సాధారణంగా కిలో నెయ్యి ఎంత ఖరీదు చేస్తుంది? మహా అంటే ఓ 500 రూపాయలు ఉంటుంది. కానీ కిలో రెండు లక్షల రూపాయల ఖరీదు చేసే నెయ్యి గురించి ఎప్పుడైనా విన్నారా? అవును, మీరు విన్నది నిజమే.. గుజరాత్‌లో కిలో నెయ్యి రెండు లక్షల రూపాయలు పలుకుతోంది. వామ్మో అంత రేటు పెట్టి నెయ్యి ఎవరు కొనుక్కుంటారు అనే సందేహం రావచ్చు. కానీ అక్కడే ఉంది అసలు ట్విస్టు. గుజరాత్‌లోని గోండాల్‌లో రమేష్‌భాయ్‌ రూపరేలియా అనే రైతు గోశాలను నడుపుతున్నాడు. అతను స్వచ్ఛమైన ఆవుపాలతో నెయ్యిని తయారు చేసి… దాన్నుంచి రకరకాల ఉత్పత్తులు తయారు చేస్తుంటాడు. ఇందులో విశేషం ఏముంది అనుకుంటే పొరపాటే.. ఈ నెయ్యిలో కుంకుమ పువ్వు, పసుపు, పిప్పళ్లు, గులాబీ రేకులు, మందారాలు… ఇలా రకరకాల మూలికలు కలుపుతాడు. ఉదాహరణకి ఓ 30 లీటర్ల పాలనుంచి వచ్చిన వెన్నను కాచి అందులో ఈ మూలికల్ని వేసి కేజీ నెయ్యి అయ్యే వరకూ బాగా మరిగిస్తాడు.
మరిన్ని వైరల్ వీడియోల కోసం ఇక్కడ క్లిక్ చేయండి
Also Watch: