Horoscope Today: ఆర్థిక విషయాల్లో ఆ రాశుల వారు జాగ్రత్త.. 12 రాశుల వారికి రాశిఫలాలు
Today Horoscope (July 7, 2025): మేష రాశి వారికి ఆర్థిక లావాదేవీల వల్ల ప్రయోజనం ఉంటుంది. విద్యార్థులు ఉత్తమ ఫలితాలు సాధిస్తారు. వృషభ రాశివారి ఆదాయానికి, ఆరోగ్యానికి ఢోకా ఉండదు. కుటుంబ వ్యవహారాల మీద దృష్టి పెడతారు. మిథునరాశి వారి ఆదాయ వ్యవహారాలకు సమయం బాగా అనుకూలంగా ఉంది. ఏ ప్రయత్నం తలపెట్టినా విజయం సాధిస్తారు. మేష రాశి మొదలు మీన రాశి వరకు 12 రాశుల వారికి సోమవారంనాటి రాశిఫలాలు ఎలా ఉన్నాయంటే..?
దిన ఫలాలు (జూలై 7, 2025): మేష రాశి వారు ఈ రోజు ఆర్థిక లావాదేవీల వల్ల ప్రయోజనం పొందే అవకాశముంది. వృషభ రాశివారి ఆదాయానికి, ఆరోగ్యానికి ఢోకా ఉండదు. మిథునరాశి వారి ఏ ప్రయత్నం తలపెట్టినా విజయం సాధించే అవకాశముంది. మేష రాశి మొదలు మీన రాశి వరకు 12 రాశుల వారికి సోమవారంనాటి రాశిఫలాలు ఎలా ఉన్నాయంటే..?
మేషం (అశ్విని, భరణి, కృత్తిక 1)
గ్రహ సంచారం చాలావరకు అనుకూలంగా ఉంది. వృత్తి, ఉద్యోగాలు ఆశించిన స్థాయిలో అభివృద్ధి చెందుతాయి. వ్యాపారాలు పెట్టుబడులకు తగ్గ లాభాలు అందుకుంటారు. ఇంటా బయటా అనుకూలతలు కనిపిస్తాయి. నిరుద్యోగులకు మంచి ఆఫర్లు అంది వస్తాయి. స్వల్ప అనారోగ్యానికి అవకాశం ఉంది. ఆర్థిక ప్రయత్నాలు లాభిస్తాయి. ఆర్థిక లావాదేవీల వల్ల ప్రయోజనం ఉంటుంది. విద్యార్థులు ఉత్తమ ఫలితాలు సాధిస్తారు. ప్రేమ వ్యవహారాలు సాఫీగా, హ్యాపీగా సాగిపోతాయి.
వృషభం (కృత్తిక 2,3,4, రోహిణి, మృగశిర 1,2)
కొన్ని ముఖ్యమైన సమస్యలు, వివాదాలు కొద్దిగా తగ్గుముఖం పడతాయి. వృత్తి, ఉద్యోగాల్లో హోదా పెరిగే అవకాశం ఉంది. వ్యాపారాల్లో లాభాలు పరవాలేదనిపిస్తాయి. ఆదాయానికి, ఆరోగ్యానికి ఢోకా ఉండదు. కుటుంబ వ్యవహారాల మీద దృష్టి పెడతారు. ముఖ్యమైన వ్యవహారాల్లో జీవిత భాగస్వామిని సంప్రదించడం మంచిది. రావలసిన సొమ్ము సకాలంలో చేతికి అందుతుంది విద్యార్థులు కొద్దిపాటి శ్రమతో మంచి ఫలితాలు సాధిస్తారు. ప్రేమ వ్యవహారాలు సాఫీగా సాగిపోతాయి.
మిథునం (మృగశిర 3,4, ఆర్ద్ర, పునర్వసు 1,2,3)
ఆదాయ వ్యవహారాలకు సమయం బాగా అనుకూలంగా ఉంది. ఏ ప్రయత్నం తలపెట్టినా విజయం సాధిస్తారు. వృత్తి, వ్యాపారాల్లో కొద్దిపాటి మార్పులు చేసి లబ్ది పొందుతారు. నిరుద్యోగులకు విదేశాల నుంచి ఆశించిన సమాచారం అందుతుంది. ఉద్యోగాల్లో ఉన్నవారు వ్యాపారాల్లో పెట్టు బడులు పెట్టే అవకాశం ఉంది. ఆర్థిక పరిస్థితి అనుకూలంగా సాగిపోతుంది. పిల్లల నుంచి శుభ వార్తలు వింటారు. విద్యార్థులు విజయాలు సాధిస్తారు. ప్రేమ వ్యవహారాలు ఉత్సాహంగా సాగిపోతాయి.
