మార్చి 9న వెయ్యి కోట్లతో పెళ్లి వేడుక!
ముంబై: మార్చి 9న అంబానీల ఇంట పెళ్లి బాజా మోగబోతోంది. ఆ రోజున భారత దేశ అత్యంత సంపన్నుడు ముఖేశ్ అంబానీ కుమారుడు ఆకాశ్ అంబానీ వివాహం జరగనుంది. ఇందుకు అంగరంగ వైభోగంగా ఏర్పాట్లు జరిగాయి. భూతల స్వర్గంగా పేరొందిన స్విట్జర్లాండ్‌లో ఈ వివాహం జరగనుంది. అనంతరం 10, 11 తేదీల్లో పెళ్లి వేడుకలు కొనసాగనున్నాయి. ఈ వేడుకకు బాలీవుడ్ తారాగణంతో పాటు పలువురు ప్రముఖులు హాజరు కానున్నారు. అతిధులకు ఆహ్వానం పలకడం, వడ్డన, ఆటపాటల వంటి […]
Updated on: Mar 06, 2019 | 9:04 AM
ముంబై: మార్చి 9న అంబానీల ఇంట పెళ్లి బాజా మోగబోతోంది. ఆ రోజున భారత దేశ అత్యంత సంపన్నుడు ముఖేశ్ అంబానీ కుమారుడు ఆకాశ్ అంబానీ వివాహం జరగనుంది. ఇందుకు అంగరంగ వైభోగంగా ఏర్పాట్లు జరిగాయి. భూతల స్వర్గంగా పేరొందిన స్విట్జర్లాండ్‌లో ఈ వివాహం జరగనుంది. అనంతరం 10, 11 తేదీల్లో పెళ్లి వేడుకలు కొనసాగనున్నాయి. ఈ వేడుకకు బాలీవుడ్ తారాగణంతో పాటు పలువురు ప్రముఖులు హాజరు కానున్నారు.
అతిధులకు ఆహ్వానం పలకడం, వడ్డన, ఆటపాటల వంటి పలు బాధ్యతలను బాలీవుడ్ స్టార్లే స్వయంగా నిర్వహించనున్నట్టు సమాచారం. అగ్ర హీరోలు ఆకాశ్ అంబానీతో డ్యాన్స్ వేయిస్తారని, నవ దంపతులతో డ్యాన్స్ వెయిస్తారని కూడా పలు వార్తలొచ్చాయి. అంతకుముందు కుమార్తె వివాహానికే ముఖేశ్ అంబానీ 700 కోట్ల వరకూ ఖర్చు చేశారని వార్తలొచ్చాయి.
కుమార్తె వివాహానికే అంత ఖర్చు పెడితే వారసుడైన కుమారుడి పెళ్లికి ఇంకెంత ఖర్చు చేస్తాడోనని అంతా ఆసక్తి కనబరుస్తున్నారు. తప్పనిసరిగా ఈ పెళ్లికి వెయ్యి కోట్ల బడ్జెట్ దాటుతుందనే టాక్ వినిపిస్తోంది. ప్రముఖ వజ్రాల వ్యాపారి రస్సెల్ మెహతా కుమార్తె శ్లోకా మెహతాను ముఖేశ్ అంబానీ కుమారుడు ఆకాశ్ అంబానీ మార్చి 9న వివాహం చేసుకోబోతున్నారు.
