ప్రెస్ మీట్ పెట్టి మరీ చెప్పారుగా.. ఈసారి బాక్సులు బద్ధలే..!

రామ్ చరణ్ నటించిన పెద్ది సినిమా విడుదల తేదీపై నెలకొన్న గందరగోళానికి మేకర్స్ తెరదించారు. నిర్మాతలు, దర్శకుడు, హీరోల మధ్య తేదీపై భిన్నాభిప్రాయాలు వ్యక్తమవుతున్న నేపథ్యంలో, ఇటీవల ప్రెస్ మీట్ నిర్వహించి స్పష్టత ఇచ్చారు. మార్చి 27న వాయిదా పడి, ఏప్రిల్ 30, ఆ తర్వాత జూన్ 25 అంటూ తేదీలు మారినప్పటికీ, తాజాగా జూన్ 4న సినిమాను విడుదల చేయనున్నట్లు పెద్ది బృందం ప్రకటించింది.దర్శకుడు బుచ్చిబాబు, నిర్ణీత తేదీ కంటే 20 రోజుల ముందే సినిమాను ప్రేక్షకుల ముందుకు తీసుకురావడానికి సిద్ధమయ్యారు. సమ్మర్ హాలిడేస్‌ను సద్వినియోగం చేసుకోవాలనే ఉద్దేశ్యంతో, టాక్సిక్ సినిమా వాయిదా పడిన వెంటనే ఈ నిర్ణయం తీసుకున్నట్లు మేకర్స్ తెలిపారు. ప్రస్తుతం పోస్ట్ ప్రొడక్షన్ పనులు వేగంగా జరుగుతున్నాయి.