SBI Chocolate Pack: ‘ఎస్బీఐ చాక్లెట్ ప్యాక్’ విధానం గురించి తెలుసా? రుణ గ్రహీతలకు ఇంటికొచ్చి మరీ చాక్లెట్ ఇస్తారు.. పూర్తి వివరాలు ఇవి..
లోన్లను ఈఎంఐ రూపంలో చెల్లించే వెసులుబాటు వలన వినియోగదారులపై భారం పడదు. అయితే ఈ ఈఎంఐ చెల్లింపులు కొంతమంది సక్రమంగా చెల్లించడం లేదు. దీంతో డిఫాల్ట్ అవుతున్నాయి. దీంతో రుణాలిచ్చిన బ్యాంకర్లు నష్టపోతున్నారు. ఈ నేపథ్యంలో దేశంలోని అతి పెద్ద రుణదాత స్టేట్ బ్యాంక్ ఆఫ్ ఇండియా సరికొత్త విధానాన్ని తీసుకొచ్చింది. అదే ఎస్బీఐ చాకోలెట్ ప్యాక్ విధానం. దీని గురించిన పూర్తి వివరాలు తెలుసుకుందాం..
అత్యవసర సమయాల్లో ఆర్థికంగా మనకు అండగా ఉండేవి రుణాలు. అనారోగ్య పరిస్థితుల్లో ఈ లోన్లు ఉపయోగపడతాయి. అదేవిధంగా సొంతిల్లు కొనుగోలు చేయాలన్నా.. లేదా నిర్మించుకోవాలనుకొన్నా హోమ్ లోన్లు అవసరం అవుతాయి. అలాగే కారు లేదా బైక్ కొనుగోలు చేయడానికి వెహికల్ లోన్.. ఏదైనా అత్యవసర వేళ పర్సనల్ లోన్లు ఉపయుక్తంగా ఉంటాయి. వీటిని ఈఎంఐ రూపంలో చెల్లించే వెసులుబాటు వలన వినియోగదారులపై భారం పడదు. అయితే ఈ ఈఎంఐ ల చెల్లింపులు కొంతమంది సక్రమంగా చెల్లించడం లేదు. దీంతో డిఫాల్ట్ అవుతున్నాయి. దీంతో రుణాలిచ్చిన బ్యాంకర్లు నష్టపోతున్నారు. ఈ నేపథ్యంలో దేశంలోని అతి పెద్ద రుణదాత స్టేట్ బ్యాంక్ ఆఫ్ ఇండియా సరికొత్త విధానాన్ని తీసుకొచ్చింది. అదే ఎస్బీఐ చాకోలెట్ ప్యాక్ విధానం. ఈ విధానంలో సిబ్బంది ఈఎంఐ చెల్లించని వారి ఇంటికి సమాచారం లేకుండా వెళ్లి వారికి చాకోలెట్ ప్యాక్ ఇచ్చి ఈఎంఐ చెల్లించాలని కోరుతారు. దీనికి సంబంధించిన పూర్తి వివరాలు ఇప్పుడు చూద్దాం..
ఇదీ చాక్లెట్ ప్యాక్ విధానం..
ఎస్బీఐ నుంచి రుణాలు తీసుకున్న వినియోగదారుల్లో నెలవారీ వాయిదాలలో డిఫాల్ట్ అయ్యే అవకాశం ఉన్న వారికి చాక్లెట్ల ప్యాక్‌తో శుభాకాంక్షలు తెలిపి, సకాలంలో తిరిగి చెల్లింపులు జరిగేలా కొత్త మార్గాన్ని తీసుకొచ్చింది. బ్యాంక్ చెబుతున్న దాని ప్రకారం డిఫాల్ట్ చేయడానికి ప్లాన్ చేస్తున్న రుణగ్రహీత బ్యాంక్ నుంచి రిమైండర్ కాల్‌కు సమాధానం ఇవ్వరని గుర్తించింది. కాబట్టి చెప్పకుండా వారి ఇళ్లలో వారిని కలవడమే ఉత్తమ మార్గంగా ఎంచుకుంది. దీని ద్వారా మెరుగైన వసూళ్లను సాధించవచ్చని బ్యాంకు భావిస్తోంది.
భారీగా పెరుగుతున్న రుణాలు..
