Gold: దమ్ముంటే పట్టుకోండి.. రూ.1 లక్ష వైపు రాకెట్ వేగంతో ‘కనక’మహాలక్ష్మి
రోజుకింత పెరిగిపోతున్న బంగారం ధరలు చూసి సామాన్యుడు దిగాలుపడుతున్నాడు. ఇంతకీ కనకమహాలక్ష్మి పరుగులకు కారణమేంటి? ఎవరు తరుముతున్నారు బంగారాన్ని? అమెరికాలో ట్రంప్ వచ్చాక.. పసిడి పరుగులుపెడుతోందంటున్నారు. నిజమే..! ట్రంప్ నిర్ణయాలతో, ట్రంప్ తీసుకుంటున్న చర్యలతో ఎల్లోమెటల్ కొనాలంటేనే బెంబేలెత్తుతున్నారు. ఇంతకీ.. ట్రంప్ ఏరకంగా గోల్డ్ రేట్లను ఎఫెక్ట్ చేస్తున్నారు.
కొంగు బంగారం అంటుంటారు సాధారణంగా.. కాసో, అరకాసో.. కొంగుకు కట్టుకుని వెళ్లి తాకట్టు పెట్టుకుని ఇంటి అవసరాలు తీర్చుకునేది ఇల్లాలు. చేతిలో డబ్బులు మళ్లీ గలగలమన్నప్పుడు తిరిగి కొనుక్కునేది. బంగారం అంటే భారతీయ మహిళలకు పిచ్చి, మోజు అనుకుంటారు కొందరు విదేశీయులు. కాదు.. మరొకరి ముందు చేయి చాచి అడగాల్సిన పనిలేకుండా.. ఇంట్లో ఉండే బంగారాన్నే కొంగుకు ముడేసి.. దర్జాగా డబ్బు తెచ్చుకుని, పరిస్థితులు సర్దుకోగానే తిరిగి విడిపించుకునేది. ఇదో ఆర్థిక సూత్రం. అదే కొంగు బంగారం. బిజినెస్ మేనేజ్మెంట్ కోర్సులు చేయకుండానే అతివలు నేర్చుకున్న జ్ఞానం. అంతేగానీ.. పిచ్చీ కాదు మోజూ కాదు. బంగారం అనేది భారతీయ అతివలకు ఓ భావోద్వేగ బంధం. మనదేశ సంస్కృతిలో ఓ చిహ్నం. బంగారం.. ఓ స్టేటస్ సింబల్ కూడా. కానీ ఇదంతా.. బంగారం ధర ఓ స్థాయిలో ఉన్నప్పుడు మాత్రమే. సామాన్యుడికి సైతం ధర అందుబాటులో ఉన్నప్పుడు.. బంగారంతో ఓ ఆటాడుకున్నాడు. కానీ ఇప్పుడు..! బంగారమే ఆటాడుకుంటోంది. ఒకవిధంగా పద్ధతులను, ఆచార వ్యవహారాలను కూడా మార్చే స్థాయికి ఎదిగిందీ పసిడి. పెళ్లిచూపుల్లో కట్నకానుకల గురించి మాట్లాడుకోవడం సహజం ఎక్కడైనా. ‘మాఇంట అడుగుపెట్టే ఆడపిల్లకి ఎన్ని కాసుల బంగారం పెడతారు’ అని అడుగుతారు అటువైపువాళ్లు. ‘పది కాసులో, ఇరవై కాసులో పెట్టి పంపిస్తాం వదిన’ అంటారు ఇటువైపు వాళ్లు. ఏ పెళ్లిచూపుల్లో అయినా బంగారం గురించి మాట్లాడకుండా మాట ముచ్చట ఉండదు. కాని, ఇప్పుడీ పద్దతి మారుతోంది. ఎన్ని...