ఉస్తాద్‌ ప్రమోషన్స్‌లో నయా స్ట్రాటజీ

ఉస్తాద్ భగత్ సింగ్ సినిమా అనుకున్న తేదీ కన్నా ముందే విడుదల అవుతున్నప్పటికీ, చిత్రబృందం ప్రమోషన్లను సమర్థవంతంగా నిర్వహిస్తోంది. సెన్సార్ కార్యక్రమాలు కూడా పూర్తవడంతో, ఇప్పుడు అసలు సందడి మొదలుకానుంది. పబ్లిసిటీ విషయంలో చిత్రబృందం అనుసరిస్తున్న సరికొత్త వ్యూహం ఇండస్ట్రీ వర్గాలలో హాట్ టాపిక్‌గా మారింది.పవర్ స్టార్ పవన్ కళ్యాణ్ హీరోగా, హరీష్ శంకర్ దర్శకత్వంలో రూపొందుతున్న ఉస్తాద్ భగత్ సింగ్ చిత్రంపై భారీ అంచనాలు నెలకొన్నాయి. గబ్బర్ సింగ్ వంటి బ్లాక్‌బస్టర్ అందించిన ఈ కాంబినేషన్ నుండి వస్తున్న సినిమా కావడంతో, ప్రేక్షకుల ఆసక్తి మరింత పెరిగింది. ప్రమోషన్ల ద్వారా ఈ అంచనాలను మరింత పీక్స్‌కు తీసుకువెళ్తోంది మూవీ టీమ్. ఉస్తాద్ భగత్ సింగ్ ప్రమోషన్లన్నీ పవన్ కళ్యాణ్ కేంద్రంగానే సాగుతున్నాయి.