Viral Video: రోజూ వాకింగ్‌కు డుమ్మా కొడుతున్న ఫ్రెండ్ .. బ్యాండ్ మేళంతో ఆహ్వానం.. ఫన్నీ వీడియో వైరల్

Funny Video Viral

మారిన జీవన శైలి, ఆహారంలో మార్పులు, తగ్గిన శారీరక శ్రమతో వయసుతో సంబంధం లేకుండా అనారోగ్యం బారిన పడుతున్న వారు రోజు రోజుకీ పెరుగుతున్నారు. ఈ నేపథ్యంలో కొందరు శరీరానికి పని చెబుతూ.. యోగా, వ్యాయామం, వాకింగ్ వంటివాటిని ఆశ్రయిస్తున్నారు. పొద్దున్నే పచ్చని ప్రకృతి అందాల మధ్య రణగొణ ధ్వనులు లేకుండా పల్లెటూరివారు వాకింగ్ చేయవచ్చు. అదే సిటీల్లో అయితే వాకింగ్ కోసం అయినా.. యోగా కోసం అయినా పార్క్స్ ను ఆశ్రయిస్తున్నారు. ఇలా పార్కులకు వాకింగ్ వెళ్లే సమయంలో ఒకరికొకరు పరిచయం అయి .. మంచి స్నేహితులుగా మారుతున్నా సందర్భాలు కూడా అనేకం ఉన్నాయి.

రోజూ వాకింగ్ కోసం వెళ్లేవారు తమ తోటి మిత్రుల కోసం ఎదురుచూసి.. వారితో కలిసి సంతోషముగా వాకింగ్ చేస్తూ ఉంటారు. అలాంటి స్నేహితుల్లో ఒకరు రోజూ వాకింగ్ కు వెళ్లకుండా బద్దకిస్తే .. మిగతావారికి బోర్ కొట్టి కొంచెం నిరాశకు గురవుతారు. అలా మార్నింగ్ వాకింగ్ కు వెళ్లకుండా డుమ్మా కొడుకుతున్న తమ స్నేహితుడిని కొందరు స్నేహితులు డిఫరెంట్ గా ఆహ్వానించారు. ప్రస్తుతం ఆ వీడియో నెట్టింట్లో చక్కర్లు కొడుతోంది.

ఫన్నీ వీడియోపై ఓ లుక్ వేయండి..

ఆరోగ్యమే మహాభాగ్యం అని సిన్సియర్ గా నమ్మిన కొందరు వాకింగ్ స్నేహితులు అందరూ కలిసి ప్రతి రోజూ సిన్సియర్ గా వాకింగ్ చెయ్యాలని నిర్ణయించుకున్నారు. ఆ నిర్ణయాన్ని అమలు చేస్తూ రోజూ వాకింగ్ కూడా వెళ్లేవారు. అయితే  ఈ ఫ్రెండ్స్ లో ఎవరో ఒకరు పొద్దున్నే నిద్ర లేవడానికి లేదా మరేదైనా కారణంతో వాకింగ్ కు వెళ్ళడానికి బద్దకిస్తూ ఉన్నారు. దీంతో అలాంటి వారికోసం ఈ స్నేహ బృందం సరికొత్త ఆలోచన చేసింది.

తమ స్నేహితుల్లో ఎవరైనా బద్దకించి వాకింగ్ కి తమతో రాకపోతే.. వారిని వాకింగ్ కి భిన్నమైన పద్దతిలో  ఆహ్వానిస్తూ ఉన్నారు. అందరు స్నేహితులు కలిసి మేళా తాళాలతో ఊరేగింపు గా ఆ మిత్రుడి ఇంటికి వెళ్ళి…. వాకింగ్ చెయ్ మిత్రమా… ఆరోగ్యం నీ సొంతమవుతుంది అంటూ స్నేహంగా ఆహ్వానించారు. దీంతో వాకింగ్ ఎగ్గొట్టిన ఫ్రెండ్ నవ్వుతూ తన స్నేహితులతో కలిసి వాకింగ్ కి వెళ్ళాడు. ప్రస్తుతం ఈ వీడియో ఓ రేంజ్ లో నెట్టింట్లో చక్కర్లు కొడుతోంది.

మరిన్ని ట్రెండింగ్ వీడియో వార్తల కోసం ఇక్కడ క్లిక్ చేయండి..