BJP: బీజేపీ, కాంగ్రెస్‌కు వ్యతిరేకంగా పోరాడతాం… మాజీ ప్రధాని హెచ్‌డీ దేవెగౌడ…

దేశానికి ప్రాంతీయ పార్టీల అవసరం ఉందని మాజీ ప్రధాని, జనతాదళ్ అధినేత హెడ్‌డీ దేవె గౌడ అన్నారు. కర్ణాటక అసెంబ్లీ ఎన్నికల్లో పొత్తులు పొడుస్తాయన్న ఊహాగానాల నేపథ్యంలో ఆయన స్పందించారు. కాగా, కర్ణాటక అసెంబ్లీ సాధారణ ఎన్నికలు 2023 జరగనున్నాయి. ఎన్నికల్లో జనతాదళ్ బీజేపీతో పొత్తు పెట్టుకుంటుందనే ప్రచారం నేపథ్యంలో దేవె గౌడ మాట్లాడారు.

జాతీయ పార్టీలకు వ్యతిరేకంగా పోరాడుతాం…

జాతీయ పార్టీలైన బీజేపీ, కాంగ్రెస్‌తో రానున్న సాధారణ అసెంబ్లీ ఎన్నికల్లో పోరాడుతానని దేవె గౌడ స్పష్టం చేశారు. తప్పకుండా ఒంటరిగానే బరిలోకి దిగుతామని తెలిపారు. అధికారంలోకి సొంతంగానే వస్తామన్న విశ్వాసాన్ని వ్యక్తం చేశారు. కాంగ్రెస్ పార్టీ కర్ణాటకలో తన ఉనికిని కోల్పోతోందని, దానికి కారణం సిద్ధరామయ్యే అని ఆరోపించారు. దేశ వ్యాప్తంగా ప్రాంతీయ పార్టీల గెలుపు ప్రస్తుతం అవసరమని అన్నారు.