ఇలా AIతే అరాచకం..!
కృత్రిమ మేధస్సు (AI) ద్వారా సృష్టించబడుతున్న డీప్‌ఫేక్ వీడియోలు డిజిటల్ ప్రపంచంలో పెను సవాలుగా మారాయి. మహిళా సెలబ్రిటీల నుండి రాజకీయ నాయకుల వరకు లక్ష్యంగా చేసుకుని, ఈ నకిలీ వీడియోలు గౌరవానికి భంగం కలిగిస్తూ, సామాజిక అశాంతిని రేపుతున్నాయి. చట్టపరమైన చర్యలు, ప్రజల అవగాహనతో ఈ ముప్పును ఎదుర్కోవడం అత్యవసరం
ఆర్టిఫిషియల్ ఇంటెలిజెన్స్ (AI) సాంకేతికత విస్తరణతో డీప్‌ఫేక్ వీడియోల బెదిరింపు పెరుగుతోంది. ఒకప్పుడు నైపుణ్యం అవసరమైన మార్ఫింగ్, ఇప్పుడు AI టూల్స్‌తో సులభంగా మారుతోంది. ముఖ్యంగా మహిళలను లక్ష్యంగా చేసుకుని, వారు చేయని పనులను చేసినట్లుగా చూపించే అసభ్యకరమైన డీప్‌ఫేక్ వీడియోలు సృష్టించబడుతున్నాయి. ఇటీవల దేవర చిత్రంలోని చుట్టమల్లె పాటను ఉపయోగించి జాన్వీ కపూర్‌పై సృష్టించిన AI మార్ఫింగ్ వీడియో పెద్ద కలకలం రేపింది. ఈ ఘటనపై జాన్వీ కపూర్ తీవ్రంగా స్పందిస్తూ, లీగల్ చర్యలు తీసుకుంటామని హెచ్చరించారు. జూనియర్ ఎన్టీఆర్, చిరంజీవి, విజయ్ దేవరకొండ వంటి ప్రముఖులు కూడా దీనిని ఖండించారు. ఎన్టీఆర్ మాట్లాడుతూ, మహిళలను అవమానించేలా AIని దుర్వినియోగం చేయడం హేయమైన చర్య అని, కేంద్ర, రాష్ట్ర ప్రభుత్వాలు కఠిన నిబంధనలు తీసుకురావాలని డిమాండ్ చేశారు. గతంలో రష్మిక మందన, కత్రీనా కైఫ్ వంటి తారలు కూడా ఈ డీప్‌ఫేక్ బారిన పడ్డారు. సినీ రంగంతో పాటు రాజకీయాల్లోనూ ఈ నకిలీ వీడియోలు ప్రత్యర్థులపై బురద జల్లడానికి ఉపయోగపడుతున్నాయి. ఫేక్ వీడియోలను తయారు చేసిన వారికి ఐటీ చట్టం కింద ఐదేళ్ల జైలు శిక్ష, ₹10 లక్షల జరిమానా విధించే అవకాశం ఉంది. AI ప్రయోజనకరమైనది అయినప్పటికీ, దాని దుర్వినియోగం డిజిటల్ నేరంగా పరిగణించబడుతుందని నిపుణులు హెచ్చరిస్తున్నారు.
మరిన్ని వీడియోల కోసం :
ఒకే నెలలో రెండు సినిమాలతో సందడి చేస్తున్న సాయి పల్లవి
కన్‌ఫ్యూజన్‌లో కన్నడ హీరోలు..ఎందుకంటే?
బాలీవుడ్‌లో సినిమా తీయటం అంత ఈజీ కాదన్న అజయ్‌ దేవగన్‌
ఆకతాయిలకు జూనియర్ వార్నింగ్‌… ఎవ్వరినీ వదిలిపెట్టనన్న ఎన్టీఆర్..
రణబాలి కథ రివీల్ చేసిన దర్శకుడు!