సుప్రీం కోర్టులో ఏపీ ప్ర‌భుత్వానికి ఊర‌ట.. రాష్ట్ర హైకోర్టు ఇచ్చిన ఆదేశాలపై సుప్రీం కోర్టు స్టే విధింపు
ఏపీ రాష్ట్రంలో రాజ్యాంగ విచ్ఛిన్నం జరిగిందా ..? లేదా.. అనే అంశంపై ఆంధ్రప్రదేశ్ హైకోర్టు ఇచ్చిన ఆదేశాలపై సుప్రీం కోర్టు స్టే విధించింది. రాజ్యాంగ విచ్ఛిన్నం జరిగిందా..? లేదా అనే విష‌యాన్ని..
Updated on: Dec 18, 2020 | 2:00 PM
ఏపీ రాష్ట్రంలో రాజ్యాంగ విచ్ఛిన్నం జరిగిందా ..? లేదా.. అనే అంశంపై ఆంధ్రప్రదేశ్ హైకోర్టు ఇచ్చిన ఆదేశాలపై సుప్రీం కోర్టు స్టే విధించింది. రాజ్యాంగ విచ్ఛిన్నం జరిగిందా..? లేదా అనే విష‌యాన్ని తేలుస్తామని అక్టోబర్ 1న హైకోర్టు ఆదేశాలు జారీ చేసింది. దీనిపై ఏపీ సర్కార్ సుప్రీం కోర్టులో పిటిషన్ దాఖలు చేసింది. ఈ నేపథ్యంలో సుప్రీం కోర్టు సీజే జస్టిస్ ఎస్ఏ బాబ్డే నేతృత్వంలోని ధర్మాసనం విచారణ జ‌రిపింది. ఏపీ హైకోర్టు ఇచ్చిన ఆదేశాలపై యథాతథస్థితి కొనసాగించాలని సూచించింది. తదుపరి విచారణ శీతాకాలం సెలవుల తర్వాతకు వాయిదా వేసింది కోర్టు.
ఏపీలో పోలీసులు చట్ట ఉల్లంఘనలపై దాఖలైన హెబియస్ కార్పస్ పిటిషన్లు, రాజధాని తరలింపు వ్యతిరేకిస్తూ శాంతియుతంగా నిరసనలు తెలుపుతున్న వారిపై పోలీసులు అడ్డుకుంటూ ఇబ్బందులకు గురి చేస్తున్నారని టీడీపీ మాజీ ఎమ్మెల్యే తెనాలి శ్రావణ్ కుమార్ దాఖలు చేసిన పిటిష‌న్‌పై హైకోర్టు విచారణ జరుపుతున్న విషయం తెలిసిందే. ఈ నేపథ్యంలో ఏపీ సర్కార్ సుప్రీం కోర్టును ఆశ్రయించింది.
