Indian Railways: మీరు రైల్వే కౌంటర్ల వద్ద టికెట్‌ తీసుకుంటున్నారా..? మీకో అదిరిపోయే గుడ్‌న్యూస్‌..!

Indian Railways

Indian Railways: దేశంలోని రైలు ప్రయాణికులందరికీ బీమా కవరేజీని విస్తరించాలని సుప్రీంకోర్టు ఒక చారిత్రాత్మక ఉత్తర్వు జారీ చేసింది. ఆన్‌లైన్‌లో కొనుగోలు చేసిన టిక్కెట్ల మాదిరిగానే, రైల్వే రిజర్వేషన్ కౌంటర్ల వద్ద నేరుగా కొనుగోలు చేసే అన్ని ఆఫ్‌లైన్ టిక్కెట్లకు కూడా బీమాను తప్పనిసరి చేసింది. అక్టోబర్ 27 నుంచి దీనిని తప్పనిసరి చేయాలని కోర్టు రైల్వేలను ఆదేశించింది.

సాధారణంగా కౌంటర్ల వద్ద టిక్కెట్లు కొనుగోలు చేసే ప్రయాణికులకు బీమా సౌకర్యం కల్పించడానికి తగినంత సమయం ఇచ్చినప్పటికీ, ఎటువంటి పురోగతి జరగకపోవడం పట్ల సుప్రీంకోర్టు తీవ్ర అసంతృప్తిని వ్యక్తం చేసింది. ఈ ఉత్తర్వును రాబోయే రెండు వారాల్లోగా అంటే 2026 అక్టోబర్ 27 నుంచి తప్పనిసరిగా అమలు చేయాలని ధర్మాసనం రైల్వే బోర్డును ఆదేశించింది. అలా చేయడంలో విఫలమైతే, ప్రత్యక్ష బాధ్యత రైల్వే బోర్డుపైనే ఉంటుందని కూడా హెచ్చరించింది.

ఇది కూడా చదవండి: DMart Bill: వారంలో ఈ రోజు డీమార్ట్‌కు వెళితే బిల్లు సగానికి తగ్గుతుందా..? ఎవ్వరికి తెలియని ట్రిక్స్‌ ఇవే!

రైల్వే భద్రతా చర్యలపై ఆందోళనలు:

కవచ్ టెక్నాలజీ విస్తరణ, రైల్వే ట్రాక్‌ల చుట్టూ కంచె నిర్మాణం, ఫుట్ ఓవర్‌బ్రిడ్జ్‌ల నిర్మాణం వంటి కీలక భద్రతా చర్యల పురోగతిపై కూడా కోర్టు తీవ్ర అసంతృప్తిని వ్యక్తం చేసింది. బడ్జెట్‌లో నిధులు అందుబాటులో ఉన్నప్పటికీ ప్రాథమిక భద్రతా అవసరాలను తీర్చడంలో జరుగుతున్న జాప్యాన్ని కోర్టు తీవ్రంగా పరిగణించింది.

ఒడిశా రైలు ప్రమాద ఘటన అనంతరం సుప్రీంకోర్టులో పిటిషన్ దాఖలు:

2023 జూన్‌లో ఒడిశాలో జరిగిన రైలు ప్రమాదం అనంతరం సుప్రీంకోర్టులో ఒక పిటిషన్ దాఖలైంది. కవచ్ భద్రతా వ్యవస్థను ఏర్పాటు చేయకపోవడం వల్లే ఈ విషాదం చోటుచేసుకుంది. ఈ ఘటనపై విచారణ జరపాలని, వీలైనంత త్వరగా అన్ని రైళ్లలో కవచ్ వ్యవస్థను ఏర్పాటు చేసేలా ఆదేశించాలని ఆ పిటిషన్‌లో కోరారు. జస్టిస్‌లు అహ్సనుద్దీన్ అమానుల్లా, ఆర్. మహాదేవన్‌లతో కూడిన సుప్రీం కోర్టు ధర్మాసనం, రైల్వే ఫుట్‌బ్రిడ్జ్‌లు, ట్రాక్ ఫెన్సింగ్, కౌంటర్ టిక్కెట్ల భీమా వంటి ప్రయాణీకుల భద్రతా వ్యవస్థల అంశాన్ని విచారణకు స్వీకరించి, కవచ్ వ్యవస్థపై మాత్రమే కాకుండా రైల్వే ఫుట్‌బ్రిడ్జ్‌లు, ట్రాక్ ఫెన్సింగ్ మొదలైన అంశాలపై కూడా నివేదిక సమర్పించాలని రైల్వే విభాగాన్ని ఆదేశించింది.

అయితే, ఈ విషయాలకు సంబంధించి రైల్వే శాఖ నుంచి ఎలాంటి సమాచారం అందకపోవడంపై సుప్రీంకోర్టు ధర్మాసనం ఆగ్రహం వ్యక్తం చేసింది. రైల్వే కేవలం హామీలు మాత్రమే ఇస్తోంది కానీ వాటిని అమలు చేయడం లేదు. ఈ విషయాన్ని తీవ్రంగా పరిగణించాల్సి ఉంటుందని కోర్టు హెచ్చరించింది. ప్రభుత్వం తరఫున హాజరైన అదనపు సొలిసిటర్ జనరల్ విక్రమ్‌జీత్ బెనర్జీ, చేపట్టిన పనుల గురించి, లక్ష్య సాధనలో జాప్యానికి గల కారణాల గురించి వివరించడానికి రైల్వేకు మరో అవకాశం ఇవ్వాలని కోర్టును కోరారు. దీనికి కోర్టు అంగీకరించింది.

ఇది కూడా చదవండి: PNG Hydrogen Blending: గ్యాస్ బిల్లు పెరగనుందా? పీఎన్‌జీలో హైడ్రోజన్.. కేంద్రం కొత్త ప్రతిపాదన ఏంటి?

మరిన్ని బిజినెస్ వార్తల కోసం ఇక్కడ క్లిక్ చేయండి