Dhandora Review: ‘కులం చుట్టూ తిరిగే.. హార్డ్ హిట్టింగ్ సినిమా ఇది’
దండోరా రివ్యూ: కుల వ్యవస్థలోని సున్నితమైన అంశాన్ని కొత్త కోణంలో చూపించిన చిత్రం దండోరా. అగ్ర కుల బాధితుడి కథనంతో మురళీకాంత్ తెరకెక్కించిన ఈ సినిమా, శివాజీ, నవదీప్ నటనతో ప్రాణం పోసుకుంది. హార్డ్ హిట్టింగ్ ఎమోషన్స్తో, బలమైన సందేశంతో క్లైమాక్స్ ఆలోచింపజేస్తుంది. మార్క్ కే రాబిన్ సంగీతం, అద్భుతమైన సినిమాటోగ్రఫీతో దండోరా ఒక మంచి ప్రయత్నంగా నిలిచింది.
కులం అనే కాన్సెప్ట్ అంత చిన్నదేం కాదు.. దానిపై సినిమా చేయాలంటే చాలా జాగ్రత్తగా ఉండాలి. ఏ మాత్రం అటూ ఇటూ అయినా మొదటికే మోసం వస్తుంది. అలాంటి సున్నితమైన కథతోనే దండోరా సినిమా వచ్చింది. మరి ఈ చిత్రం ఎలా ఉందనేది.. అనేది ఈ పూర్తి రివ్యూలో చూద్దాం.. దండోరా కథలోకి వెళితే.. మెదక్లోని ఓ ఊరిలో శివాజీ అలియాస్ శివాజీ అగ్ర కులానికి చెందినవాడు. ప్రాణం కంటే కులానికే ఎక్కువ విలువ ఇస్తుంటాడు. శివాజీకి కొడుకు విష్ణు అలియాస్ నందు, కూతురు సుజాత అలియాస్ మణిక ఉంటారు. కొడుకు సిటీలో జాబ్ చేస్తుంటాడు. అదే సమయంలో ఊళ్లో ఉండే కూతురు వేరే కులం అబ్బాయి రవి అలియాస్ రవికృష్ణతో ప్రేమలో పడుతుంది. అది తెలిసిన శివాజీ కులం వాళ్లకు ఒళ్లు మండిపోతుంది. అప్పుడు వాళ్లేం చేసారు..? సర్పంచ్ నవదీప్ ఊళ్లో జరిగిన సంఘటనలకు ఎలా సాక్షిగా మిగిలిపోయాడు..? పదవిలో ఉండి కూడా ఎందుకు ఏం చేయలేదు..? మధ్యలో శ్రీలత అలియాస్ బిందు మాధవి ఎక్కడ్నుంచి వచ్చింది..? ఆమెకు శివాజీకి ఏంటి సంబంధం అనేది పూర్తి కథలో చూడాల్సిందే. కులాన్ని.. కాదనుకోలేం.. అలాగని కావాలనుకోలేం.. ఏదో అలా .. అది సాగిపోవాలంతే..! అలాంటి క్యాస్ట్ జోన్ లో వచ్చిన మరో సినిమానే దండోరా. ఇప్పటికే తెలుగులో ఎన్నో సినిమాలు కులం కాన్సెప్టుతో వచ్చాయి. కానీ దర్శకుడు మురళీకాంత్.. ఇందులో కొత్త టర్న్ తీసుకున్నాడు. కులం అంటే.. ఎప్పుడూ అగ్ర కులం వల్ల తక్కువ కులం నష్టపోవడాన్ని చూపిస్తారు.. కానీ దండోరాలో మాత్రం బాధితుడే అగ్ర కులం వాడు కావడం కొత్తగా ఉంది. ఫస్ట్ హాఫ్ ఏమో.. వరసగా క్యారెక్టర్స్ ఎంట్రీ ఉంటుంది. అన్నీ పరిచయం చేస్తూ.. అక్కడక్కడా తాను చెప్పాలనుకున్న పాయింట్ చెప్పాడు దర్శకుడు మురళీకాంత్. ఇక ఇంటర్వెల్ కు సినిమా పీక్ ఎమోషన్కు వెళ్ళింది. అక్కడ ఆయన తీసిన విధానం కూడా చాలా ఎమోషనల్గా ఉంటుంది. అలాంటి సీన్స్ రాయడం ఈజీనే, కానీ తీయడం చాలా కష్టం. సెన్సార్ నుంచి తప్పించుకుని కొన్ని సీన్స్ కూడా బాగానే పొందుపరిచాడు డైరెక్టర్.