బంగాళాఖాతంలో మళ్లీ అలజడి..ఏపీకి మళ్లీ తుఫాన్ ముప్పు..తెలంగాణపై చలిపులి పంజా

బంగాళాఖాతంలో ఏర్పడిన ఉపరితల ఆవర్తనం ఆంధ్రప్రదేశ్‌కు మరో తుఫాను ముప్పును సూచిస్తోంది. దక్షిణ అండమాన్ సముద్రంలో ఏర్పడిన ఈ ఆవర్తనం నవంబర్ 13న అల్పపీడనంగా మారబోతోందని, ఆ తర్వాతి 24 గంటల్లో అది మరింత బలపడే అవకాశం ఉందని విపత్తుల నిర్వహణ సంస్థ తెలిపింది. నవంబర్ 14, 15 తేదీల్లో అండమాన్ సముద్రం, ఆగ్నేయ బంగాళాఖాతంలో గంటకు 40-50 కిలోమీటర్ల వేగంతో ఈదురుగాలులు వీచే అవకాశం ఉన్నందున మత్స్యకారులు వేటకు వెళ్లవద్దని అధికారులు హెచ్చరిస్తున్నారు. ఇప్పటికే అర్నబ్, మురసు తుఫాన్ల ధాటికి నష్టపోయిన రైతులు, తీర ప్రాంత ప్రజలను ఈ వార్త కలవరపెడుతోంది. రాబోయే ఈ తుఫానుకు ఆక్వాన్ అని ఇరాన్ సూచించిన పేరును ఇప్పటికే సిద్ధం చేశారు.మరోవైపు, తెలంగాణలో పగటిపూట అధిక ఉష్ణోగ్రతలు ఉన్నప్పటికీ, సాయంత్రం వేళల్లో చలి తీవ్రత పెరుగుతోంది. ఉత్తర తెలంగాణ జిల్లాల్లో కనిష్ట ఉష్ణోగ్రతలు 12 డిగ్రీల వరకు పడిపోవచ్చు. రానున్న మూడు రోజుల్లో చలి మరింత పెరిగే అవకాశం ఉందని హైదరాబాద్ వాతావరణ కేంద్రం వెల్లడించింది. దట్టమైన పొగమంచుకు అవకాశం ఉన్నందున వాహనదారులు, ప్రజలు తగిన జాగ్రత్తలు తీసుకోవాలని అధికారులు సూచించారు. దేశ రాజధాని ఢిల్లీలో వాయు కాలుష్యం ప్రమాదకర స్థాయికి చేరడంతో ప్రజలు శ్వాసకోశ సమస్యలతో బాధపడుతున్నారు.

మరిన్ని వీడియోల కోసం :

ఫామ్‌లో ఉన్న బ్యూటీస్‌కి తప్పని వెయిటింగ్‌..

నవంబర్, డిసెంబర్ నెలల్లో బాక్సాఫీస్ పై చిన్న సినిమాల దండయాత్ర

బాలీవుడ్ బాక్సాఫీస్ దగ్గర రణబీర్ కపూర్ Vs రణవీర్ సింగ్..

రామాయణ తరువాత రాజమౌళి మనసు మార్చుకున్నారా?

అమ్మో నడక మార్గంలో భారీ కొండ చిలువ.. చూస్తే వణకాల్సిందే వీడియో