డీలో మినహాయింపు సౌకర్యం కల్పిస్తారు. ఉన్నత చదువుల కోసం ఆర్ధిక ఇబ్బందులతో బాధపడేవారికి ఇది మంచి అవకాశంగా చెప్పవచ్చు.