ఎస్బీఐ రిటైల్ లోన్ బుక్ జూన్ 2023 త్రైమాసికంలో రూ. 10,34,111 కోట్ల నుంచి రూ. 16.46 శాతం పెరిగి రూ. 12,04,279 కోట్లకు చేరుకుంది. ఇది బ్యాంకు అతి పెద్ద ఆస్తి తరగతిగా మారి మొత్తం వృద్ధిలో 13.9 శాతం పెరుగుదల నమోదై రూ. 33, 03,731 కోట్లకు చేరుకుంది. నిజానికి మొత్తం వ్యవస్థకు, దాదాపు 16 శాతం రెండంకెల రుణ వృద్ధి కేవలం రిటైల్ రుణాల ద్వారానే జరిగింది.
పైలెట్ ప్రాజెక్టుగా..
ఈ సందర్భంగా ఎస్బీఐ కాంప్లయెన్స్ అండ్ స్ట్రెస్సెడ్ అసెట్స్ రిస్క్ మేనేజింగ్ డైరెక్టర్ ఇన్‌ఛార్జ్ అశ్విని కుమార్ తివారీ మాట్లాడుతూ కృత్రిమ మేధస్సును ఉపయోగించే రెండు ఫిన్‌టెక్‌లతో, తాము తమ రిటైల్ రుణగ్రహీతలకు వారి రీపేమెంట్ బాధ్యతలను గుర్తుచేసే ఒక వినూత్న మార్గాన్ని పైలెట్ ప్రాజెక్టుగా నిర్వహిస్తున్నామన్నారు. ఒకరు రుణగ్రహీతలతో రాజీపడుతుండగా, మరొకరు రుణగ్రహీత డిఫాల్ట్‌గా మారే ప్రవృత్తిపై మనల్ని హెచ్చరిస్తున్నారు. డిఫాల్ట్ అయ్యే అవకాశం ఉన్న అటువంటి రుణగ్రహీతలను, ఈ ఫిన్‌టెక్ నుంచి ప్రతినిధులు వారిని సందర్శిస్తారు, ప్రతి ఒక్కరికీ చాక్లెట్ల ప్యాక్ తీసుకుని, రాబోయే ఈఎంఐల గురించి వారికి గుర్తుచేస్తారని చెప్పారు.
విజయవంతంగా పైలెట్ ప్రాజెక్టు..
పైలెట్ ప్రాజెక్టుగా నిర్వహిస్తున్న ఈ విధానం విజయవంతంగా కొనసాగుతుందన్నారు. చాక్లెట్ల ప్యాక్‌ని తీసుకువెళ్లడం, రుణగ్రహీతలను వ్యక్తిగతంగా సందర్శించడం అనే ఈ వినూత్న పద్ధతిని అవలంభించడం మంచి ఫలితాలను అందిస్తోందన్నారు. ఎందుకంటే డిఫాల్ట్‌గా ప్లాన్ చేస్తున్న రుణగ్రహీత బ్యాంక్ నుంచి రిమైండర్ కాల్‌కు సమాధానం ఇవ్వరని.. అందువల్ల వారిని అనుకోకుండా వారి సొంత ఇళ్లలో కలుసుకుని ఆశ్చర్యపరచడం ఉత్తమ మార్గంగా కనిపిస్తోంది. ఇప్పటి వరకు దీని సక్సెస్ రేట్ అనూహ్యంగా ఉందన్నారు.
ఈ పైలెట్ ప్రాజెక్టును 15 రోజుల క్రితమే అమలులోకి తెచ్చారు. పూర్తి స్థాయిలో పరీక్షించిన తర్వాత అధికారికంగా ప్రకటిస్తామని తివారీ చెప్పారు. తాము తమ సేకరణ సామర్థ్యాలను మెరుగుపరచడానికి కొన్ని ఇతర ఫిన్‌టెక్‌లతో కూడా మాట్లాడుతున్నామని.. ఈ సంవత్సరం చివరినాటికి, తాము కనీసం సగం మందితో అధికారికంగా టైఅప్ చేస్తామని చెప్పారు. అలాగే నాలుగైదు నెలలు ఈ పైలెట్ ప్రాజెక్టును ఇలాగే కొనసాగిస్తామని ప్రకటించారు. ఎస్బీఐ రిటైల్ పుస్తకంలో రూ. 12 లక్షల కోట్లకు పైగా వ్యక్తిగత, ఆటో, గృహ, విద్యా రుణాలు ఉన్నాయి. జూన్ నాటికి రూ. 6.3 లక్షల కోట్లకు పైగా హోమ్ లోన్లతో ఎస్బీఐ అతిపెద్ద రుణదాతగా అవతరించింది.
మరిన్ని బిజినెస్ వార్తల కోసం ఇక్కడ క్లిక్ చేయండి..