EPFO: మీ పీఎఫ్ క్లెయిమ్ పదేపదే తిరస్కరణకు గురవుతోందా? కారణం ఇదే!
EPFO Claim Rejection: ఏదైనా అత్యవసర సమయాల్లో పీఎఫ్ డబ్బులు ఎంతగానో ఉపయోగపడతాయి. అయితే కొన్ని సందర్భాలలో పీఎఫ్ క్లెయిమ్ తిరస్కరణకు గురవుతుంటుంది. అందుకు ఎన్నో కారణాలు ఉంటాయి. కొన్ని పొరపాట్ల వల్ల తిరస్కరిస్తుంటుంది పీఎఫ్. ఆ కారణాలు ఏంటో తెలుసుకోవడం చాలా ముఖ్యం..
EPFO Claim Rejection: ఎంప్లాయీస్ ప్రావిడెంట్ ఫండ్ (EPF) అనేది మీరు భవిష్యత్తు కోసం ఆర్థికంగా బలంగా మారడానికి సహాయపడే పొదుపు పథకం. అయితే, అత్యవసర పరిస్థితుల్లో కొన్నిసార్లు పీఎఫ్ ఖాతాలో జమ చేసిన డబ్బులో కొంత భాగాన్ని ఉపసంహరించుకోవచ్చు. దీనికి పీఎఫ్ క్లెయిమ్ దాఖలు చేయాల్సి ఉంటుంది. కానీ కొన్నిసార్లు క్లెయిమ్ దాఖలు చేసినప్పటికీ తిరస్కరిస్తుంటుంది.
ఇలాంటి సమయాల్లో ప్రజలు తరచుగా భయాందోళనలకు గురవుతారు. అయితే EPF క్లెయిమ్ తిరస్కరణలు చాలా మంది అనుకున్నదానికంటే చాలా సాధారణం. కొన్నిసార్లు, చిన్న తప్పులు లేదా అజాగ్రత్త, సరిపోలని వివరాలు లేదా సాంకేతిక ఇబ్బందుల కారణంగా క్లెయిమ్లు తిరస్కరించవచ్చు. మీ క్లెయిమ్ తిరస్కరిస్తే మీరు మొదట ఏమి చేయాలో తెలుసుకుందాం.
ఇది కూడా చదవండి: EPFO: మీ పీఎఫ్ ఖాతాలో లక్ష రూపాయలు ఉంటే ఎంత వడ్డీ వస్తుందో తెలుసా? దీన్ని ఎలా లెక్కిస్తారు?
తిరస్కరణకు కారణాలు:
పీఎఫ్ క్లెయిమ్ తిరస్కరణకు అనేక కారణాలు ఉండవచ్చు:
- బ్యాంక్ వివరాలలో లోపాలు: తప్పు బ్యాంక్ ఖాతా నంబర్ లేదా IFSC కోడ్, బ్యాంక్ ఖాతా UAN కి లింక్ చేసి ఉండకపోవడం.
- KYC వివరాలలో తేడా – మీ ఆధార్ కార్డ్, పాన్ కార్డ్ లేదా UAN పోర్టల్లో నమోదు చేసిన పేరు, పుట్టిన తేదీ లేదా లింగం, స్పెల్లింగ్లో చిన్న తప్పు కూడా క్లెయిమ్ తిరస్కరణకు కారణం కావచ్చు.
- UAN, ఆధార్ లింక్ చేయకపోవడం: మీ ఆధార్ కార్డ్ UAN కి లింక్ చేయకపోతే చాలా సార్లు సిస్టమ్ క్లెయిమ్ను ప్రాసెస్ చేయలేకపోతుంది.
- ఉద్యోగం నుండి నిష్క్రమించిన తేదీ – మీ మునుపటి యజమాని పోర్టల్లో మీ ఉద్యోగాన్ని విడిచిపెట్టిన సరైన తేదీని అప్డేట్ చేయకపోతే, క్లెయిమ్ కూడా తిరస్కరించవచ్చు.
- అర్హత లేకపోవడం: పెన్షన్ కోసం కనీసం ఆరు నెలల సర్వీస్ అవసరం (ఫారం 10c). దీని కంటే తక్కువ ఉంటే తుది ఉపసంహరణ తిరస్కరణకు దారితీయవచ్చు.
క్లెయిమ్ తిరస్కరిస్తే ఏమి చేయాలి?
మీ పీఎఫ్ క్లెయిమ్ తిరస్కరిస్తే ముందుగా ఆన్లైన్లో స్థితిని తనిఖీ చేసి ఖచ్చితమైన కారణాన్ని గుర్తించండి. తర్వాత కేవైసీ (పేరు, పుట్టిన తేదీ, బ్యాంక్ వివరాలు)లో ఏవైనా లోపాలు లేదా యజమాని ఆమోదం లేకపోవడం సరిచేసి, UAN పోర్టల్ ద్వారా తిరిగి దరఖాస్తు చేసుకోండి. సమస్య కొనసాగితే మీరు EPFiGMS పోర్టల్ ద్వారా ఫిర్యాదు చేయవచ్చు లేదా EPFO కార్యాలయాన్ని సంప్రదించవచ్చు.
ఇది కూడా చదవండి: విద్యార్థులకు అదిరిపోయే గుడ్న్యూస్.. ఈ నెలలో పాఠశాలలకు వరుస సెలవులు.. ఎప్పుడంటే..
Government Scheme: మీరు పెట్టిన పెట్టుబడిని డబుల్ చేసే స్కీమ్ గురించి మీకు తెలుసా?
మరిన్ని బిజినెస్ వార్తల కోసం ఇక్కడ క్లిక్ చేయండి