ఇంటర్వెల్ చాలా హార్డ్ హిట్టింగ్ అండ్ రియలిస్టిక్గా ఉంది. సెకండ్ హాఫ్ బాగా వేగంగా, ఎమోషనల్గా వెళ్ళింది. శివాజీతో ఓ కోర్టు సీన్ ఉంటుంది.. అక్కడి నుంచి సినిమా నెక్ట్స్ లెవెల్కి వెళుతుంది. ఆ సీన్ లో రైటింగ్ అయితే అదిరిపోయింది. క్లైమాక్స్ కూడా వెరీ ఎమోషనల్ అండ్ హార్డ్ హిట్టింగ్గా.. ఆలోచించేలా దండోరా ఉంటుంది. శివాజీ మరోసారి అదరగొట్టాడు.. మంగపతికి సీక్వెల్ చూసినట్టుంది. సెకండ్ హాఫ్ లో శివాజీ పాత్రలో చాలా ఎమోషన్స్ ఉన్నాయి. నవదీప్ 2.0 అని స్క్రీన్ మీద పడింది.. నిజంగానే ఈయన 2.0 చూపించాడు సర్పంచ్ రోల్లో..! చివర్లో కూడా మంచి ఎమోషనల్ ఎండింగ్ ఉంది. నందుకు చాలా రోజుల తర్వాత మంచి క్యారెక్టర్ పడింది. రవికృష్ణ, మణిక, మౌనిక రెడ్డి, బిందు మాధవి అంతా బాగా నటించారు. మిగిలిన వాళ్ళంతా ఓకే. వీళ్లకు తోడు మార్క్ కే రాబిన్ మ్యూజిక్ బాగుంది. పాటల కంటే కూడా బ్యాగ్రౌండ్ స్కోర్ చాలా బాగా కుదిరింది. సినిమాటోగ్రఫీ వర్క్ కూడా అద్భుతంగా ఉంది. సృజన ఎడిటింగ్ కూడా బాగుంది. నిర్మాత బెన్నీ పనితీరు బాగుంది. ఇలాంటి సినిమాలకు బడ్జెట్ పెట్టడానికి ధైర్యం కావాలి. ఈ విషయంలో ప్రొడ్యూసర్ రవీంద్ర బెనర్జీ ముప్పనేని ముందుకు రావడం హర్షనీయం. దర్శకుడు మురళీకాంత్ రూరల్ బ్యాక్ డ్రాప్ లో ఒరిజినల్ అప్రోచ్తో ఈ సినిమా చేశాడు. తనవరకు చాలా హానెస్ట్ అవుట్ పుట్ ఇచ్చాడు. ఇక ఓవరాల్గా దండోరా గురించి చెప్పాలంటే.. హానెస్ట్ అటెంప్ట్.. ఒక మంచి సినిమా..!
మరిన్ని వీడియోల కోసం ఇక్కడ క్లిక్ చేయండి
Also Watch:
Shambhala Review: ఏందిది ఆది..! ఇదేదో ముందే చేయొచ్చుగా
Dhurandhar 2: ఊహించని బాంబు పేల్చిన ధురంధర్ 2.. ఇక వాళ్ల పరిస్థితి ఏంటో..?
Sandeep Reddy Vanga: గ్లోబల్ బాక్సాఫీస్ ను టార్గెట్ చేస్తున్న సందీప్ వంగా
Animal: జపాన్లో విడుదలకు సిద్ధమైన యానిమల్
Champion Movie : కొంచెం స్లో అయినా… మొత్తనికి గెలిచేసిన ఛాంపియన్