House Loan EMI: గృహ రుణాన్ని ముందుగానే క్లోజ్ చేస్తున్నారా? చార్జీల పిడుగు నుంచి తప్పంచుకోవాలంటే ఈ టిప్స్‌ పాటించాల్సిందే..!
పెరిగిన ఖర్చుల కారణంగా నెలనెలా ఈఎంఐ కట్టడం కొంతమందికి పెనుసవాలుగా మారుతుంది. ముఖ్యంగా పిల్లల చదువుల ఖర్చు నేపథ్యంలో చాలా గృహ రుణాలను ముందుగానే తీర్చేందుకు సిద్ధం అవుతారు. అయితే గృహరుణాన్ని ముందుగానే తీర్చాలనే నిర్ణయం మంచిదో? కాదో? అనే నిర్ణయం రుణగ్రస్తులు ఆలోచించుకోవాలి. ఎందుకంటే రుణం తీర్చాలని డిసైడ్‌ అయ్యాక ఆ సమయంలో చార్జీలు వసూలు చేస్తాయని చాలా మందికి తెలియదు.
సొంతిల్లు అనేది చాలా మంది ప్రజలకు ఓ కలగా ఉంటుంది. సొంతింటి కలను నిజం చేసుకునేందుకు చాలా మంది గృహ రుణాలను తీసుకుని ఇల్లు నిర్మించుకుంటూ ఉంటారు. ఇలా చేయడం వల్ల పన్ను ప్రయోజనాలతో పాటు కల నిజం అవుతుందని వారి వాదన. అయితే పెరిగిన ఖర్చుల కారణంగా నెలనెలా ఈఎంఐ కట్టడం కొంతమందికి పెనుసవాలుగా మారుతుంది. ముఖ్యంగా పిల్లల చదువుల ఖర్చు నేపథ్యంలో చాలా గృహ రుణాలను ముందుగానే తీర్చేందుకు సిద్ధం అవుతారు. అయితే గృహరుణాన్ని ముందుగానే తీర్చాలనే నిర్ణయం మంచిదో? కాదో? అనే నిర్ణయం రుణగ్రస్తులు ఆలోచించుకోవాలి. ఎందుకంటే రుణం తీర్చాలని డిసైడ్‌ అయ్యాక ఆ సమయంలో చార్జీలు వసూలు చేస్తాయని చాలా మందికి తెలియదు. అవును మీరు వింటున్నది నిజమే గృహ రుణాన్ని ముందుగానే చెల్లిస్తే రుణగ్రస్తులు సంబంధిత బ్యాంకులకు ప్రీ క్లోజర్ చార్జీలు చెల్లించాల్సి ఉంటుంది. కాబట్టి ఇంటి రుణాన్ని ముందుగానే చెల్లించాలని నిర్ణయం తీసుకుంటే ప్రీ క్లోజర్ చార్జీల గురించి తెలుసుకోవాలని నిపుణులు సూచిస్తున్నా కాబట్టి ఈ ప్రీ క్లోజర్ చార్జీల గురించి మరిన్ని విషయాలను ఓ సారి తెలుసుకుందాం.
లోన్ ప్రీ క్లోజర్ అంటే ఏంటి?
మీరు మీ లోన్‌ను ముందుగానే మూసివేయాలని నిర్ణయించుకున్నప్పుడు మీరు ‘లోన్ ప్రీ-క్లోజ్’ చేయవచ్చు. అంటే మీరు ముందుగానే మూసివేయవచ్చు. అయితే మీకు లోన్ ఇస్తున్నప్పుడు బ్యాంకు మీ కాలవ్యవధి ప్రకారం వడ్డీని లెక్కిస్తుంది. మీ లోన్‌ను ముందస్తుగా మూసివేయడం ద్వారా బ్యాంకు వడ్డీని కోల్పోతుంది. అందువల్ల దానిని భర్తీ చేయడానికి బ్యాంకులు మీకు లోన్ ప్రీ-క్లోజర్ ఛార్జీలను వసూలు చేస్తాయి.
ప్రీ క్లోజర్ చార్జీల లెక్కింపు ఇలా
సాధారణంగా లోన్ ప్రీ-క్లోజర్ ఛార్జీలు ఒక్కో బ్యాంకుకు భిన్నంగా ఉంటాయి. దీన్ని లెక్కించేందుకు, బ్యాంకుల సైట్లలో కాలిక్యులేటర్లు అందుబాటులో ఉన్నాయి. లోన్ ప్రీ-క్లోజర్ ఛార్జీలను లెక్కించడానికి బ్యాంకులు నిర్దిష్ట స్థిర నమూనాలను ఉపయోగిస్తాయి. మీ లోన్ ఎగ్జిట్ మొత్తం ఎంత? లోన్ కాలవ్యవధికి ఎంత సమయం మిగిలి ఉంది? మీరు లోన్‌పై ఎంత వడ్డీ చెల్లిస్తారు? దీని ఆధారంగా బ్యాంకులు 0.02 శాతం నుంచి 0.06 శాతం వరకు పెనాల్టీ ఛార్జీని విధిస్తాయి. అలాగే లోన్ ప్రీ-పేమెంట్‌కు సంబంధించిన పూర్తి సెటిల్‌మెంట్ మొత్తాన్ని మీకు తెలియజేస్తాయి.
ప్లీ క్లోజర్‌కు తెలుసుకోవాల్సిన విషయాలు
- మీరు లోన్ ప్రీ-క్లోజర్ నిర్ణయం తీసుకుంటే దానిలో కొన్ని ప్రయోజనాలు మరియు అప్రయోజనాలు ఉన్నాయని మీరు తప్పక తెలుసుకోవాలి.
- లోన్ ప్రీ-క్లోజర్ అతిపెద్ద ప్రయోజనం ఏమిటంటే దీర్ఘకాలంలో మీరు రుణ వడ్డీపై చెల్లించే మొత్తాన్ని ఆదా చేయడంలో ఇది సహాయపడుతుంది.
- లోన్ ప్రీ-క్లోజర్ మీ నెలవారీ ఈఎంఐని లెక్కించడం సులభం చేస్తుంది. మీరు కొత్త రుణం కోసం కూడా దరఖాస్తు చేసుకోవచ్చు.
- ఇది మీ క్రెడిట్ మిక్స్‌లో రుణాల సురక్షిత క్రెడిట్, క్రెడిట్ కార్డ్‌ల అసురక్షిత క్రెడిట్‌ను బ్యాలెన్స్ చేయడంలో సహాయపడుతుంది.
- లోన్ ప్రీ-క్లోజర్‌లో కొన్ని ప్రతికూలతలు కూడా ఉన్నాయి. దీని కోసం మీరు లోన్ ప్రీ-క్లోజర్ ఛార్జీలు చెల్లించాలి.
- లోన్ ప్రీ-క్లోజర్ మీ పొదుపుపై ప్రభావం చూపుతుంది. ఇది స్వల్ప, దీర్ఘకాలికంగా మీ నగదు ప్రవాహాన్ని ప్రభావితం చేస్తుంది.
మరిన్ని బిజినెస్ వార్తల కోసం ఇక్కడ క్లిక్ చేయండి