డ్యాన్సర్స్ అసోసియేషన్ లో ముదురుతున్న వివాదం
డ్యాన్సర్స్ అసోసియేషన్లో అధ్యక్షురాలు సుమలత, కార్యదర్శి శ్రీనివాస్ మధ్య వివాదం తీవ్రరూపం దాల్చింది. సుమలత ఏకపక్ష ధోరణిని నిరసిస్తూ పది మంది సభ్యులు రాజీనామా చేశారని శ్రీనివాస్ ఆరోపించారు. ఆర్థిక అవకతవకలపై ఆరోపణలు, బై ఎలక్షన్ల నిర్వహణపై ఇరువర్గాల మధ్య భిన్నాభిప్రాయాలు వ్యక్తమవుతున్నాయి.
డ్యాన్సర్స్ అసోసియేషన్లో అధ్యక్షురాలు సుమలత, కార్యదర్శి శ్రీనివాస్ మధ్య వివాదం రోజురోజుకు తీవ్రమవుతోంది. అసోసియేషన్ అధ్యక్షురాలు సుమలత చేసిన ఆరోపణలను కార్యదర్శి శ్రీనివాస్ గట్టిగా ఖండించారు. సుమలత ఏకపక్ష ధోరణితో వ్యవహరిస్తున్నారని, అందుకే తనతో పాటు మరో పది మంది సభ్యులు రాజీనామా చేశారని శ్రీనివాస్ వెల్లడించారు.గత డిసెంబర్లో జరిగిన ఎన్నికల్లో అందరూ కలిసికట్టుగా గెలిచారని శ్రీనివాస్ పేర్కొన్నారు. అయితే, కమిటీ తీసుకునే నిర్ణయాలను సుమలత పట్టించుకోకుండా, తనకి నచ్చిన విధంగా వ్యవహరిస్తున్నారని, మీటింగ్ మినిట్స్ను కూడా తన ఇష్టానుసారం రాసుకుంటున్నారని ఆయన ఆరోపించారు. ఈ కారణాల వల్లనే చాలా మంది సభ్యులకు సుమలత ధోరణి నచ్చలేదని, అందుకే రాజీనామాలు చేశారని ఆయన వివరించారు.అయితే, సుమలత మాత్రం ఆర్థిక అవకతవకలు జరిగాయని ఆరోపిస్తున్నారు. సభ్యులు రాజీనామా చేయడం వల్ల ఖాళీ అయిన పోస్టులకు బై ఎలక్షన్లు నిర్వహించాలనేది ఆమె వాదన. కానీ, మెజారిటీ సభ్యులు రాజీనామా చేసినప్పుడు అసోసియేషన్ బాడీ రద్దు అవుతుందని, బైలాస్లో కూడా ఉందని శ్రీనివాస్ తెలిపారు. ఈ వివాదం సినీ పరిశ్రమలో చర్చనీయాంశంగా మారింది.
మరిన్ని వీడియోల కోసం :
‘రామాయణ’ కోసం మేకర్స్ కొత్త ప్రమోషనల్ ప్లాన్..
బాక్సాఫీస్ వద్ద రచ్చ చేయడానికి సిద్ధమవుతున్న యశ్