కర్కాటకం (పునర్వసు 4, పుష్యమి, ఆశ్లేష)
వృత్తి, వ్యాపారాల్లో తీరిక ఉండని పరిస్థితి ఏర్పడుతుంది. ఉద్యోగంలో కొద్దిగా బరువు బాధ్యతలు పెరుగుతాయి. ఆర్థిక వ్యవహారాలు సానుకూలంగా సాగిపోతాయి. అనుకున్న పనులు అనుకున్నట్టు పూర్తవుతాయి. ఆస్తి వివాదం ఒక కొలిక్కి వస్తుంది. నిరుద్యోగుల ఉద్యోగ ప్రయత్నాలకు సానుకూల స్పందన లభిస్తుంది. వ్యక్తిగత సమస్యల నుంచి కాస్తంత విముక్తి లభిస్తుంది. ఆరోగ్యానికి ఢోకా లేదు. విద్యార్థులు తేలికగా పురోగతి సాధిస్తారు. ప్రేమ వ్యవహారాలు సాఫీగా సాగిపోతాయి.
సింహం (మఖ, పుబ్బ. ఉత్తర 1)
ఆర్థిక పరిస్థితి ఆశాజనకంగా ఉంటుంది కానీ, ఖర్చులు అదుపు తప్పుతాయి. వ్యక్తిగత సమస్యల నుంచి కొద్దిగా విముక్తి లభిస్తుంది. వృత్తి, ఉద్యోగాల్లో పని భారం పెరిగి, అదనపు బాధ్యతలు నిర్వర్తించాల్సి వస్తుంది. ఆరోగ్యం బాగానే ఉంటుంది. వ్యాపారాల్లో పోటీదార్ల మీద పైచేయి సాధిస్తారు. కుటుంబ జీవితం హ్యాపీగా సాగిపోతుంది. పిల్లలు వృద్ధిలోకి వస్తారు. ఆస్తి వివాదం పరిష్కారమవుతుంది. విద్యార్థుల మీద ఒత్తిడి ఎక్కువగా ఉంటుంది. ప్రేమ వ్యవహారాల్లో జాగ్రత్తగా ఉండడం మంచిది.
కన్య (ఉత్తర 2,3,4, హస్త, చిత్త 1,2)
వృత్తి, ఉద్యోగాల్లో కొద్దిపాటి పురోగతికి అవకాశం ఉంది. ఉద్యోగంలో పదోన్నతికి అవకాశం ఉంది. వ్యాపారాల్లో యాక్టివిటీ పెరుగుతుంది. ఆదాయ ప్రయత్నాలు సత్ఫలితాలనిస్తాయి. కుటుంబ సభ్యుల మీద ఖర్చులు పెరుగుతాయి. జీవిత భాగస్వామితో అన్యోన్యత పెరుగుతుంది. ఆకస్మిక ధన లాభానికి అవకాశముంది. రావాల్సిన డబ్బు చేతికి అందుతుంది. ఒకరిద్దరు బంధువులకు సహాయం చేస్తారు. విద్యార్థులు విజయాలు సాధిస్తారు. ప్రేమ వ్యవహారాలు హ్యాపీగా సాగిపోతాయి.
తుల (చిత్త 3,4, స్వాతి, విశాఖ 1,2,3)
ఆర్థిక విషయాలకు సమయం బాగా అనుకూలంగా ఉంటుంది. ఉద్యోగంలోనూ, వృత్తి జీవితం లోనూ ప్రాధాన్యం బాగా పెరుగుతుంది. వ్యాపారాల్లో లాభాల శాతం పెరుగుతుంది. కొత్త ప్రయత్నాలు, కొత్త నిర్ణయాలు కలసి వస్తాయి. అదనపు ఆదాయ ప్రయత్నాలు సఫలం అవుతాయి. ఆదాయం పెరుగుతుంది. ఇంటా బయటా ఆదరాభిమానాలు పెరుగుతాయి. ఆరోగ్యం పరవాలేదనిపిస్తుంది. విద్యార్థులు ఘన విజయాలు సాధిస్తారు. ప్రేమ వ్యవహారాలు కొత్త పుంతలు తొక్కుతాయి.
వృశ్చికం (విశాఖ 4, అనూరాధ, జ్యేష్ట)
ఆదాయానికి లోటుండదు. ఒకటి రెండు వ్యక్తిగత, ఆర్థిక సమస్యలకు పరిష్కారం లభిస్తుంది. ముఖ్యమైన పనులు, వ్యవహారాల్లో వ్యయప్రయాసలుండవచ్చు. కుటుంబంలో సుఖ సంతోషాలు వెల్లి విరుస్తాయి. ఉద్యోగంలో హోదా పెరిగే అవకాశం ఉంది. వృత్తి, వ్యాపారాల్లో అభివృద్ధి కనిపిస్తుంది. ప్రయాణాల్లో జాగ్రత్తగా ఉండడం మంచిది. బంధువుల వల్ల కొద్దిపాటి ఇబ్బందులుంటాయి. విద్యార్థులు కొద్ది శ్రమతో ఉత్తమ ఫలితాలు సాధిస్తారు. ప్రేమ వ్యవహారాల్లో ముందడుగు వేస్తారు.
