నూతన సంవత్సర వేళ.. బిగ్ షాకిచ్చిన గిగ్ వర్కర్స్.. నిలిచిపోయిన ఆన్‌లైన్ డెలివరీలు..!

నూతన సంవత్సర వేడుకలకు ముందు గిగ్ వర్కర్స్ బిగ్ షాక్ ఇచ్చారు. స్విగ్గీ, జొమాటో, అమెజాన్, ఫ్లిప్‌కార్ట్‌ సహా డెలివరీ కార్మికులు నేడు (డిసెంబర్ 31) దేశవ్యాప్తంగా సమ్మె చేస్తున్నట్లు ప్రకటించారు. ఇది నూతన సంవత్సర పార్టీలకు ఫుడ్ ఆర్డర్ చేయడం నుండి ఆన్‌లైన్ డెలివరీ వరకు ప్రతిదానికీ సవాళ్లను ఎదుర్కోవచ్చు. గిగ్ కార్మికులు న్యాయమైన వేతనాలు, భద్రత సహా అనేక ఇతర డిమాండ్లను ప్రస్తావిస్తూ సమ్మెలోకి దిగారు.

ఆన్‌లైన్ డెలివరీ కార్మికులను గిగ్ వర్కర్లు అని పిలుస్తారన్న సంగతి తెలిసిందే..! ఈ క్రమంలోనే దేశవ్యాప్తంగా ఉన్న అన్ని యాప్ ఆధారిత ప్లాట్‌ఫామ్‌ డెలివరీలను బుధవారం (డిసెంబర్ ) మూసివేసి, కీలక ప్రదేశాలలో శాంతియుత నిరసనలు చేపడతామని ఇండియన్ ఫెడరేషన్ ఆఫ్ యాప్-బేస్డ్ ట్రాన్స్‌పోర్ట్ వర్కర్స్ (IFAT) జాతీయ ప్రధాన కార్యదర్శి షేక్ సలావుద్దీన్ అన్నారు. డిసెంబర్ 25న ఆన్‌లైన్ ప్లాట్‌ఫామ్ కంపెనీలను సమ్మెకు హెచ్చరించారని, కానీ గిగ్ కార్మికులతో ఎటువంటి చర్చలు జరగలేదు. భద్రత లేదా పని గంటలు కూడా నిర్దేశించలేదని ఆయన వివరించారు. అందువల్ల, డిసెంబర్ 31న మరో సమ్మె అవసరమైంది. ఈ డిమాండ్లన్నింటిపై ఆన్‌లైన్ ప్లాట్‌ఫామ్ కంపెనీలు మౌనంగా ఉన్నాయని ఆయన అన్నారు. గిగ్ కార్మికుల డిమాండ్లను పరిష్కరించడానికి ప్రభుత్వం వెంటనే జోక్యం చేసుకోవాలని ఆయన కోరారు.

ఇది కేవలం నిరసన మాత్రమే కాదని, గిగ్ కార్మికుల జీవనోపాధి, ప్రాథమిక హక్కుల కోసం పోరాటం అంటున్నారు ఆన్‌లైన్ డెలివరీ బాయ్స్. ఆర్డర్ల ఆధారంగా గిగ్ కార్మికుల వేతనాలు తగ్గించారు. ఇంకా, దూరం, సమయం ఆధారంగా పరిహారం కూడా తగ్గించారు. దీనివల్ల కార్మికులు ప్రోత్సాహకాలు పొందడం కష్టతరం అయింది. దీన్ని ఏకపక్షంగా మార్చారని కార్మికులు ఆవేదన వ్యక్తం చేస్తున్నారు. ఫలితంగా, గిగ్ కార్మికులు మునుపటి కంటే తక్కువ సంపాదిస్తున్నారు. ఆర్డర్లను నెరవేర్చడానికి ఎక్కువ పని చేయాల్సి వస్తోందని గోడు వెళ్లబోసుకుంటున్నారు.

“గిగ్ కార్మికులు దోపిడీకి గురవుతున్నారు” అని కార్మికులు ఆందోళన వ్యక్తం చేస్తున్నారు. ఆన్‌లైన్ అల్గోరిథంల ద్వారా గిగ్ కార్మికులను దోపిడీ చేస్తున్నారని తెలిపారు. 10 నిమిషాల డెలివరీ అంటే డెలివరీ చేయడానికి ఎక్కువ ఒత్తిడి. ఈ పరిస్థితిలో, అత్యధిక వేగంతో డ్రైవింగ్ చేయడం వల్ల ప్రమాదాలు, మానసిక ఒత్తిడి పెరుగుతుంది. గిగ్ కార్మికులు యంత్రాలు కావు, కానీ ఎక్కువ గంటలు ప్రోత్సాహకాలు వారిని 10 గంటల వరకు పని చేయమని బలవంతం చేస్తున్నాయంటున్నారు గిగ్ వర్కర్స్.

మరిన్ని బిజినెస్ వార్తల కోసం ఇక్కడ క్లిక్ చేయండి..