OTP Scam: పెరుగుతున్న ఓటీపీ స్కామ్‌లు.. ఈ రక్షణ చర్యలు పాటిస్తే మీ సొమ్ము సేఫ్‌…!
పెరిగిన టెక్నాలజీ బ్యాంకింగ్ భద్రతను గాల్లో పెట్టింది. ఏదైతే టెక్నాలజీ పెరిగి లావాదేవీలు సులభమయ్యాయో? అదే టెక్నాలజీ వల్లే మన ఖాతాలోని సొమ్ము మన ప్రమేయం లేకుండానే మాయం అవుతుంది. గతంలో బందిపోట్లు మన సొమ్మును దోచుకున్నట్లు ప్రస్తుతం ఆన్లైన్ ఉపయోగించి మన సొమ్మును తస్కరిస్తుననారు. ప్రత్యేకంగా వన్-టైమ్ పాస్‌వర్డ్ (ఓటీపీ) బైపాస్ స్కామ్‌లు ఫ్రీక్వెన్సీ పెరుగుతున్నాయి. కాబట్టి ఈ స్కామ్‌ల బారిన పడకుండా మనల్ని మనం ఎలా రక్షించుకోవాలో అర్థం చేసుకోవడం చాలా ముఖ్యం.
ప్రస్తుత రోజుల్లో డిజిటల్ లావాదేవీలు, ఆన్లైన్ బ్యాంకింగ్ లావాదేవీలు పెరిగాయి. ముఖ్యంగా పెరిగిన టెక్నాలజీ బ్యాంకింగ్ రంగంలో కీలక మార్పులు వచ్చాయి. ఖాతాదారుడు ఎక్కడికి వెళ్లాల్సిన అవసరం లేకుండా ఇంటి నుంచే లావాదేవీలు నిర్వహించే స్థాయికు వచ్చాము. పెరిగిన టెక్నాలజీ బ్యాంకింగ్ భద్రతను గాల్లో పెట్టింది. ఏదైతే టెక్నాలజీ పెరిగి లావాదేవీలు సులభమయ్యాయో? అదే టెక్నాలజీ వల్లే మన ఖాతాలోని సొమ్ము మన ప్రమేయం లేకుండానే మాయం అవుతుంది. గతంలో బందిపోట్లు మన సొమ్మును దోచుకున్నట్లు ప్రస్తుతం ఆన్లైన్ ఉపయోగించి మన సొమ్మును తస్కరిస్తుననారు. ప్రత్యేకంగా వన్-టైమ్ పాస్‌వర్డ్ (ఓటీపీ) బైపాస్ స్కామ్‌లు ఫ్రీక్వెన్సీ పెరుగుతున్నాయి. కాబట్టి ఈ స్కామ్‌ల బారిన పడకుండా మనల్ని మనం ఎలా రక్షించుకోవాలో అర్థం చేసుకోవడం చాలా ముఖ్యం. ఓటీపీ స్కామ్‌ల బారిన పడకుండా ఎలాంటి జాగ్రత్తలు తీసుకోవాలో? ఓసారి తెలుసుకుందాం.
- బ్యాంకింగ్ వినియోగదారులు, ఎస్‌ఎంఎస్‌, ఈ-మెయిల్స్‌ విషయంలో జాగ్రత్తగా ఉండాలి. మీరు ఆయా లింక్‌లపై క్లిక్ చేయడం లేదా తెలియని సర్వర్‌ల నుంచి జోడింపులను డౌన్‌లోడ్ చేయడం మానుకోవాలి. వ్యక్తిగత సమాచారం లేదా ఓటీపీల కోసం ఎస్‌ఎంఎస్‌ లేదా ఈ-మెయిల్ అభ్యర్థనలపై జాగ్రత్తగా వ్యవహరించాలి.
- వినియోగదారులు మెరుగైన భద్రతా ఫీచర్‌ల నుంచి ప్రయోజనం పొందేందుకు వారి బ్యాంకింగ్ యాప్‌ల తాజా వెర్షన్‌లను అప్డేట్ చేసుకోవాలి. యాప్ డౌన్‌లోడ్‌లను అధికారిక యాప్ స్టోర్‌లకు మాత్రమే పరిమితం చేయాలి. తాజా భద్రతా ప్యాచ్‌లను నిర్ధారించడానికి దాని ఆపరేటింగ్ సిస్టమ్, అప్లికేషన్‌లను తరచుగా అప్డేట్ చేయడం ద్వారా మీ స్మార్ట్‌ఫోన్‌ను రక్షించుకోవడం కూడా మంచిది. హానికరమైన సాఫ్ట్‌వేర్‌ను ఇన్‌స్టాల్ చేసే ప్రమాదాన్ని తగ్గించడానికి విశ్వసనీయ మొబైల్ సెక్యూరిటీ యాప్‌లను ఇన్‌స్టాల్ చేయాలి. అంతేకాకుండా అధికారిక యాప్ స్టోర్‌ల నుంచి మాత్రమే అప్లికేషన్‌లను డౌన్‌లోడ్ చేసుకోవాలి.
- తాజా సైబర్‌ సెక్యూరిటీ బెదిరింపులు అలాగే స్కామ్‌ల గురించి ఎప్పటికప్పుడు తెలుసుకోవాలి. వారి అధికారిక వెబ్‌సైట్‌లో బ్యాంక్ తాజా భద్రతా మార్గదర్శకాలు, అప్‌డేట్‌ల గురించి తెలుసుకోవాలి.
- అయాచిత కాల్స్‌పై ఎల్లప్పుడూ జాగ్రత్తగా ఉండటం మంచిది. ఎవరైనా మీ బ్యాంక్ నుంచి వచ్చినట్లు చెప్పినప్పుడు జాగ్రత్తగా ఉండండి. వ్యక్తిగత సమాచారం, ఖాతా వివరాలు లేదా ఓటీపీలను ఫోన్‌లో ఎప్పుడూ షేర్ చేయకూడదు. కాల్‌కు సంబంధించిన చట్టబద్ధతను ధ్రువీకరించడం కూడా ముఖ్యం. మీకు మీ బ్యాంక్ నుంచి కాల్ వస్తే కాల్‌కు సంబంధించిన ప్రామాణికతను నిర్ధారించడానికి అధికారిక కస్టమర్ సర్వీస్ నంబర్‌ను కాల్ చేసి మరిన్ని వివరాలు తెలుసుకోవాలి.
- సురక్షితమైన వైఫై నెట్‌వర్క్‌లను ఉపయోగించడం మంచిది. పబ్లిక్ వైఫై నెట్‌వర్క్‌లలో ఆర్థిక లావాదేవీలను నిర్వహించకుండా ఉండటానికి ప్రయత్నించాలి. ముఖ్యంగా మీ బ్యాంక్ ఖాతాలను నిర్వహించేటప్పుడు విశ్వసనీయ, ఎన్‌క్రిప్టెడ్ నెట్‌వర్క్‌ని ఉపయోగించడం మంచిది.
మరిన్ని బిజినెస్ వార్తల కోసం ఇక్కడ క్లిక్ చేయండి