ఇవేం వింత కోరికలు అక్కా.. గడ్డి తింటూ, సకిలిస్తూ గుర్రం అవ్వాలనుకున్న మహిళ!
ప్రపంచంలో రకరకాల వింత అలవాట్లు ఉన్న మనుషులు ఉంటారు. ప్రతి ఒక్కరికీ వారి వారి ఆసక్తులు, అభిరుచులు ఉంటాయి. కొందరికి సంగీతం, కొందరికి క్రీడలు, మరికొందరికి ప్రయాణాలు ఇష్టం. కానీ, కొందరి అభిరుచులు ఎంత ప్రత్యేకంగా ఉంటాయంటే, అవి చూసేవారిని ఆశ్చర్యానికి గురిచేస్తాయి. కానీ, సోషల్ మీడియాలో వైరల్గా మారిన ఒక మహిళకు గుర్రంలా జీవించాలనే వింత కోరిక ఉందని తెలిస్తే షాక్ అవుతారు. దాంతో ఆమె గుర్రంలా సకిలించడం, గడ్డి తినడం, గెంతడం వంటి పనులు చేస్తూ అందరినీ ఆశ్చర్యపోయేలా చేస్తుంది.
ప్రపంచంలో మనుషుల ఇష్టాలు ఒక్కోసారి చాలా వింతగా, ఆశ్చర్యకరంగా ఉంటాయి. సాధారణంగా మనుషులు విలాసవంతమైన జీవితాన్ని కోరుకుంటారు. కానీ, అమెరికాకు చెందిన ఒక మహిళ మాత్రం జంతువులా బ్రతకాలని కోరుకుంటోంది. తనను తాను మనిషిగా కంటే గుర్రంగా గుర్తించుకోవడానికే ఆమె మొగ్గు చూపుతోంది. అది కేవలం ఆమె ఆశ మాత్రమే కాదు..గుర్రంలా సకిలించడం, గడ్డి తినడం, గెంతడం వంటి పనులు చేస్తూ ఆమె వార్తల్లో నిలిచింది. దీనిని ఒక వింత వ్యసనంగా (Strange Addiction) భావిస్తున్నారు.
అమెరికాకు చెందిన 31 ఏళ్ల కేట్ అనే మహిళ తాను ఆడ గుర్రమని చెప్పుకుని అందరినీ ఆశ్చర్యపరిచింది. తన మనసు ఆడ గుర్రమేనని ఆమె చెబుతోంది. ఆమెకు మనిషిలా బతకడం ఇష్టం లేదు. ఆమె గుర్రంలా ప్రవర్తిస్తుంది. సకిలించడం, గడ్డి మేయడానికి ప్రయత్నించడం, నాలుగు కాళ్లపై నడవడం సాధన చేయడం, తన కోరికలను తీర్చుకోవడానికి గుర్రాలకు సంబంధించిన ఉపకరణాలు (పగ్గాలు, జీను మొదలైనవి) ధరించడం వంటివి చేస్తుంది. కేట్కి చిన్నప్పటి నుండే గుర్రాలంటే అమితమైన ఇష్టం. అయితే, ఆ ఇష్టం క్రమంగా ఒక వింత వ్యసనంగా మారింది. మై స్ట్రేంజ్ అడిక్షన్ (My Strange Addiction) అనే కార్యక్రమంలో ఆమె తన జీవనశైలి గురించి వెల్లడించింది. కేట్ రోజంతా ఒక గుర్రంలాగే గడుపుతుంది. గుర్రపు ముఖం మాస్క్ ధరించడం, వెనుక తోక తగిలించుకోవడం, గుర్రంలాగే నాలుగు కాళ్లపై (చేతులు, కాళ్లు వాడి) నడవడం ఆమె దైనందిన చర్యలో భాగం.
కేట్ ప్రవర్తన కేవలం నడకకే పరిమితం కాలేదు. ఆమె గుర్రంలాగే సకిలిస్తుంది. అంతటితో ఆగకుండా, గుర్రాలు తినే గడ్డిని కూడా ఆమె తింటుంది. పొలాల్లో గుర్రంలా పరుగెత్తడం, అడ్డంకులను దూకడం (Hurdle jumping) వంటివి ఆమె సాధన చేస్తుంది. తన ఇంట్లో కూడా ఆమె ఒక గుర్రంలాగే ప్రవర్తిస్తూ ఉంటుంది.
కేట్ మాటల్లో చెప్పాలంటే, మనిషిగా బ్రతకడం కంటే గుర్రంలా ఉండటమే తనకు మానసిక ప్రశాంతతను, స్వేచ్ఛను ఇస్తుందని చెబుతుంది. గుర్రంలా నటించడం వల్ల తన ఒత్తిడి తగ్గుతుందని ఆమె భావిస్తోంది. మొదట్లో ప్రజలు తనను చూసి వింతగా నవ్వుకున్నా, ఇప్పుడు ఆమె దానిని ఏమాత్రం పట్టించుకోవడం లేదు. సోషల్ మీడియాలో ఈ వార్త వైరల్ కావడంతో, కొందరు ఇది మానసిక స్థితికి సంబంధించిన విషయమని అంటుంటే, మరికొందరు ఆమె వ్యక్తిగత ఇష్టమని అభిప్రాయపడుతున్నారు. ఏది ఏమైనా, మనిషి గుర్రంలా మారాలనుకోవడం మాత్రం అందరినీ ఆశ్చర్యానికి గురి చేసింది.
మరిన్ని ట్రెండింగ్ న్యూస్ కోసం క్లిక్ చేయండి..