వీడ్కోలు సందేశంలో 73 మందికి క్షమాభిక్ష పెట్టిన డోనాల్డ్ ట్రంప్, మరో 70 మందికి శిక్షల తగ్గింపు, ‘ప్రాయశ్చిత్త మా ?

అమెరికా మాజీ అధ్యక్షుడవుతున్న డొనాల్డ్ ట్రంప్ తన వీడ్కోలు సందేశంలో 73 మందికి క్షమాభిక్ష పెడుతున్నట్టు ప్రకటించారు. మరో 70 మందికి శిక్ష తగ్గిస్తున్నట్టు పేర్కొన్నారు. తన మాజీ సహచరులు, మాజీ  అధికారులు వీరిలో ఉన్నారు. మాజీ సహచరుల్లో స్టీవ్ బ్యానెన్, ఇలియట్ బ్రాడీ వంటివారున్నారు. వీరంతా వివిధ నేరారోపణలపై విచారణను,  కేసులను ఎదుర్కొంటున్నారు. మెక్సికో సరిహద్దుల్లో గోడ నిర్మాణం కోసం సేకరించిన నిధుల్లో ప్రజలను మోసగించాడని ఆరోపణలు ఎదుర్కొంటున్న స్టీవ్ మ్యానన్, విదేశీ లాబీయింగ్ చట్టాల అతిక్రమణలో కుట్రకు పాల్పడ్డాడని నిందలు ఎదుర్కొంటున్న ఇలియట్ వంటివారు ఇక నిర్దోషులైనట్టే.. కాగా తన అధ్యక్ష హయాంలో ఈ నాలుగేళ్ళూ దేశం ఎలాంటి యుధ్ధ పరిస్థితిని ఎదుర్కోలేదని, ఇందుకు తాను గర్వపడుతున్నానని ట్రంప్ తెలిపారు. అధ్యక్షుడు కానున్న జో బైడెన్ సక్సెస్ కోసం ప్రార్థించాలని దేశ ప్రజలను కోరిన ట్రంప్.ఆయనతో . కనీస సంప్రదాయమైన టీ ‘సెరిమనీ’కి హాజరు కాకపోవడం విశేషం. కొత్త అధ్యక్షులు కాబోతున్నవారికి పాతవారు టీ ఇఛ్చి గౌరవించడం సంప్రదాయంగా వస్తోంది.