ధనుస్సు (మూల, పూర్వాషాఢ, ఉత్తరాషాఢ 1)
అనుకున్న పనులు అనుకున్నట్టు పూర్తవుతాయి. ఎలాంటి ప్రయత్నం తలపెట్టినా సఫలం అవుతుంది. ఆదాయానికి, ఆరోగ్యానికి లోటుండదు. మంచి పరిచయాలు కలుగుతాయి. ముఖ్యమైన వ్యవహారాలు, పనులు కొద్ది శ్రమతో పూర్తవుతాయి. పిల్లల నుంచి శుభవార్తలు వింటారు. ఉద్యోగంలో అధికారుల నుంచి ఆదరణ, ప్రోత్సాహం పెరుగుతాయి. వృత్తి, వ్యాపారాలు లాభసాటిగా సాగి పోతాయి. విద్యార్థులకు సమయం అనుకూలంగా ఉంది. ప్రేమ వ్యవహారాల్లో దూసుకుపోతారు.
మకరం (ఉత్తరాషాఢ 2,3,4, శ్రవణం, ధనిష్ట 1,2)
వృత్తి, ఉద్యోగాల్లో సానుకూల మార్పులు, చేర్పులు చోటు చేసుకుంటాయి. ఉద్యోగంలో పదోన్నతికి అవకాశం ఉంది. వ్యాపారాలు నిలకడగా సాగిపోతాయి. కుటుంబంలో కొద్దిపాటి సమస్యలు తలెత్తే అవకాశం ఉంది. జీవిత భాగస్వామితో సర్దుకుపోవడం మంచిది. ఉద్యోగాల విషయంలో విదేశాల నుంచి ఆశించిన సమాచారం అందుతుంది. ఆరోగ్యం మెరుగ్గా ఉంటుంది. ఆదాయం బాగానే వృద్ధి చెందుతుంది. విద్యార్థులకు శ్రమ తప్పకపోవచ్చు. ప్రేమ వ్యవహారాలు సంతృప్తికరంగా సాగిపోతాయి.
కుంభం (ధనిష్ట 3,4, శతభిషం, పూర్వాభాద్ర 1,2,3)
ముఖ్యమైన ఆర్థిక, వ్యక్తిగత సమస్యలు తగ్గిపోయే అవకాశం ఉంది. వృత్తి, ఉద్యోగాల్లో తప్పకుండా ప్రాధాన్యం, ప్రాభవం పెరుగుతాయి. వ్యాపారాల్లో అంచనాలకు మించి లాభాలు ఆర్జిస్తారు. నిరుద్యోగులు ఆశించిన సంస్థల నుంచి ఆఫర్లు అందుకుంటారు. కుటుంబ సభ్యులతో కాస్తంత జాగ్రత్తగా వ్యవహరించడం మంచిది. ఆదాయానికి లోటుండకపోవచ్చు. ఆరోగ్యం మీద శ్రద్ధ పెట్టడం శ్రేయస్కరం. విద్యార్థులు తేలికగా విజయాలు సాధిస్తారు. ప్రేమ వ్యవహారాల్లో సాన్నిహిత్యం పెరుగుతుంది.
మీనం (పూర్వాభాద్ర 4, ఉత్తరాభాద్ర, రేవతి)
ఆర్థిక లావాదేవీల్లో ఆచితూచి నిర్ణయాలు తీసుకోవాల్సి ఉంటుంది. కొందరు మిత్రుల వల్ల ఆర్థికంగా నష్టపోయే సూచనలున్నాయి. ఆరోగ్యం బాగానే ఉంటుంది. ముఖ్యమైన వ్యవహారాల్లో తొందరపాటు నిర్ణయాలు తీసుకోవద్దు. వృత్తి, ఉద్యోగాల్లో బాధ్యతలు పెరిగే అవకాశం ఉంది. వ్యాపారాలు నిలకడగా సాగిపోతాయి. సోదరులతో వివాదాలు పరిష్కార దిశగా సాగుతాయి. ఆదాయం బాగానే ఉంటుంది. విద్యార్థులు బాగా కష్టపడాల్సి ఉంటుంది. ప్రేమ వ్యవహారాలు రొటీనుగా సాగిపోతాయి.