Credit Card UPI: క్రెడిట్ కార్డు యూజర్లకు ఆ బ్యాంక్ గుడ్ న్యూస్… క్రెడిట్ కార్డు ద్వారా యూపీఐ చెల్లింపులకు సిద్ధమని ప్రకటన
క్రెడిట్ కార్డు యూజర్లు మాత్రం కార్డు ద్వారా చెల్లింపులు చేద్దామంటే కొంతమంది వ్యాపారుల వద్ద స్వైపింగ్ మెషీన్లు లేకపోవడంతో ఇబ్బంది ఎదురవుతుంది. అయితే తాజాగా ఎన్పీసీఐ రూపే క్రెడిట్ కార్డు ద్వారా యూపీఐ చెల్లింపులకు అనుమతిని ఇవ్వడంతో కొన్ని బ్యాంకులు తమ ఖాతాదారులకు ఈ సదుపాయాన్ని ఇచ్చాయి.తాజాగా ప్రభుత్వ రంగ బ్యాంకు అయిన కెనరా బ్యాంకు రూపే క్రెడిట్ కార్డు ద్వారా యూపీఐ చెల్లింపులను ప్రారంభిస్తున్నట్లు పేర్కొంది.
పెరుగుతున్న టెక్నాలజీ నేపథ్యంలో బ్యాంకింగ్ రంగంలో విపరీతమైన మార్పులు వచ్చాయి. ముఖ్యంగా ప్రజలు ఇటీవల కాలంలో డిజిటల్ లావాదేవీలకు అలవాటు పడుతున్నారు. అయితే క్రెడిట్ కార్డు యూజర్లు మాత్రం కార్డు ద్వారా చెల్లింపులు చేద్దామంటే కొంతమంది వ్యాపారుల వద్ద స్వైపింగ్ మెషీన్లు లేకపోవడంతో ఇబ్బంది ఎదురవుతుంది. అయితే తాజాగా ఎన్పీసీఐ రూపే క్రెడిట్ కార్డు ద్వారా యూపీఐ చెల్లింపులకు అనుమతిని ఇవ్వడంతో కొన్ని బ్యాంకులు తమ ఖాతాదారులకు ఈ సదుపాయాన్ని ఇచ్చాయి.తాజాగా ప్రభుత్వ రంగ బ్యాంకు అయిన కెనరా బ్యాంకు రూపే క్రెడిట్ కార్డు ద్వారా యూపీఐ చెల్లింపులను ప్రారంభిస్తున్నట్లు పేర్కొంది. కెనరా ఏఎల్ 1 బ్యాంకింగ్ సూపర్ యాప్లో ఈ సదుపాయం అందుబాటులోకి వచ్చినట్లు బ్యాంక్ ఒక ప్రకటనలో తెలిపింది. ఈ సదుపాయం గురించి మరిన్ని వివరాలను ఓ సారి తెలుసుకుందాం.
కెనరా బ్యాంక్ రూపే క్రెడిట్ కార్డ్ ద్వారా వ్యాపారులకు యూపీఐ చెల్లింపుల సౌకర్యాన్ని పరిచయం చేసింది. ఎన్పిసిఐతో కలిసి ఈ సదుపాయాన్ని ప్రవేశపెట్టిన మొదటి పబ్లిక్ సెక్టార్ బ్యాంక్ కెనరా బ్యాంక్ అవతరించింది. ఈ కొత్త సదుపాయంతో, బ్యాంక్ కస్టమర్లు ఇప్పుడు వారి రూపే క్రెడిట్ కార్డ్ల నుంచి వ్యాపారులకు యూపీఐ చెల్లింపులు చేయగలుగుతారు. వారు తమ కెనరా బ్యాంక్ రూపే క్రెడిట్ కార్డ్లను వారి యూపీఐ ఐడీలకు కూడా లింక్ చేయవచ్చు. ఈ సదుపాయం డిజిటల్ చెల్లింపు పద్ధతిని అత్యంత సులభంగా చేయడానికి వీలు కల్పిస్తుందని బ్యాంక్ ప్రతినిధులు చెబుతున్నారు.
అలాగే యూపీఐతో క్రెడిట్ కార్డ్ను లింక్ చేసే విధానం ఇప్పటికే ఉన్న ఖాతా లింకింగ్ విధానాన్ని పోలి ఉంటుంది. లింక్ చేయడానికి ఖాతా లిస్టింగ్ సమయంలో కస్టమర్లు కెనరా క్రెడిట్ కార్డ్ని ఎంచుకోవచ్చు. రూపే క్రెడిట్ కార్డ్ని ఉపయోగించి యూపీఐ చెల్లింపులకు, యూపీఐ లావాదేవీలకు వర్తించే లావాదేవీ పరిమితులు కొనసాగుతాయని బ్యాంకు ప్రతినిధులు చెబుతున్నారు. చెప్పారు. ఈ సదుపాయం డిజిటల్ చెల్లింపులను మరింత మెరుగుపరుస్తుందని, యూపీఐ పర్యావరణ వ్యవస్థను విస్తరిస్తుందని బ్యాంక్ పేర్కొంది. యూపీఐలో రూపే క్రెడిట్ కార్డ్ యొక్క ఏకీకరణ యూపీఐ సౌలభ్యాన్ని రూపే క్రెడిట్ కార్డ్ ప్రయోజనాలతో సజావుగా మిళితం చేయడం ద్వారా విశేషమైన వినియోగదారు అనుభవాన్ని అందజేస్తుందని అన్నారు. ముఖ్యంగా, కెనరా బ్యాంక్ ఈ సదుపాయాన్ని ఉపయోగించి ప్రస్తుతం వ్యాపారి చెల్లింపులు మాత్రమే అనుమతిస్తారు. రూపే క్రెడిట్ కార్డ్ల నుంచి యూపీఐ చెల్లింపులకు వ్యక్తి నుంచి వ్యక్తికి, కార్డ్ నుంచి కార్డ్ లేదా క్యాష్-అవుట్ లావాదేవీలు అనుమతిస్తారు.
మరిన్ని బిజినెస్ వార్తల కోసం ఇక్కడ క్లిక్ చేయండి..