ఆఫర్ వచ్చినప్పుడు ఫ్లాప్ ఇచ్చారు.. ఇప్పుడేమో ఆఫర్స్ కోసం వెయిట్ చేస్తున్నారు..
టాలీవుడ్లో అవకాశాలు పదేపదే రావని, వచ్చినప్పుడు సద్వినియోగం చేసుకోవాలని అంటుంటారు. అయితే, గోల్డెన్ ఆఫర్స్ వచ్చినా కొందరు డైరెక్టర్లు వాటిని చేజార్చుకుని ఇప్పుడు తదుపరి ప్రాజెక్టుల కోసం ఎదురుచూస్తున్నారు. హరీష్ శంకర్, బోయపాటి శ్రీను, కిషోర్ తిరుమల, గౌతమ్ తిన్ననూరి వంటి దర్శకులు ప్రస్తుతం గడ్డు కాలాన్ని ఎదుర్కొంటున్నారు.
తెలుగు సినీ పరిశ్రమలో అవకాశాలు పదేపదే రావు. వచ్చినప్పుడు వాటిని ఒడిసి పట్టుకుని విజయం సాధించాలి. కానీ కొందరు దర్శకులు గోల్డెన్ ఆఫర్లను చేజిక్కించుకోలేక, తదుపరి సినిమా ఏంటో తెలియని సతమతమవుతున్నారు. హిట్లు లేక ఇబ్బంది పడుతూ, మళ్లీ తమకు అవకాశాలు ఇచ్చే హీరోల కోసం వేచి చూస్తున్న దర్శకుల పరిస్థితి ప్రస్తుతం చర్చనీయాంశంగా మారింది.దర్శకుడు హరీష్ శంకర్ ప్రస్తుతం గడ్డు కాలాన్ని ఎదుర్కొంటున్నారు. రవితేజతో చేసిన మిస్టర్ బచ్చన్, పవన్ కళ్యాణ్తో చేసిన ఉస్తాద్ భగత్ సింగ్ చిత్రాలు నిరాశపరిచాయి. వచ్చిన అవకాశాన్ని సద్వినియోగం చేసుకోలేకపోవడంతో, తదుపరి ప్రాజెక్టు కోసం నిరీక్షిస్తున్నారు. బోయపాటి శ్రీను కూడా స్కంద నిరాశపరిచినా, బాలకృష్ణ అఖండ 2తో మరో అవకాశం ఇచ్చారు. అయితే, మునుపటి విజయాలను అందుకోలేక బోయపాటి కూడా పునరాగమనం కోసం ఎదురుచూస్తున్నారు.కుటుంబ కథా చిత్రాలతో మెప్పించే కిషోర్ తిరుమలకు భర్త మహాశయులకు విజ్ఞప్తి చిత్రం అంతగా కలిసి రాలేదు. దీంతో సంక్రాంతి నుంచి ఆయన ఖాళీగానే ఉన్నారు. టాలెంట్ ఉన్నా హిట్లు లేకపోతే హీరోలు పట్టించుకోరనే దానికి కిషోర్ తిరుమల పరిస్థితి నిదర్శనం.
మరిన్ని వీడియోల కోసం :
మళ్లీ మొదటికొచ్చిన డ్యాన్సర్స్ అసోసియేషన్ వివాదం
ఇడుపుకాయితం టైటిల్పై వచ్చిన విమర్శలు విని బాధ కలిగింది