Lower Berth Tips: మీకు రైలులో లోయర్ బెర్త్ కావాలంటే ఈ సీక్రెట్‌ టిప్స్‌ ఫాలో అవ్వండి!

Irctc Lower Berth Tips

IRCTC Lower Berth Tips: సుదూర ప్రయాణాలకు భారతీయులకు రైల్వేనే మొదటి ఎంపిక. తక్కువ ఖర్చు, సౌకర్యవంతమైన ప్రయాణం, విస్తృతమైన కనెక్టివిటీ కారణంగా ప్రతిరోజూ లక్షలాది మంది రైళ్లను ఉపయోగిస్తారు. అయితే టిక్కెట్ దొరికినప్పటికీ, లోయర్ బెర్త్‌కు బదులుగా అప్పర్ బెర్త్ కేటాయించినప్పుడు చాలా మంది నిరాశ చెందుతారు.

రైలులో సీట్ల కేటాయింపు ఎలా జరుగుతుంది?

సీట్ల కేటాయింపు రైల్వే కంప్యూటర్ సాఫ్ట్‌వేర్ ద్వారా స్వయంచాలకంగా జరుగుతుంది. ఇందులో మానవ ప్రమేయం ఉండదు. ప్రయాణికుల సంఖ్య, కోటా, అందుబాటులో ఉన్న సీట్ల ఆధారంగా బెర్త్‌లను కేటాయిస్తారు. సాధారణంగా సీనియర్ సిటిజన్లకు, మహిళలకు లోయర్ బెర్త్‌లు కేటాయించడంలో ప్రాధాన్యత ఇస్తారు.

బుకింగ్ ఎంపిక ఆప్షన్‌ను ఉపయోగించండి

IRCTC వెబ్‌సైట్ లేదా యాప్‌లో టిక్కెట్ బుక్ చేసేటప్పుడు, ప్రయాణికులు వివరాలు నింపిన తర్వాత ‘రిజర్వేషన్ ఛాయిస్’ అనే విభాగం కనిపిస్తుంది. “కనీసం ఒక లోయర్ బెర్త్ రిజర్వ్ చేయబడితేనే బుక్ చేయండి” అనే ఆప్షన్‌ను ఎంచుకుంటే లోయర్ బెర్త్ అందుబాటులో ఉంటేనే టిక్కెట్ ఖరారు అవుతుంది.

వయోవృద్ధుల కోటా ఎందుకు ముఖ్యమైనది?

రైల్వేలు సీనియర్ సిటిజన్ల కోసం కొన్ని లోయర్ బెర్త్‌లను కేటాయిస్తాయి. అందువల్ల, సీనియర్ సిటిజన్లు జనరల్ కోటాకు బదులుగా సీనియర్ సిటిజన్/లోయర్ బెర్త్ కోటా కింద టిక్కెట్లు బుక్ చేసుకోవడం మంచిది. దీనివల్ల లోయర్ బెర్త్ లభించే అవకాశాలు పెరుగుతాయి.

మీకు అప్పర్ బెర్త్ లభిస్తే ఏం చేయగలరు?

టిక్కెట్ కన్ఫర్మ్‌ అయితన తర్వాత కూడా మీకు పై బెర్త్ లభించకపోతే ఆందోళన చెందాల్సిన అవసరం లేదు. మీరు సీనియర్ సిటిజన్లు, గర్భిణీ స్త్రీలు లేదా దివ్యాంగులతో ప్రయాణిస్తుంటే మీరు రైలులోని DTEని సంప్రదించి సహాయం కోరవచ్చు. ఒకవేళ కింద బెర్త్ ఖాళీగా ఉన్నా లేదా ప్రయాణికులు మారాలనుకున్నా, DTE అవసరమైన సహాయాన్ని అందించగలరు.

ఇది కూడా చదవండి: Indian Railways: రైలు వెనుక ఈ గుర్తు లేకపోతే ఎంత ప్రమాదమో తెలుసా..? ఇందులో ఇంత అర్థం ఉందా?

ఇది కూడా చదవండి: PM Kisan: పీఎం కిసాన్‌ 23వ విడత ఎప్పుడు వస్తుంది? ప్రభుత్వం తేదీని ప్రకటించిందా?

మరిన్ని బిజినెస్ వార్తల కోసం ఇక్కడ క్లిక్ చేయండి