Credit Score Tips: మీ క్రెడిట్‌ స్కోర్ పెంచుకునేందుకు అద్భుతమైన ట్రిక్స్‌

ప్రతి వ్యక్తికి క్రెడిట్ స్కోర్ చాలా ముఖ్యం. మీకు మంచి స్కోర్ ఉంటే, మీకు సులభంగా రుణం లభిస్తుంది. మీకు అత్యవసరంగా పర్సనల్ లోన్ అవసరమైతే క్రెడిట్ స్కోర్ ఉపయోగపడుతుంది. బ్యాంకులు లేదా ఆర్థిక సంస్థలు తక్కువ వడ్డీ రేట్లకు పెద్ద మొత్తంలో రుణాలు ఇవ్వడానికి సిద్ధంగా ఉంటాయి. కెరీర్‌ను ప్రారంభించే యువకులు క్రెడిట్ స్కోర్ ప్రాముఖ్యతను అర్థం చేసుకోవడం చాలా ముఖ్యం. మీకు ఇప్పుడు రుణం అవసరం లేకపోయినా, భవిష్యత్తులో క్రెడిట్ స్కోర్‌ను కలిగి ఉండటం ముఖ్యం. ఈ నేపథ్యంలో క్రెడిట్ స్కోర్‌ను పెంచుకోవడానికి కొన్ని ట్రిక్స్‌ పాటిస్తే స్కోర్‌ను మరింతగా మెరుగు పర్చుకోవచ్చుంటున్నారు నిపుణులు.

క్రెడిట్ స్కోర్ అంటే ఏమిటి?

మీరు రుణ చెల్లింపులు, క్రెడిట్ కార్డ్ బిల్లు చెల్లింపులు ఎలా చేస్తున్నారు? అనే దాని ఆధారంగా ఏజెన్సీలు క్రెడిట్ స్కోర్‌ను ఇస్తాయి. స్కోరు 300 నుండి 850 పాయింట్ల వరకు ఉంటుంది. 650 కంటే ఎక్కువ స్కోరు మంచిగా పరిగణిస్తారు. ఎప్పుడూ లోన్ లేదా క్రెడిట్ కార్డ్ ఉపయోగించని వారికి క్రెడిట్ స్కోర్ ఉండదు. వారి CIBIL స్కోర్‌ను మైనస్ 1గా చూపవచ్చు. అటువంటి వ్యక్తుల కోసం క్రెడిట్ స్కోర్ ఎలా పొందాలనే దానిపై ఇక్కడ చిట్కాలు ఉన్నాయి.

చిన్న రుణాలు చేయండి

క్రెడిట్ స్కోర్ పొందడానికి మీరు రుణాన్ని చెల్లించాలి. చిన్నపాటి రుణం తీసుకుని సకాలంలో చెల్లించండి. ఉదాహరణకు, రూ. 50,000 రుణం తీసుకుని నెలవారీ EMIని తప్పకుండా చెల్లించండి. తద్వారా మీ క్రెడిట్ స్కోర్ పెరుగుతుంది. అది ముగిసిన తర్వాత, మీరు మళ్లీ చిన్న కొత్త రుణం తీసుకోవచ్చు. ఇవన్నీ క్రెడిట్ స్కోర్‌ను పెంచడంలో సహాయపడతాయి.

క్రెడిట్ కార్డ్:

మీరు క్రెడిట్ కార్డును పొందండి. దానిని పొదుపుగా ఉపయోగించండి. దాని బిల్లును సకాలంలో చెల్లించడం మర్చిపోవద్దు. మీ కార్డ్ క్రెడిట్ పరిమితిలో 40 శాతం కంటే తక్కువ మాత్రమే ఖర్చు చేయండి. మీరు ఎక్కువ షాపింగ్ చేయాలనుకుంటే మరొక కార్డు పొందండి.

మరిన్ని బిజినెస్ వార్తల కోసం ఇక్కడ క్లిక్ చేయండి