Indian Railways: రైలులో ప్రయాణించే ముందు ఈ పొరపాటు అస్సలు చేయకండి.. లేకపోతే మీరు జైలుపాలే..!

Indian Railways

Train Travel Rules: చాలా మంది సుదూర ప్రయాణాలకు రైలులో ప్రయాణించడానికి ఇష్టపడతారు. విమానాలతో పోలిస్తే రైలు టిక్కెట్లు అంత ఖరీదైనవి కావు. పైగా బస్సుతో పోలిస్తే రైలు ప్రయాణం చాలా సౌకర్యవంతంగా ఉంటుంది. కిటికీలోంచి బయట దృశ్యాలను చూస్తుంటేనే కాలం ఇట్టే గడిచిపోతుంది. ప్రజలు రైలులో ప్రయాణించడానికి ఇష్టపడినప్పటికీ, చాలా మంది రైలు ప్రయాణాలలో పొరపాట్లు చేస్తారు. దానికి వారు భారీ జరిమానా చెల్లించాల్సి వస్తుంది. రైళ్లలో వస్తువులను తీసుకువెళ్లడానికి సంబంధించి అనేక నియమాలు ఉన్నాయి. వాటి గురించి చాలా మందికి తెలియదు.

ప్రయాణికులు తీసుకువెళ్లే వస్తువులు లేదా సామానుకు సంబంధించి భారతీయ రైల్వేలో అనేక నియమాలు ఉన్నాయి. వీటిని ఉల్లంఘిస్తే తీవ్రమైన శిక్ష లేదా జరిమానాలు చెల్లించాల్సి ఉంటుంది.

రైలులో ఏ వస్తువులను తీసుకెళ్లలేము?

రైలులో తీసుకువెళ్లడానికి నిషేధించిన మొదటి వస్తువులు పెట్రోల్-డీజిల్, కిరోసిన్, గ్యాస్ సిలిండర్లు, స్టవ్‌లు, బాణసంచా లేదా ఏ విధమైన మండే పదార్థాలు. చాలా మంది రైలులో క్యాంపింగ్ సిలిండర్లు లేదా ఇంధన డబ్బాలను తీసుకువెళ్తారు. కానీ ఇవి పూర్తిగా నిషిద్ధం. పారిశ్రామిక రసాయనాలు, శుభ్రపరిచే ఆమ్లాలు, పురుగుమందులు కూడా రైలులో అనుమతించరు. ఈ వస్తువులలో దేనినైనా తీసుకువెళుతూ ప్రయాణికుడు పట్టుబడితే, అతను జైలుకు కూడా వెళ్ళవచ్చు.

చెల్లుబాటు అయ్యే పత్రం లేకుండా తుపాకులు లేదా కత్తులు వంటి ఆయుధాలను రైళ్లలో తీసుకువెళ్లడం కుదరదు. మీకు లైసెన్స్ ఉన్నప్పటికీ అటువంటి ఆయుధాలను తీసుకువెళ్లడానికి సంబంధించి కఠినమైన నియమాలు ఉన్నాయి.

అంతేకాకుండా రైళ్లలో మత్తుపదార్థాలు, వన్యప్రాణులు, అక్రమంగా రవాణా చేసే వస్తువులను తీసుకువెళ్లడం నిషిద్ధం. ఈ సందర్భాలలో పట్టుబడితే మీకు జరిమానా విధించవచ్చు. అలాగే జైలు శిక్ష కూడా విధించవచ్చు. ప్రయాణికులు తరచుగా పెద్ద సంచులు లేదా గోనె సంచులతో రైళ్లు ఎక్కుతారు. రైల్వే నిబంధనల ప్రకారం, రాకపోకలకు అడ్డంకి కలిగించేంత పరిమాణంలో ఉన్న ఏ వస్తువునూ రైలులో తీసుకువెళ్లకూడదు.

ఇది కూడా చదవండి: Home Loan: మీకు రూ.50 లక్షల ఎస్‌బీఐ హోమ్‌ లోన్‌ పొందడానికి ఎంత జీతం ఉండాలి? EMI ఎంత ఉంటుంది?

మరిన్ని బిజినెస్ వార్తల కోసం ఇక్కడ క్లిక్ చేయండి