సానియా ఫోటో కింద.. పీటీ ఉష పేరు.. విశాఖ అధికారుల తీరు నవ్వులపాలు

జాతీయ క్రీడా ఏర్పాట్లలో విశాఖ అధికారుల తీరుపై సర్వత్రా విమర్శలు వెల్లువెత్తుతున్నాయి. బీచ్ రోడ్డులో ప్రభుత్వం అధికారికంగా ఏర్పాటు చేసిన బ్యానర్లలో తప్పిదాలు అధికారులను నవ్వుల పాలు చేశాయి. టెన్నీస్ స్టార్ సానియా మిర్జా ఫోటో ముద్రించిన బ్యానర్ పై మాజీ అథ్లెట్ పీటీ ఉష పేరు రాశారు. జాతీయ క్రీడా దినోత్సవం సందర్భంగా మంత్రి అవంతి శ్రీనివాస్ బీచ్ రోడ్డులో ర్యాలీ ఏర్పాటు చేశారు. ర్యాలీలో పాల్గొనేందుకు వచ్చిన క్రీడాకారులు ఫ్లెక్సీలను చూసి షాక్ అయ్యారు. సానియా మిర్జాకు, పీటీ ఉషకు తేడా తెలియదా అంటూ మండిపడుతున్నారు. అంతేకాదు ఈ ఫ్లెక్సీలలో సీఎం జగన్, మంత్రి అవంతి శ్రీనివాస్ ఫోటోలు కూడా ఉన్నాయి. ప్రస్తుతం ఈ ఫ్లెక్సీ ఫోటో సోషల్ మీడియాలో వైరల్ అవుతోంది.