వారెవ్వా అదిరే బైక్.. ఎక్కువ మైలేజ్.. చాలా తక్కువ ధర.. సూపర్ స్టైల్‌తో పల్సర్ 125 నియాన్..

Bajaj Pulsar 125 Neon

నేటి కాలంలో బైక్ అనేది కేవలం అవసరం మాత్రమే కాదు.. యువతకు అదొక స్టైల్ స్టేట్‌మెంట్. ముఖ్యంగా పల్సర్ బ్రాండ్ అంటే భారతీయ కుర్రాళ్లలో ఉండే క్రేజ్ అంతా ఇంతా కాదు. అయితే పల్సర్ సిరీస్ బైక్‌లు కొనాలంటే భారీగా ఖర్చు చేయాలని చాలామంది భావిస్తారు. అలాంటి వారి కోసమే బజాజ్ పల్సర్ 125 నియాన్ సింగిల్ సీట్ మోడల్‌ను అందుబాటులోకి తెచ్చింది. తక్కువ బడ్జెట్, అదిరిపోయే మైలేజీతో ఈ బైక్ మార్కెట్లో హాట్ కేకులా అమ్ముడవుతోంది.

ధర – బడ్జెట్

పల్సర్ 125 నియాన్ యొక్క అతిపెద్ద ప్లస్ పాయింట్ దాని ధర. ఎక్స్-షోరూమ్ ధర: సుమారు రూ. 79,048 నుంచి ప్రారంభమవుతుంది. ఆన్-రోడ్ ధర మీ నగరాన్ని బట్టి సుమారు రూ. 85,633 నుంచి రూ. 92,414 మధ్య ఉంటుంది. లక్ష రూపాయల లోపు బడ్జెట్‌లో ప్రీమియం స్పోర్టీ లుక్ కావాలనుకునే వారికి ఇది బెస్ట్ ఆప్షన్.

ఇంజన్ సామర్థ్యం – పెర్ఫార్మెన్స్

ఈ బైక్‌లో బజాజ్ తన సిగ్నేచర్ టెక్నాలజీని ఉపయోగించింది. 124.4 cc ఎయిర్-కూల్డ్ DTS-i ఇంజన్, 11.8 PS పవర్, 10.8 Nm టార్క్‌ను అందిస్తుంది. గంటకు గరిష్టంగా 100 కిలోమీటర్ల వేగంతో ప్రయాణించగలదు. సిటీ ట్రాఫిక్‌లో సులభంగా దూసుకుపోవడానికి హైవేలపై స్మూత్ రైడింగ్ కోసం ఇది పర్ఫెక్ట్‌గా ఉంటుంది.

మైలేజీ: పెట్రోల్ ఖర్చుకు చెక్

సాధారణంగా స్పోర్ట్స్ లుక్ బైక్‌లు మైలేజీ తక్కువ ఇస్తాయనే భయం ఉంటుంది. కానీ ఈ పల్సర్ 125 లీటరుకు 50 నుండి 57 కిలోమీటర్ల మైలేజీని ఇస్తుంది. దీని 11.5 లీటర్ల ట్యాంక్‌ను ఒకసారి ఫుల్ చేస్తే, సుమారు 550 నుండి 600 కిలోమీటర్ల వరకు ప్రయాణించవచ్చు. అంటే ఆఫీసుకి వెళ్లేవారికి పెట్రోల్ భారం తగ్గించుకోవాలనుకునే వారికి ఇది సరైన తోడు.

హై-టెక్ ఫీచర్లు – సేఫ్టీ

తక్కువ ధర అయినప్పటికీ, ఫీచర్ల విషయంలో బజాజ్ ఎక్కడా రాజీ పడలేదు. సెమీ డిజిటల్ కన్సోల్, బ్లూటూత్ కనెక్టివిటీ, ముందు భాగంలో 240 mm డిస్క్ బ్రేక్, యాంటీ-స్కిడ్ టెక్నాలజీతో కూడిన సేఫ్టీ సిస్టమ్, గుంతల రోడ్లపై కూడా కుదుపులు తెలియకుండా నైట్రోక్స్ షాక్ అబ్జార్బర్స్ అమర్చారు. సురక్షిత ప్రయాణం కోసం ట్యూబ్‌లెస్ టైర్లు ఉన్నాయి.

ఎవరికి సూట్ అవుతుంది?

మీరు ఒక కాలేజీ స్టూడెంట్ అయినా లేదా రోజువారీ ఆఫీస్ పనుల కోసం సిటీలో తిరిగే ఉద్యోగి అయినా.. తక్కువ మెయింటెనెన్స్, అద్భుతమైన రీసేల్ వాల్యూ ఇచ్చే ఈ బైక్ మీకు బెస్ట్ ఛాయిస్. పల్సర్ బ్రాండ్ వాల్యూతో పాటు పాకెట్ ఫ్రెండ్లీ ధరలో ఈ బైక్ ఇప్పుడు అందరికీ అందుబాటులో ఉంది. స్టైల్, పవర్, మైలేజ్.. ఈ మూడు కలగలిసిన ప్యాకేజీనే బజాజ్ పల్సర్ 125 నియాన్. లక్షలోపు బడ్జెట్‌లో బైక్ కొనాలనుకునే వారు కచ్చితంగా బెస్ట్ ఆప్షన్ అని చెప్పొచ్చు.

మరిన్ని టెక్‌ వార్తల కోసం ఇక్కడ క్లిక్‌ చేయండి