మొసళ్ల నదిలోకి దూకిన వానరసైన్యం ప్రాణాలకు తెగించి సాహసం

ఒక చిన్న కోతి నీళ్లు తాగేందుకు నది ఒడ్డుకు చేరింది. అక్కడే పొంచి ఉన్న ఒక భారీ ఉప్పునీటి మొసలి మెరుపు వేగంతో దాడి చేసి ఆ కోతిని నోటితో కరుచుకుంది. ఈ దృశ్యాన్ని చూసిన మిగిలిన కోతులు భయపడి పారిపోలేదు. తమ సహచరుడు మృత్యువు నోట్లో చిక్కుకున్నాడని గ్రహించిన వానర సైన్యం.. ప్రాణాలకు తెగించి మొసలి ఉన్న ఆ ప్రమాదకరమైన నదిలోకి దూకాయి. మొసలి కోతి పిల్లను లోపలికి లాక్కెళ్లకుండా ఉండేందుకు.. సుమారు 20కి పైగా కోతులు ఏకమై నీటిలో రభస చేశాయి. మొసలిపై దాడి చేస్తూ.. దానిని అడ్డుకునేందుకు అవి చేసిన ప్రయత్నం స్థానికులను ఆశ్చర్య పరిచింది. మొసళ్లు ఎక్కువగా ఉండే ఒడిశాలోని ఈ నదిలో దిగడం అంటే ఆత్మహత్యతో సమానమని తెలిసినా.. ఆ కోతులు చూపిన తెగువ సామాన్యమైనది కాదు. వీడియో చూసిన నెటిజెన్లు కామెంట్లతో హోరెత్తిస్తున్నారు. జంతు శాస్త్రవేత్తల ప్రకారం.. కోతుల్లో సామాజిక బంధాలు చాలా బలంగా ఉంటాయి. ప్రమాదం జరిగినప్పుడు అవి గుంపుగా ప్రతిఘటిస్తాయి. ఇలాంటి ఘటనలు ప్రకృతిలోని సంక్లిష్టమైన సామాజిక సంబంధాలను తెలియచేస్తాయని వన్యప్రాణి నిపుణులు చెబుతున్నారు. ఆపదలో ఉన్నవారికి సాయం చేయడం కాదు కదా కనీసం పట్టించుకోని ఈ ఆధునిక సమాజానికి కోతులు గొప్ప పాఠాన్ని నేర్పాయి. చనిపోతామని తెలిసినా తోటి కోతి ప్రాణాన్ని కాపాడుకోవాలనే ఆరాటంతో ఆ కోతులు చేసిన సాహసం ఇప్పుడు యావత్ దేశాన్ని కదిలిస్తోంది. ఒడిశాలో జరిగిన ఈ హృదయ విదారక సంఘటన సోషల్ మీడియాలో వైరల్‌గా మారింది.

మరిన్ని వీడియోల కోసం ఇక్కడ క్లిక్ చేయండి

Also Watch:

రూ. 15 వేల లోపు స్మార్ట్‌ఫోన్లు ఫీచర్లు మాములుగా లేవు

Best FD Interest Rates: ఫిక్స్‌డ్‌ డిపాజిట్‌ చేస్తున్నారా? ఏ బ్యాంక్‌లో ఎంత వడ్డీ రేటు

గుండెను కాపాడే ఈ సూపర్ ఫుడ్ గురించి తెలుసా

కొండలా ఉన్న పొట్ట సులువుగా కరిగిపోవాలంటే..

పాకిస్థాన్‌లో సూపర్‌ రిచ్ ఈ హిందూ మహిళ